Misee 7:3 - Bibeli Gusunɔn Gari

³ Bɑ kɔ̃sɑn kobun yɛ̃ru mɔ. Mɑ sinɑmbu kɑ siri kowobu bɑ tɔmbu nɔm birɑm kɛ̃nu mwɑɑrimɔ. Ben dɑmɡibu bɑ ben binɛ sɔ̃ɔsimɔ. Mɑ be kpuro bɑ nɔɔ tiɑ sɑ̃ɑ bu kɑ ko ye bɑ kĩ.

Misee 7:3 ပူးပေါင်းရင်းမြစ်များ

Mɔnnu 16:30

Wi u nɔni yinwɑ mɑ u nɔɔ tɛndu bɛri u kɑ kɔ̃sɑ ko, u ye kuɑ kɔ.

Mɔnnu 17:23

Tɔn kɔ̃sowɑ u rɑ nɔm birɑn kɛ̃nu mwɛ u kɑ tɔnu ɡem birɑ.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Esɑi 26:21

Wee Yinni Gusunɔ u yɑrimɑ win wɑ̃ɑ yerun di u kɑ hɑnduniɑn tɔmbu siri kɔ̃sɑ ye bɑ kuɑn sɔ̃. Tem mu koo tɔn be bɑ ɡon yɛm terɑsiɑ, kpɑ ben ɡonu nu sɔ̃ɔsirɑ.

Esɑi 3:5

Tɔmbɑ koo dɑm dɔrenɑ. Aluwɑɑsibɑ bɑ koo durɔ tɔkɔnu seesi, kpɑ ɡɑru ko sɑribɑ bu dɑmɡibu nɔni du.

Esɑi 32:7

Tɔn kɔ̃son kookoosu kpuro su ku rɑ n wɑ̃. U rɑ kpunɑɑ dɑbinu kowɑ u kɑ bwɛ̃ɛbwɛ̃ɛ kɑm koosiɑ kɑ weesu, bɑɑ bwɛ̃ɛbwɛ̃ɛ wi, ù n ɡem mɔ.

Esɑi 5:23

Bɔ̃rurobɑ be bɑ nɔm birɑn kɛ̃nu mwɑɑmɔ, bɑ kɑ tɑɑrɛɡibu ɡem wɛ̃ɛmɔ, mɑ bɑ ɡemɡibu tɑɑrɛ wɛ̃ɛmɔ.

Yeremi 3:5

Mɑ i bikiɑmɔ, ko nɑ n kɑ bɛɛ mɔru sɑ̃ɑwɑ sere kɑ bɑɑdommɑɔ? Bɛɛ Isirelibɑ, yeniwɑ i rɑ n ɡerumɔ, ɑdɑmɑ i kɔ̃sɑ mɔ̀ i dɔɔ nɡe mɛ̀n nɔɔ i kĩ.

Yeremi 4:22

Mɑ Yinni Gusunɔ u nɛɛ, wee, nɛn tɔmbu bɑ ǹ bwisi mɔ. Mɛyɑ bɑ ǹ mɑn yɛ̃. Bɑ sɑ̃ɑwɑ ɡɑri bɑkɑsu. Bɑ kɔ̃sɑn kobun bwisi mɔ, ɑdɑmɑ bɑ ǹ ɡeɑn kobu yɛ̃.

Yeremi 8:10

Yen sɔ̃nɑ nɛ, Yinni Gusunɔ, kon de yibɛrɛbɑ bu ben kurɔbu kɑ ben ɡbeɑ mwɛɛri. Domi sɑɑ ben bwɛ̃ɛbwɛ̃ɛbun di n kɑ ɡirɑri ben dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire kɑ tɑki. Nɛn sɔmɔbu kɑ yɑ̃ku kowobu, weesɑ bɑ rɑ n mɔ̀.

Esekiɛli 22:12

Gɑbɑ mɑɑ wɑ̃ɑ be bɑ rɑ wure bu ɡobi mwɑ bu kɑ tɔmbu ɡo. Gɑbɑ wɑ̃ɑ bɑ rɑ ɑre bɛkɛ kɑsu bɑ̀ n ben winsim ɡobi bɔkurɑ. Gɑbɑ wɑ̃ɑ be bɑ ben winsim tɑki dimɔ bu kɑ ɡobi ko. Mɑ bɑ nɛ, Yinni Gusunɔ duɑri mɑm mɑm. Nɛ, Yinni Gusunɔwɑ nɑ yeni ɡeruɑ.

Esekiɛli 22:27

Ben sinɑmbu bɑ sɑ̃ɑwɑ nɡe ɡbeeku yɛɛ. Domi bɑ tɔmbu ɡoomɔ bu wɑ bu kɑ ben binɛ suresiɑ.

Esekiɛli 22:6

Wee be, Isirelibɑn sinɑmbu bɑ tɔmbu dɑm dɔremɔ bɑ ɡoomɔ Yerusɑlɛmu ye sɔɔ.

Esekiɛli 34:21

Domi ni nu bɔɔru nu ni nu woore kɑ kɔbi bɔrikiɑ nu yɑrinɑsiɑ.

Esekiɛli 9:9

Yinni Gusunɔ u nɛɛ, be Isirelibɑ kɑ Yudɑbɑn torɑnɑ nu kpɛ̃ɑ. Wee ben tem mɛ sɔɔ, tɔn ɡoberɑ tɑ wɑ̃ɑ, ɡem sɑri. Domi bɑ mɔ̀, nɛ, Yinni Gusunɔ nɑ ben tem deri. Nɑ ǹ mɑɑ wɑɑmɔ ye bɑ mɔ̀.

Osee 4:18

Bɑ̀ n tɑm nɔrɑ bɑ kpɑ, bɑ rɑ n yɑnde dɔɔwɑ bu sɑkɑrɑru ko. Wee ben wiruɡibu bɑ rɑ n kĩwɑ bɑ n wɑ̃ɑ sekuru sɑri kom sɔɔ.

Osee 7:3

Ben nuku kɔ̃su kookoosu kɑ ben weesu su sinɑ boko kɑ ben wiruɡibu nuku dobu wɛ̃ɛmɔ.

Amɔsu 5:12

Domi u bɛɛn torɑnu yɛ̃ nu kpɑ̃, u mɑɑ yɛ̃ mɑ i durum kuɑ too. I ɡemɡibu nɔni sɔ̃ɔmɔ. I nɔm birɑn kɛ̃nu mwɑɑmɔ. Mɑ i yinɑmɔ bu sɑ̃ɑrobu ben ɡem wɛ̃ siri yerɔ.

Misee 2:8

Adɑmɑ bɛɛyɑ Yinni Gusunɔ u sɔ̃ɔmɔ u mɔ̀, i kuɑ win tɔmbun yibɛrɛbɑ. I tɔmbu sɛ̃re be bɑ wee tɑbu ɡberun di i ben yɑ̃nu potirɑ.

Misee 3:11

Mɑ i nɔm birɑn kɛ̃nu mwɑɑmɔ i sere siri. Yɑ̃ku kowobu bɑ rɑ ɡinɑ tɔmbu ɡobi mwɑɑriwɑ bu sere woodɑ sɔ̃ɔsi, kpɑ Gusunɔn sɔmɔbu bu ɡobi mwɑ bu sere win ɡɑri ɡere. Kpɑ bɑ n sere mɔ̀ bɑ sɑ̃ɑwɑ Gusunɔn tɔmbu. Gɑ̃ɑnu kun bu deemɑmɔ yèn sɔ̃ u kɑ bu wɑ̃ɑ.

Misee 3:2

Adɑmɑ wee i ǹ ɡeɑ kĩ, kɔ̃sɑ i kĩ. I rɑ tɔmbu ben ɡɑ̃ɑnu kpuro mwɑɑriwɑ. Kpɑ i bu yɔ̃su tereru.

Mɑteu 26:15

U bu bikiɑ u nɛɛ, mbɑ i ko i mɑn kɛ̃ nɑ̀ n bɛɛ Yesu nɔmu sɔndiɑ. Mɑ bɑ sii ɡeesun ɡobi tɛnɑ ɡɑrɑ bɑ nùn wɛ̃.

Korinti I 4:5

Yen sɔ̃, i ku rɑ mɑɑ ɡɑ̃ɑnun siribu ko tɔ̃ɔ te, tu sere nɑ sere Yinni ù n tunumɑ. Wiyɑ u koo kpuro yɑrɑmɑ bɑtumɑɔ ye yɑ beruɑ wɔ̃kuru sɔɔ, kpɑ u tɔmbun ɡɔ̃rusun bwisikunu sɔ̃ɔsi. Sɑnɑm mɛ sɔɔrɑ bɑɑwure u koo win siɑrɑbu nɔ Gusunɔn mi.