Misee 7:14 - Bibeli Gusunɔn Gari

¹⁴ Yinni Gusunɔ, ɑ wunɛn tɔn be ɑ ɡɔsɑ kpɑro kɑ wunɛn kpɑrɑ dɛkɑ. Be wee bɑ wɑ̃ɑ be tɔnɑ dɑ̃ɑ sɔ̃ɔwɔ mi tem ɡem wɑ̃ɑ. A bu kpɑro Bɑsɑni kɑ Gɑlɑdin kpɑrɑ yenɔ nɡe yellu.

Misee 7:14 ပူးပေါင်းရင်းမြစ်များ

Womusu 100:3

I n yɛ̃ mɑ wi turowɑ u sɑ̃ɑ Gusunɔ. Wiyɑ u sun tɑkɑ kuɑ. Sɑ sɑ̃ɑwɑ win tɔmbu. Sɑ sɑ̃ɑwɑ nɡe yɑ̃ɑ ɡɔ̃ɔ ɡe u kpɑre.

Womusu 143:5

Nɑ ɡɑsɔn wɑ̃ɑru yɑɑye. Nɑ wunɛn sɔmɑ kpuro lɑsɑbu mɔ̀, mɑ nɑ wunɛn nɔmɑn sɔmburu bwisikumɔ.

Womusu 28:9

A wunɛn tɔmbu fɑɑbɑ koowo kpɑ ɑ bu domɑru kuɑ, be, be bɑ sɑ̃ɑ wunɛn ɑrumɑni. A bu kpɑro kpɑ ɑ bu nɔɔri sere kɑ bɑɑdommɑɔ.

Womusu 95:7

Domi u sɑ̃ɑwɑ bɛsɛn Yinni. Sɑ mɑɑ sɑ̃ɑ win tɔmbu be u kpɑre nɡe nɑɑ ɡɔ̃ɔ. I de i win nɔɔ nɔ ɡisɔ.

Yɑribu 33:16

Amɔnɑ bɑ koo kɑ tubu mɑ sɑ wunɛn kĩi ɡeeru wɑ, nɛ kɑ wunɛn tɔmbu, mɑ n kun mɔ ɑ kɑ sun dɑ. À n kɑ sun dɑ, sɑɑ yerɑ sɑ ko n sɑ̃ɑ nɛnɛm hɑnduniɑn tɔn be bɑ tie sɔɔ.

Womu Duro 4:1

ɑ sɑ̃ɑwɑ kurɔ burɔ, nɛn kĩnɑsi. Wunɛn nɔni yi bɑllimɔ nɡe wɑɑ bɑkɑɡii wunɛn sɔnditiɑn wɛ̃rin di. Wunɛn seri yi sɑ̃ɑ nɡe boo wuuru te tɑ sɑrɑmɑmɔ Gɑlɑdin ɡuuru wɔllun di.

Esɑi 27:13

Yen tɔ̃ɔ te, bɑ koo kɔbi bɑkɑ so kpɑ be bɑ rɑɑ yoru mwɛɛrɑ bɑ woo Asiriɔ kɑ be bɑ kpikiru dɑ Eɡibitiɔ bu wurɑmɑ. Kpɑ bu yiirɑ bu Yinni Gusunɔ sɑ̃ ɡuu dɛɛrɑ ten mi, Yerusɑlɛmuɔ.

Esɑi 35:2

Kpɑ nuku dobu bu sɔ̃ɔsirɑ mi, kɑ womusu kɑ nɑsɑrɑn kuuki. Mu ko n ɡirimɑ mɔ nɡe Libɑnin dɑ̃ɑ sɔ̃ɔ. Mu ko n bɛɛrɛ mɔ nɡe ɡuu te bɑ mɔ̀ Kɑɑmɛli kɑ Sɑronin tem ɡem. Sɑɑ ye sɔɔ, bɑ koo Yinni Gusunɔn yiiko wɑ kɑ yen ɡirimɑ.

Esɑi 37:24

Win sɔmɔbɑ nɑ bɑ wi, Yinni Gusunɔ wɔnwɑ. Mɑ Sɑnkeribu wi, u nɛɛ, kɑ win tɑbu kɛkɛ dɑbirɑ u yɔɔwɑ Libɑnin ɡuu ni nu ɡunum bon wɔllɔ, mɑ u duɑ sere sere yen dɑ̃ɑ sɔ̃ɔ burɔn sɔɔwɔ u ɡen sɛduru kɑ sipɛrɛn dɑ̃ɑ ye yɑ ɡunum bo bɔɔrɑ.

Esɑi 40:11

U koo bu kpɑrɑwɑ nɡe mɛ yɑ̃ɑ kpɑro u rɑ ko, u n binu wuuwɑ, u n kɑ nin mɛrobu kpɑre.

Esɑi 49:10

Gɔ̃ɔru kɑ nim nɔru kun bu mɔ̀. Sɔ̃ɔ kɑ win yɑm susurɑ kun mɑɑ bu wɑhɑlɑ mɔ̀. Domi wi u ben wɔnwɔndu mɔ, wiyɑ u koo bu kpɑrɑ u kɑ dɑ mi bwii wɑ̃ɑ.

Yeremi 49:31

U mɑɑ nɛɛ, i doo i bu wɔri be, be bɑ wɑ̃ɑ bɔri yɛndu sɔɔ, bɑ sɔ̃ sɛ̃ɛ ben yɛnusɔ. Ben wusu su ǹ ɡɑmbobɑ kɑ kɔkɔrɔbɑ mɔ, mɑ bɑ kɑ tɔmbu dɛsire.

Swĩi 1:7

Sɑɑ yeni sɔɔ, Yerusɑlɛmu yɑ wɑ̃ɑ yɑ̃ɑru sɔɔ, yen tɔmbɑ yɑɑyɑɑre mɔ̀. Yerɑ yɑ yɑɑyɑ ɡɑ̃ɑ ɡee ni yɑ rɑɑ mɔ yellu. Sɑnɑm mɛ yen yibɛrɛbɑ bɑ ye kɑmiɑ, yɑ ɡoo biɑ u nɑ u ye somi, mɑ n yibɛrɛ be dore, bɑ ye yɑɑkoru koosimɔ.

Swĩi 5:21

Yinni Gusunɔ, ɑ̀ n nɛɛ, su wurɑmɑ wunɛn mi, sɑ ko wurɑmɑ. A de bɛsɛn wɑ̃ɑru tu wurɑmɑ nɡe yellu.

Esekiɛli 36:11

U koo de tɔmbu kɑ yɑɑ sɑbenu bu dɑbiɑ bu kɔwɑrɑ kpɑ bu sinɑ mi nɡe yellu. Kpɑ u bu ɡeɑ kuɑ n kere ye u rɑɑ kuɑ. Sɑɑ ye sɔɔ, bɑ koo ɡiɑ mɑ wiyɑ u sɑ̃ɑ Yinni Gusunɔ.

Sɑ̃ɑrun Woodɑ 27:32

Mɛyɑ mɑɑ yɑɑ sɑbenu sɔɔ. Yɑ̃ɑrɑ? Kɛtɛwɑ? Boowɑ? Sɑbe ni bɑ kpɑre ɡesi, wɔkuru bɑɑteren wɔllɔ Yinni Gusunɔ u teeru mɔ.

Amɔsu 9:11

Tɔ̃ru ɡɑrɑ sisi tè sɔɔ kon Dɑfidin bɑndu seeyɑ te tɑ sɑ̃ɑ nɡe yɛnu ɡe ɡɑ bɑnsu kuɑ. Kon tu sɔmɛ, kpɑ tu se tu wurɑmɑ nɡe yellu.

Abudiɑsi 1:19

Yudɑ be bɑ wɑ̃ɑ sɔ̃ɔ yɛ̃sɑn nɔm dwɑru ɡiɑ bɑ koo Edɔmubɑn tem mɛ mwɑ. Be bɑ wɑ̃ɑ wɔwɑɔ, bɑ koo Filisitibɑn tem kɑ Sɑmɑriɡim kɑ Efɑrɑimuɡim mwɑ, kpɑ Bɛnyɑmɛɛbɑ bu mɑɑ Gɑlɑdin tem mwɑ.

Misee 5:4

Wiyɑ u koo kɑ bɔri yɛndu nɑ. Asiriɡibu bɑ̀ n nɑ, bɑ bɛsɛn tem wɔri bɑ duɑ sere bɛsɛn sinɑ kpɑɑrɔ, sɑ ko bɛsɛn kpɑro be bɑ dɑm bo seeyɑ bu bu wɔri.

Sofoni 3:13

Isireli be bɑ tie, bɑ ǹ mɑɑ kɔ̃sɑ mɔ̀. Bɑ ǹ mɑɑ weesu mɔ̀. Gɑri kɔ̃si yi ǹ ko n wɑ̃ɑ ben nɔsɔ. Bɑ ko n wɛ̃rewɑ, ɡoo kun bu bɑɑsimɔ.

Sɑkɑri 10:10

Kon de bu wurɑmɑ sɑɑ Eɡibitin di. Kon bu mɛnnɑmɑ sɑɑ Asirin di. Kpɑ n de bu wurɑmɑ Gɑlɑdiɔ kɑ Libɑniɔ. Bɑtumɑ kun bu turi.

Sɑkɑri 11:7

Yerɑ Sɑkɑri u yɑ̃ɑnu kpɑrɑbu wɔri ni bɑ koo ɡo. Yɑ̃ɑ niyɑ nu kɔ̃suru bo. Mɑ u kpɑrɑ dɛki yiru kɑsu. U tiɑ sokɑ durom, tiɑ mɑɑ nɔɔ tiɑ. Mɑ u dɑ u yɑ̃ɑ ni nɔɔri.

Mɑlɑsi 3:4

Sɑɑ ye sɔɔ, Yudɑbɑ kɑ Yerusɑlɛmuɡibun kɛ̃nu nu koo nɛ Yinni Gusunɔ wɛ̃re nɡe yellu.

Gbɑburu 23:9

Nɑ Isirelibɑ wɑɑmɔ ɡuunu wɔllɔ kɑ ɡunɡunu wɔllɔ bɑ wɑ̃ɑ nɛnɛm bɑǹ kɑ bweseru ɡɑru weenɛ.

Gbɑburu 32:1

Rubɛnin bwese kɛrɑ kɑ Gɑdin bwese kɛrɑn tɔmbu bɑ yɑɑ sɑbenu mɔ nu dɑbi too. Mɑ bɑ wɑ mɑ Yɑsɛɛn tem kɑ Gɑlɑdin tem mu ɡeɑ sɑ̃ɑ ben yɑɑ sɑbenun sɔ̃.

Gbɑburu 32:4

si Yinni Gusunɔ u derɑ bɛsɛ Isirelibɑ sɑ kɑmiɑ, sin tem mu ɡeɑ sɑ̃ɑ yɑɑ sɑbenun sɔ̃. Wee sɑ mɑɑ yɑɑ sɑbenu mɔ nu dɑbi.

Mɑteu 2:6

“Wunɛ, Bɛtelehɛmu, Yudeɑn tem sɔɔ, n ǹ mɔ wunɑ ɑ piiburu bo Yudeɑn wuu bɑkɑsu sɔɔ. Domi wunɛn min diyɑ sunɔ u koo yɑri wi u koo nɛn tɔmbu Isirelibɑ kpɑrɑ.”

Yohɑnu 17:16

Bɑ ǹ sɑ̃ɑ hɑnduniɑɡibu nɡe mɛ nɛn tii nɑ ǹ sɑ̃ɑ hɑnduniɑɡii.

Sɔ̃ɔsiru 33:28

Yen sɔ̃nɑ bɛɛ Isirelibɑ, Yɑkɔbun bweseru, i sɔ̃ bɔri yɛndu sɔɔ. I sɔ̃wɑ mi dĩɑ binnu kɑ resɛm yɑ rɑ koore too. Mɛyɑ ɡurɑ yɑ rɑ mɑɑ nɛ mi.