Nɑhumu 2:2 - Bibeli Gusunɔn Gari

² Bɛɛ Ninifuɡibu, kɑm koosio u bɛɛ wɔrim wee. Yen sɔ̃, i bɛɛn ɡbɑ̃rɑru mɑruo, kpɑ i bɛɛn swɛɛ kɔ̃su. I sɔɔru koowo, kpɑ i wɔruɡɔru sɔ̃ɔsi kɑ bɛɛn dɑm kpuro.

Nɑhumu 2:2 ပူးပေါင်းရင်းမြစ်များ

Womusu 47:4

wi u rɑ de su bwesenu ɡɑnu tɛɛsi, kpɑ sɑ n nu tɑɑre.

Esɑi 60:15

Wunɛ wi tɔmbu bɑ rɑɑ tusɑ bɑ deri, bɑ ku rɑ mɑɑ nɛ wunɛn mi, kon nun ko wuu burɔ sere kɑ bɑɑdommɑɔ, kpɑ ɑ n wunɛn tɔmbu nuku dobu wɛ̃ɛmɔ sere kɑ ben bibun bibɔ.

Yeremi 25:29

Domi u ǹ win wuu Yerusɑlɛmu deri. Ǹ n mɛn nɑ, u koo bweseru ɡɑru deri? Aɑwo, u ǹ derimɔ. Bwesenu kpuro sɔɔrɑ u koo win mɔru sure. Wi, Gusunɔ wɔllu kɑ tem Yinniwɑ u yeni ɡeruɑ.

Yeremi 48:11

Wee, sɑɑ yellun di, Mɔɑbubɑ bɑ wɑ̃ɑ bɔri yɛndu sɔɔ. Bɑ ǹ yoru diire ɡɑm. Bɑ sɔ̃wɑ kpɛtɛɛ nɡe tɑm kɔrɔru. Bɑ ǹ bu ɡɔsiɑre ɡɑm sɔɔ nɡe tɑm. Ben dobu kɑ ben wɑni kun kɔsɑ.

Yeremi 49:9

Be bɑ rɑ resɛm sɔri bɑ̀ n nɑ bɛɛn mi, bɑ rɑ fiiko deri. Gbɛnɔbu bɑ̀ n tɔmbu wɔri, bɑ rɑ suewɑ ye bɑ koo kpĩ.

Esekiɛli 37:21

A mɑɑ bu sɔ̃ɔwɔ ɑ nɛɛ, wee, kon Isirelibɑ mɛnnɑmɑ beri berikɑn di mi bɑ yɑrinɛ bwesenu sɔɔ, kpɑ n de bu wurɑmɑ ben temɔ.

Esekiɛli 37:23

Bɑ ǹ mɑɑ tii disi dokemɔ ben bũu sɑ̃ɑnun sɔ̃ kɑ ben torɑnun sɔ̃. Kon bu yɑrɑmɑwɑ mi bɑ wɑ̃ɑ bɑ kɑ torɑ kpuron di. Kon bu dɛɛrɑsiɑwɑ mɑm mɑm. Bɑ ko n sɑ̃ɑwɑ nɛn tɔmbu kpɑ nɑ n mɑɑ sɑ̃ɑ ben Yinni.

Osee 10:1

Isirelin bweseru tɑ rɑɑ sɑ̃ɑwɑ nɡe resɛm ɡeɑ ye yɑ rɑ mɑ too. Adɑmɑ nɡe mɛ bɑ dɑbiɑmɔ, nɡe mɛyɑ bɑ bũu yenu dɑbiɑsiɑmɔ. Nɡe mɛ ben tem mu kuurɑmɔ, nɡe mɛyɑ bɑ bũu yenu sɔmmɔ kɑ kpee ɡeenu.

Nɑhumu 2:10

I sii ɡeesu kɑ wurɑ ɡuro. Ben dukiɑ yɑ ǹ nɔru mɔ. Dukiɑ bwese bwesekɑwɑ bɑ mɔ.

Nɑhumu 3:14

Bɛɛ Ninifuɡibu, i nim tɑkirio i yi. Domi bɑ koo bɛɛn wuu tɑrusi. I bɛɛn ɡbɑ̃rɑrun dɑm sosio. I birikibɑ muro kpɑ i sɔndu tɑɑku i kɑ tu bɑni.

Sofoni 3:11

Yen tɔ̃ɔ te, bɛɛ win tɔmbu Isirelibɑ, i ǹ sekuru wɑsi bɛɛn dɑɑ kɔ̃sɑ kɑ bɛɛn torɑ ni i kuɑ sɔɔ. Domi u koo be bɑ rɑ tii sue bɛɛn suunu sɔɔ wunɑ, kpɑ bɛɛn tiin tɔn biɑru tu kpe win ɡuu dɛɛrɑrun wɔllɔ.