Misee 7:16 - Bibeli Gusunɔn Gari

¹⁶ Bwesenu nu koo mɑɑmɑɑki ye wɑ. Kpɑ nu sekuru wɑ bɑɑ mɛ nu dɑm mɔ. Nu koo nɔɔ nɔmɑ wukiri, nu yɔ̃rɑ nu kun ɡɑri ɡeruɑ, kpɑ nu kun ɡɑ̃ɑnu nuɑ.

Misee 7:16 ပူးပေါင်းရင်းမြစ်များ

Yoobu 21:5

I mɑn mɛɛrio, kpɑ biti yu bɛɛ mwɑ kpɑ i bɛɛn nɔsu kɔre.

Yoobu 40:4

wee nɑ ǹ sɑ̃ɑ ɡɑ̃ɑnu. Mbɑ kon kpĩ n nun wisi. Kon nɔɔ nɛnɛwɑ n mɑri.

Womusu 126:2

Mɑ sɑ nuku dobu mɔ̀ sɑ yɛ̃ɛmɔ. Mɑ sɑ nɑsɑrɑn kuuki mɔ̀. Mɑ bɑ ɡerumɔ bwesenun suunu sɔɔ bɑ mɔ̀, Yinni Gusunɔ u sun ɡɑ̃ɑ bɑkɑnu kuɑ.

Mɔnnu 30:32

À n tii wɔlle suɑ, ɑ ɡɑri bɑkɑ kookoosu kuɑwɑ. Mɑ ɑ kɔ̃sɑ bwisikɑ ɑ de ɑ wunɛn nɔɔ kpĩ.

Esɑi 26:11

Yinni Gusunɔ, ɑ dɑm mɔ, ɑdɑmɑ wunɛn yibɛrɛbɑ bɑ ǹ mu wɑɑmɔ. A de bu wunɛn hɑniɑ wɑ ye ɑ kɑ wunɛn tɔmbu wɔrɑmɔ, kpɑ bu sekuru wɑ bu dɔ̃ɔ mwɑɑrɑ.

Esɑi 52:15

nɡe mɛyɑ u koo bwese dɑbinu biti kpɛ̃ɛ, kpɑ sinɑmbu bu kpɑnɑ bu ɡɑri ɡere win wuswɑɑɔ. Domi yèn fɑɑɡi bɑ ǹ bu kuɑre, bɑ koo ye wɑ, kpɑ ye bɑ ǹ nɔɔre, n bu yeeri.

Esekiɛli 38:23

Nɡe mɛyɑ kon kɑ bwese dɑbinu sɔ̃ɔsi mɑ nɑ kpɑ̃ nɑ mɑɑ sɑ̃ɑ dɛɛro kpɑ nu ɡiɑ mɑ nɛnɑ nɑ sɑ̃ɑ Yinni Gusunɔ.

Misee 3:7

Sɔmɔ be, bɑ koo ben wuswɑɑ wukiriwɑ sekurun sɔ̃. Domi Yinni Gusunɔ u ǹ bu wisimɔ.

Misee 5:8

Isirelibɑ, i seewo i bɛɛn yibɛrɛbɑ wɔri. Kpɑ i bu ɡo mɑm mɑm.

Asee 2:22

Kon sinɑmbu kpuron bɑndu fukɑ kpɑ n ben dɑm kpeesiɑ. Kon bɛɛn tɑbu kɛkɛ yi dumi ɡɑwe kɑ be bɑ duɑ yi sɔɔ fukiri kɑ sere mɑɑ dumi kɑ yin mɑɑsɔbu. Ben tii tiinɛwɑ bɑ koo ɡoonɑ kɑ tɑkobibɑ.

Sɑkɑri 12:9

Yen tɔ̃ɔ te, kon kookɑri ko n bwese ni kpuro ɡo ni nu Yerusɑlɛmu wɔrim wee.

Romu 3:19

Tɛ̃ sɑ yɛ̃ mɑ kpuro ye woodɑ yɑ ɡerumɔ, yɑ ye ɡerumɔwɑ be bɑ wɑ̃ɑ yen nɔmuɔn sɔ̃, kpɑ nɔɔ bɑɑɡere ɡu kɑ mɑri, kpɑ bɑɑwure u win dɑɑ tusiɑ Gusunɔn wuswɑɑɔ.

Kɑ̃siru 11:18

Hɑnduniɑɡibu bɑ mɔru bɛsirɑ. Mɑ wunɛn mɔru yɑ tunumɑ. Sɑɑ yɑ turɑ bu kɑ ɡɔribu siri. Sɑɑ mɑɑ turɑ bu kɑ wunɛn sɔmɔbu ɑre wɛ̃, kɑ be bɑ nun nɑɑnɛ doke kɑ be bɑ wunɛn yĩsiru nɑsie, bɑkɑ kɑ buu. Sɑɑ mɑɑ turɑ bu kɑ bu kɑm koosiɑ be bɑ hɑnduniɑ kɑm mɔ̀.