Misee 7:9 - Bibeli Gusunɔn Gari

⁹ Sɑ ko Yinni Gusunɔn mɔru sɔbe, domi sɑ nùn torɑ. Adɑmɑ sɑɑ ɡɑɑ sisi yè sɔɔ u koo kɑ sun yinɑ, kpɑ u sun ɡem wɛ̃. U koo kɑ sun nɑ yɑm bururɑm sɔɔ kpɑ u sun durom kuɑ.

Misee 7:9 ပူးပေါင်းရင်းမြစ်များ

Sɑmuɛli II 24:17

Sɑnɑm mɛ Dɑfidi u ɡɔrɑdo wi wɑ wi u tɔmbu ɡoomɔ yerɑ u nɛɛ, nɛnɑ nɑ tore. Tɔn beni bɑ ǹ ɡɑ̃ɑnu kue. Yen sɔ̃, ɑ de ɑ mɑn nɔmɑ doke nɛ kɑ nɛn yɛnuɡibu.

Yoobu 23:10

Kɑ mɛ, u nɛn swɛɛ kpuro yɛ̃ yi nɑ swĩi. Ù n mɑn kpɛ̃ɛ lɑɑkɑri mɛɛribu sɔɔ, kon yɑriwɑ min di, nɑ n dɛɛre nɡe wurɑ ye bɑ dɔ̃ɔ doke.

Yoobu 35:14

Yoobu, bɑɑ mɛ ɑ ɡeruɑ ɑ nɛɛ, ɑ ǹ Gusunɔ wɑɑmɔ, ɑ n yɛ̃ mɑ u wunɛn lɑɑkɑri mɔ̀. Ǹ n mɛn nɑ, ɑ tɛmɑnɔ ɑ nùn swɑɑ dɑki.

Womusu 119:154

A kɑ mɑn yinɔ kpɑ ɑ mɑn yɑkiɑ. A de nɑ n wɑ̃ɑ nɡe mɛ ɑ nɔɔ mwɛɛru kuɑ.

Womusu 37:6

U koo de wunɛn ɡem mu sɔ̃ɔsirɑ nɡe sɔ̃ɔ wii wɔllun sɔ̃ɔ.

Womusu 43:1

A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Womusu 7:6

ɑ de nɛn yibɛrɛ u mɑn sɛ̃re u ɡo. A de u nɛn ɡoru deri mi.

Womusu 94:15

Domi ɡemɡiiwɑ u koo siribu di. Bèn ɡɔ̃ru ɡɑ dɛɛre kpɑ bu siri bi wurɑ.

Esɑi 42:16

Kon wɔ̃kobu sĩisiɑ swɑɑ ye bɑ ǹ yɛ̃ sɔɔ, kpɑ n de yɑm wɔ̃kuru tu ɡɔsiɑ yɑm bururɑm ben wuswɑɑɔ. Kon de swɛɛ yi yi ǹ dɑɑ nɔɔ nɛ yi nɔɔ nɛrɑ yi ko mɑrɑ mɑrɑ. Nɑ ǹ kon ko nɑ kun yenibɑ kpuro kue.

Esɑi 42:7

Kɑɑ wɔ̃kobu nɔni wukiɑ, kpɑ ɑ be bɑ sɔ̃ yɑm wɔ̃kuru sɔɔ pirisɔm dirɔ yɑrɑ.

Esɑi 46:13

Kon Yerusɑlɛmu fɑɑbɑ ko, kpɑ n de Isirelibɑ bu bɛɛrɛ wɑ mi. Ye wee, yɑ turuku kuɑ, yɑ ǹ mɑɑ tomɑ. Yɑ ǹ tɛɛmɔ yu kɑ nɑ.

Esɑi 51:22

Amɛniwɑ nɛ Gusunɔ, wunɛn Yinni, nɛ wi nɑ nɛn tɔmbu fɑɑbɑ mɔ̀, nɑ ɡeruɑ. Nɑ nɛɛ, kon nɔrɑ ye mwɑ wunɛn nɔmun di, ye yɑ nɛn mɔru yibɑ mɑ yɑ derɑ ɑ bɑ̃ɑrimɔ. A ǹ mɑɑ ye nɔrumɔ.

Esɑi 56:1

Amɛniwɑ nɛ, Yinni Gusunɔ nɑ ɡeruɑ. Nɑ nɛɛ, i de i ɡem swĩi dee dee kpɑ i n sɑ̃ɑ nɑɑnɛɡibu. Domi nɑ kɑ fɑɑbɑ wee, nɑ ǹ tɛɛmɔ. Kon sɔ̃ɔsi mɑ nɑ sɑ̃ɑ ɡemɡii.

Yeremi 10:19

Yerusɑlɛmuɡibu bɑ wuri wɔri bɑ mɔ̀, sɑ kɑm kuɑ. Wee, bɛsɛn bosu kpɛ̃ɑ, bɛsɛn nɔni swɑ̃ɑrɑ bɑndɑ. Sɑ rɑɑ nɛɛ, kɔ̃sɑ yɑ̀ n sun deemɑ, sɑ ko kpĩ su ye mɑ.

Yeremi 14:7

Yudɑbɑ bɑ ɡerumɔ bɑ mɔ̀, bɑɑ mɛ sɑ tɑɑrɛ mɔ bɛsɛn durum sɔ̃, Yinni Gusunɔ, ɑ sun somiɔ wunɛn yĩsirun bɛɛrɛn sɔ̃. Wee sɑ kuɑ mɛm nɔɔ sɑribɑ, mɑ sɑ nun torɑri.

Yeremi 51:10

Gusunɔ bɛsɛn Yinni u sun siriɑ. Su dɑ Siɔniɔ su kpɑrɑ ye u sun kuɑ.

Swĩi 1:18

Yinni Gusunɔ u ɡem mɔ ye u kɑ kuɑ mɛ. Domi nɑ ǹ win ɡere mɛm nɔɔwɛ. Bɛɛ bwesenu kpuro, i swɑɑ dɑkio i nɔ, kpɑ i nɛn nuku sɑnkirɑnu wɑ. Nɛn wɔndiɑbɑ kɑ nɛn ɑluwɑɑsibɑ bɑ yoru dɑ tem tukumɔ.

Sɑ̃ɑrun Woodɑ 26:41

Bɑ koo ɡiɑ mɑ nɛnɑ nɑ bu seesi mɑ nɑ kɑ bu dɑ tem tukumɔ ben yibɛrɛbɑn mi. Sɑɑ ye sɔɔrɑ bɑ koo tii kɑwɑ ben nɑɑnɛ sɑrirun sɔ̃ kpɑ bu ɡiɑ mɑ nɛnɑ nɑ bu sɛɛyɑsiɑmɔ ben torɑnun sɔ̃.

Mɑlɑsi 3:18

Sɑɑ yerɑ i ko i wɑ ye yɑ ɡemɡii kɑ tɔn kɔ̃so wunɑnɛ kɑ ye yɑ mɑɑ wi u Gusunɔ sɑ̃ɑmɔ kɑ wi u kun nùn sɑ̃ɑmɔ wunɑnɛ.

Korinti I 4:5

Yen sɔ̃, i ku rɑ mɑɑ ɡɑ̃ɑnun siribu ko tɔ̃ɔ te, tu sere nɑ sere Yinni ù n tunumɑ. Wiyɑ u koo kpuro yɑrɑmɑ bɑtumɑɔ ye yɑ beruɑ wɔ̃kuru sɔɔ, kpɑ u tɔmbun ɡɔ̃rusun bwisikunu sɔ̃ɔsi. Sɑnɑm mɛ sɔɔrɑ bɑɑwure u koo win siɑrɑbu nɔ Gusunɔn mi.

Timɔte II 4:8

Tɛ̃, nɑsɑrɑn ɑre mɑn mɑrɑ, yi yi sɑ̃ɑ ɡem mɛ Yinni siri kowo ɡemɡii koo mɑn wɛ̃ tɔ̃ɔ te. N ǹ mɔ nɛ tɔnɑ, kɑ be kpurowɑ be bɑ win wurɑmɑru mɑrɑ kɑ kĩru.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.

Sɑmuɛli I 24:15

Weren sɔ̃nɑ wunɛ Isirelibɑn sunɔ ɑ yɑrimɑ. Wɑrɑ ɑ nɑɑ ɡire. Nɛ wi nɑ sɑ̃ɑ nɡe bɔ̃ɔ ɡoru? Ǹ kun mɛ nɡe ɡoo dɛ̃ɛ?

Sɑmuɛli I 25:39

Ye Dɑfidi u nuɑ Nɑbɑli u ɡu, yerɑ u ɡeruɑ u nɛɛ, nɑ Yinni Gusunɔ siɑrɑ yèn sɔ̃ u mɑn sɑnnɑ, u Nɑbɑli kɔsie ye u mɑn kuɑ. Mɛyɑ u mɑɑ yinɑ nɛ win bɔ̃ɔ n kɔ̃sɑ ko. Win tiiwɑ u Nɑbɑli nùn win nuku kɔ̃suru kɔsie. Yen biru Dɑfidi u Abiɡɑli ɡɔriɑ u nɛɛ, u kĩ u nùn suɑ kurɔ.

Sɑmuɛli I 26:10

Dɑfidi u mɑɑ nɛɛ, sere kɑ Yinni Gusunɔn wɑ̃ɑru nɑ yɛ̃ mɑ win tii u koo nùn ɡo tɑbu ɡberɔ, ǹ kun mɛ win ɡɔɔn tɔ̃ru tɑ̀ n turɑ.

Sɑmuɛli I 3:18

Mɑ Sɑmuɛli u nùn ɡɑri yi kpuro sɑɑriɑ. U ǹ nùn yin ɡɛɛ berue. Mɑ Eli u nɛɛ, Gusunɔ wiyɑ Yinni. U koowo nɡe mɛ n weenɛ win nɔni sɔɔ.