Misee 7:2 - Bibeli Gusunɔn Gari

² Domi tem mɛ sɔɔ, ɡoo sɑri wi u Gusunɔ mɛm nɔɔwɑmmɛ. Goo kun mɔ̀ dee dee. Be kpuro bɑ bwisikumɔwɑ bu tɔmbu ɡo. Mɑ bɑ sɑ̃kiriɑnɑmmɛ.

Misee 7:2 ပူးပေါင်းရင်းမြစ်များ

Womusu 10:9

Bɑ rɑ n kukuɑwɑ nɡe ɡbee sunɔ ɡe ɡɑ yɑɑ mɑrɑ. Bɑ̀ n dɑm sɑriruɡii mwɑ ben yinɑ sɔɔ, kpɑ bu nùn ɡɑwɑ bu kɑ doonɑ,

Womusu 12:1

Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

Womusu 12:2

Yinni Gusunɔ, ɑ nɑ ɑ sun fɑɑbɑ ko. Wee ɡemɡibɑ doonɑ. Nɑɑnɛɡii ɡoo mɑɑ sɑri hɑnduniɑ sɔɔ.

Womusu 57:6

Gusunɔ, wɔllu tɑ ǹ kpɛ̃ tu nun mwɑ wunɛn kpɑ̃ɑrun sɔ̃. A wunɛn yiiko sɔ̃ɔsio tem kpuro sɔɔ.

Mɔnnu 1:11

Bɑ̀ n ɡeruɑ bɑ nɛɛ, ɑ nɑ ɑ kɑ bu dɑ i tɔmbu sɑmbɑ ko i bu sɛ̃suku bɑɑ bɑ̀ kun ɡɑ̃ɑnu kue,

Mɔnnu 12:6

Tɔn kɔ̃son ɡɑri yi sɑ̃ɑwɑ nɡe yinɑ ye yɑ rɑ ɡo, ɑdɑmɑ ɡemɡibun ɡɑri yi rɑ tɔmbu ɡbɑrewɑ yinɑn di.

Esɑi 3:5

Tɔmbɑ koo dɑm dɔrenɑ. Aluwɑɑsibɑ bɑ koo durɔ tɔkɔnu seesi, kpɑ ɡɑru ko sɑribɑ bu dɑmɡibu nɔni du.

Esɑi 57:1

Gemɡibu bɑ̀ n ɡu, ɡoo ku rɑ bu weeweenu kue. Tɔn ɡeobu bɑ̀ n wɔrukɑ, ɡoo ku rɑ bwisiku mɑ tɔn kɔ̃sobɑ bɑ bu sɛ̃re bɑ ɡo.

Esɑi 59:7

I rɑ n sɛndewɑ i kɑ kɔ̃sɑ ko, kpɑ i n nɑɑsu sɑ̃u i kɑ tɔnun yɛm yɑri kɑm. I rɑ n bwisikumɔwɑ i kɑ tɔmbu kɔ̃sɑ kuɑ, kpɑ i n tɔmbu dɑm dɔremɔ i n ben yɑ̃nu ɡurɑmɔ mi i duɑ kpuro.

Esɑi 9:19

Bɑ dĩɑnu ɡurɑmɔ nɔm ɡeuɔ kɑ nɔm dwɑrɔ. Adɑmɑ kɑ mɛ, ɡoo kun debɑ. Mɑ ben bɑɑwure u win winsim wɑsin yɑɑ temmɔ.

Yeremi 16:16

Yinni Gusunɔ u nɛɛ, wee, kon yibɛrɛbɑ seeyɑ bu Isirelibɑ mwɛɛri nɡe mɛ susure kowobu bɑ rɑ swɛ̃ɛ mwɛɛri. Yenibɑn biru, kon mɑɑ yibɛrɛ ɡɑbu seeyɑ bu bu wɔri bu ɡo ɡunɡunu wɔllɔ kɑ ɡuunɔ, kɑ sere mɑɑ kpee bɑɑbɑ sɔɔ nɡe mɛ tɑɑsobu bɑ rɑ yɛɛ wɔri bu ɡo.

Yeremi 5:16

Bɑ sɑ̃ɑwɑ tɑbu durɔbu be kpuro. Ben sɛ̃ɛnun sɑɑbu, ɡonu rɑ n yibɑwɑ sikɑɔ.

Yeremi 5:26

Domi ben suunu sɔɔ tɔn kɔ̃sobɑ wɑ̃ɑ. Bɑ rɑ tɔmbu yɛ̃ri bɛriewɑ bu kɑ bu mwɛɛri nɡe be bɑ rɑ ɡunɔsu tɑɑ yinuɛ.

Yeremi 8:6

Nɑ yɔ̃ sɛ̃ɛ nɑ bu swɑɑ dɑki kɑ lɑɑkɑri. Bɑ ɡɑri ɡerumɔ yi yi ǹ ɑsɑnsi ɡɑɑ mɔ. Ben ɡoo kun ɡɔ̃ru ɡɔsiɑmɔ win nuku kɔ̃surun di, u nɛɛ, mbɑn sɔ̃nɑ u yeni mɔ̀. Be kpuro bɑ ben tiin swɑɑ swĩiwɑ nɡe dumɑ ye yɑ wɑ̃ɑ tɑbu sɔɔ.

Swĩi 4:18

Yibɛrɛbɑ bɑ bɛsɛn sɑnu sɑnusu mɛɛrɑ, bu kɑ sun yinɑri su dɑ wuun bɑtumɑ sɔɔ. Bɛsɛn ɡɔɔ turuku kuɑ. Bɛsɛn wɑ̃ɑrun tɔ̃rɑ kpɑwɑ mi.

Esekiɛli 22:12

Gɑbɑ mɑɑ wɑ̃ɑ be bɑ rɑ wure bu ɡobi mwɑ bu kɑ tɔmbu ɡo. Gɑbɑ wɑ̃ɑ bɑ rɑ ɑre bɛkɛ kɑsu bɑ̀ n ben winsim ɡobi bɔkurɑ. Gɑbɑ wɑ̃ɑ be bɑ ben winsim tɑki dimɔ bu kɑ ɡobi ko. Mɑ bɑ nɛ, Yinni Gusunɔ duɑri mɑm mɑm. Nɛ, Yinni Gusunɔwɑ nɑ yeni ɡeruɑ.

Esekiɛli 24:6

Kpɑ ɑ yɑɑ ye wunɑ tiɑ tiɑ. Bɑɑ yen tiɑ ɑ ku rɑ deri mi. Wee ye nɛ, Yinni Gusunɔ nɑ ɡeruɑ. Nɑ nɛɛ, Yerusɑlɛmu yɑ sɑ̃ɑwɑ bɔ̃rurɑ yen tɔn ɡoberun sɔ̃. Yɑ sɑ̃ɑwɑ nɡe sii weke te tɑ wuuru diire, te bɑ ǹ kpɛ̃ bu teɑ bu nɑɑmwɛ.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Osee 6:9

Nɡe mɛ swɑɑ diobu bɑ rɑ n swɑɑ mɑrɑ, nɡe mɛyɑ yɑ̃ku kowobun wuuru tɑ wɑ̃ɑ Sikɛmun swɑɑɔ tɑ tɔmbu ɡoomɔ.

Misee 2:8

Adɑmɑ bɛɛyɑ Yinni Gusunɔ u sɔ̃ɔmɔ u mɔ̀, i kuɑ win tɔmbun yibɛrɛbɑ. I tɔmbu sɛ̃re be bɑ wee tɑbu ɡberun di i ben yɑ̃nu potirɑ.

Misee 3:10

Wee i tɔmbu ɡoomɔ, i ben dukiɑ suɑmɔ i kɑ Yerusɑlɛmu bɑnimɔ.

Misee 3:2

Adɑmɑ wee i ǹ ɡeɑ kĩ, kɔ̃sɑ i kĩ. I rɑ tɔmbu ben ɡɑ̃ɑnu kpuro mwɑɑriwɑ. Kpɑ i bu yɔ̃su tereru.

Sɑkɑri 11:6

Nɛ, Yinni Gusunɔ nɑ ǹ mɑɑ tɔmbun wɔnwɔndu mɔ̀ tem mɛ sɔɔ. Kon bɑɑwure bɛriwɑ win winsim nɔmuɔ kɑ win sunɔn nɔmuɔ. Bɑ koo ben tem ɑrumɑni ɡurɑwɑ. Nɑ ǹ mɑɑ bu wɔrɑmɔ ben yibɛrɛbɑn nɔmun di.

Gɔrobun Kookoosu 24:9

Mɑ Yuubɑ bɑ ɡɑri yi kpuro wurɑ bɑ nɛɛ, ɡeemɑ.

Sɑmuɛli I 24:11

Wee, wunɛn tiin nɔni wɑ ɡisɔ mɑ Yinni Gusunɔ u mɑn nun nɔmu bɛriɑ kpee wɔru ɡe sɔɔ. Bɑ nɛɛ, n nun ɡoowo, ɑdɑmɑ nɑ nun deri. Nɑ nɛɛ, nɑ ǹ nɛn yinni, wi Yinni Gusunɔ u ɡɔsɑ u kuɑ sunɔ nɔmu dokemɔ.

Sɑmuɛli I 26:20

Domi wee wunɛ Sɔɔlu, Isirelibɑn sinɑ boko, ɑ mɑn kɑsu ɑ ɡo nɡe ɡoo dɛ̃ɛ, ǹ kun mɛ nɡe kusu ɡuuru wɔllɔ. Adɑmɑ Gusunɔ u ku de n ɡbi tem tukumɔ mi ko nɑ n kɑ nùn tomɑ.