Nɑhumu 3:3 - Bibeli Gusunɔn Gari

³ Mɑɑsɔbu bɑ wee, bɑ tɑkobibɑ kɑ yɑɑsi nɛni yi bɑllimɔ. Wee bɑ tɔmbu mɛɛrɑ kuɑ, mɑ ɡonu tɛrie bɑɑmɑ, nu ǹ ɡɑrirɔ. Mɑ bɑ nu wɔrikimɔ.

Nɑhumu 3:3 ပူးပေါင်းရင်းမြစ်များ

Torubu 3:24

Nɡe mɛyɑ u kɑ Adɑmu ɡirɑ mɑ u wɔllun kɔ̃sobu doke Edɛnin ɡbɑɑ ten kɔnnɔwɔ, ɡe ɡɑ wɑ̃ɑ sɔ̃ɔ yɑri yerun berɑ ɡiɑ. Bɑ tɑkobi nɛni bɑ ye fĩɑmɔ mɑ yɑ bɑllimɔ sɔ̃ɔ sɔɔ nɡe dɔ̃ɔ yɑrɑ, bɑ kɑ dɑ̃ɑ tèn binu nu koo tɔnu wɑ̃ɑru wɛ̃ kɔ̃su.

Sinɑmbu II 19:35

Ye n kuɑ wɔ̃kuru yerɑ Yinni Gusunɔn ɡɔrɑdo u yɑrɑ u dɑ Asiriɡibun sɑnsɑniɔ mɑ u tɔnu nɔrɔbun subɑ wunɑɑ wɛnɛ kɑ nɔɔbu (185.000) ɡo. Ye bɑ seewɑ bururu, bɑ deemɑ wee ɡonɑ nu tɛrie.

Esɑi 34:3

Ben yɛm mu ko n kokumɔ sɑɑ ɡuunun di. Ben ɡonu ko n kɔ̃ɔkire, kpɑ nin nuburɑ n pusɑ.

Esɑi 37:36

Ye n kuɑ wɔ̃kuru, yerɑ Yinni Gusunɔn ɡɔrɑdo u yɑrɑ u dɑ Asiriɡibun sɑnsɑniɔ mɑ u tɔnu nɔrɔbun subɑ wunɑɑ wɛnɛ kɑ nɔɔbu (185.000) ɡo. Ye bɑ seewɑ bururu, bɑ deemɑ wee, ɡonɑ nu tɛrie bɑɑmɑ kpuro.

Esɑi 66:16

Domi dɔ̃ɔ kɑ tɑkobiwɑ nɛ, Yinni Gusunɔ, kon kɑ tɔmbu kpuro siri. Tɔn dɑbirɑ tɑ koo ɡbi dɔmɑ te.

Esekiɛli 39:4

U koo wɔrumɑ Isirelibɑn ɡuunu wɔllɔ wi, kɑ win tɑbu kowobu kɑ tɔn be bɑ nùn swĩimɑ. Kpɑ ɡunɔsu kɑ ɡbeeku yɛɛ yi ben yɑɑ di.

Sɑ̃ɑrun Woodɑ 26:37

Bɑ koo wɔrikinɑwɑ nɡe be bɑ ɡoonɑmɔ tɑbu sɔɔ kɑ tɑkobi. Bɑ ǹ kpɛ̃ bu yɔ̃rɑ bu ben yibɛrɛbɑ mɑ.

Nɑhumu 2:4

Ninifun yibɛrɛbɑn tɑbu durɔ dɑmɡibun tɛrɛnu nu sɔ̃ri. Mɑ bɑ yɑ̃ɑ wunɔmɡinu doke. Tɑbun tɔ̃ru tɑ̀ n turɑ, ben tɑbu kɛkɛ be dumi ɡɑwe yi rɑ kurɑmɛwɑ yi n bɑllimɔ nɡe dɔ̃ɔ buri, kpɑ bɑ n yɑɑsi fĩɑmɔ.

Hɑbɑkuku 3:11

Sɔ̃ɔ kɑ suru bɑ yɔ̃rɑ ye bɑ wunɛn ɡuru mɑɑkinu wɑ nu bɑllimɔ nɡe yɑɑsɑ, mɑ nu dɔɔ nɡe sɛ̃ɛnu.