Misee 7:12 - Bibeli Gusunɔn Gari

¹² Sɑɑ ye sɔɔ, bɛsɛɡii be bɑ wɑ̃ɑ Asiriɔ kɑ Eɡibitiɔ kɑ dɑɑ ni bɑ mɔ̀ Nilu kɑ Efɑrɑtin ɡoorɔ, kɑ sere mɑɑ be bɑ wɑ̃ɑ nim wɔ̃kun ɡoorɔ kɑ ɡuunɔ, bɑ koo wurɑmɑ bɛsɛn temɔ.

Misee 7:12 ပူးပေါင်းရင်းမြစ်များ

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 11:16

U koo swɑɑ yɑrɑ win tɔn be bɑ tien sɔ̃, be bɑ wɑ̃ɑ Asiriɔ. U koo bu swɑɑ yɑrɑ nɡe mɛ u rɑɑ bu kuɑ sɑnɑm mɛ u bu yɑrɑ Eɡibitin di.

Esɑi 43:6

Nɑ ǹ mɑɑ derimɔ sɔ̃ɔ yɛ̃si yɛ̃sikɑn tɔmbu bu mɑɑ bu nɛnɛ. Adɑmɑ bu de nɛn bii be bɑ wɑ̃ɑ hɑnduniɑn ɡoonu nnɛ ye sɔɔ kpuro bu wurɑmɑ,

Esɑi 49:12

Be wee, bɑ wee sɑɑ tontonden di, ben ɡɑbu sɑɑ sɔ̃ɔ yɛ̃sɑn nɔm ɡeu ɡiɑn di, kɑ sɔ̃ɔ duu yeru ɡiɑn di, ɡɑbu mɑɑ sɑɑ Eɡibitin berɑ ɡiɑn di.

Yeremi 23:3

Kpɑ n nɛn tɔn be bɑ tie mwɛɛrimɑ tem kpuron di, mi nɑ rɑɑ derɑ bɑ yɑrinɛ, n kɑ bu wurɑmɑ ben temɔ, kpɑ bu mɑrurɑ bu dɑbiɑ.

Yeremi 3:18

Sɑɑ ye sɔɔ, Yudɑbɑ kɑ Isirelibɑ bɑ koo mɛnnɑ bu ko tiɑ. Domi bɑ koo wurɑmɑ sɑnnu sɑɑ sɔ̃ɔ yɛ̃sɑn nɔm ɡeu ɡiɑn di. Kpɑ bu sinɑ tem mɛ sɔɔ mɛ nɑ ben bɑɑbɑbɑ wɛ̃ bɑ tubi di.

Yeremi 31:8

Wee nɑ kɑ bu wee sɑɑ sɔ̃ɔ yɛ̃sɑn nɔm ɡeu ɡiɑn di. Nɑ bu mɛnnɑmɔ hɑnduniɑn ɡoonu nnɛn di. Tɔn be, bɑ dɑbi. Be sɔɔ, wɔ̃kobɑ wɑ̃ɑ kɑ yɛmɔbu kɑ ɡuriɡibu, kɑ be bɑ yiire bɑ kĩ bu mɑ.

Yeremi 46:27

Yinni Gusunɔ u nɛɛ, bɛɛ Isirelibɑ, Yɑkɔbun bweseru, bɛɛ, nɛn sɔm kowobu, i ku bɛrum ko, i ku mɑɑ nɑndɑ. Domi kon bɛɛ wɔrɑmɑ sɑɑ tontonden di. Kon bɛɛn bweseru yɑkiɑmɑ sɑɑ yorun di. I ko i wurɑmɑ i wɛ̃rɑ, i n wɑ̃ɑ bɔri yɛndu sɔɔ. Goo kun mɑɑ bɛɛ nɔni sɔ̃ɔmɔ.

Esekiɛli 29:21

Yen tɔ̃ɔ te, kon Isirelibɑ dɑm kɛ̃ kpɑ n mɑɑ wunɛ tɔnun biin nɔɔ wukiɑ ɑ kɑ bu ɡɑri ko kpɑ bu ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 37:21

A mɑɑ bu sɔ̃ɔwɔ ɑ nɛɛ, wee, kon Isirelibɑ mɛnnɑmɑ beri berikɑn di mi bɑ yɑrinɛ bwesenu sɔɔ, kpɑ n de bu wurɑmɑ ben temɔ.

Osee 11:11

I ko duki nɑ sɑɑ Eɡibitin di nɡe ɡunɔ mɔri kpɑ i nɑ sɑɑ Asirin di nɡe totobɛrɛnu, kpɑ n de i sinɑ bɛɛn yɛnusɔ. Nɛ, Yinni Gusunɔwɑ nɑ yeni ɡeruɑ.