Misee 5:8 - Bibeli Gusunɔn Gari

⁸ Isirelibɑ, i seewo i bɛɛn yibɛrɛbɑ wɔri. Kpɑ i bu ɡo mɑm mɑm.

Misee 5:8 ပူးပေါင်းရင်းမြစ်များ

Torubu 49:9

Yudɑ nɛn bii, ɑ sɑ̃ɑwɑ nɡe ɡbee sunɔ kpɛmbu, ɡe ɡɑ yɑɑ ɡoomɑ ɡɑ wee, kpɑ ɡu kpɑm wurɑ ɡu yɑɑ sɑ̃kiriɑ. A sɛ̃ nɡe ɡbee sunɔ mɛro. Wɑrɑ koo kɑ̃ku u nun bɛsu.

Womusu 104:20

Yɑm wɔ̃kuru tɑ̀ n tunumɑ, yɑm tĩrɑwɑ mi. Sɑɑ ye sɔɔrɑ ɡbeeku yɛɛ yi rɑ bɔsum se.

Womusu 44:5

Gusunɔ, wunɑ ɑ sɑ̃ɑ nɛn sinɑ boko. A wunɛn tɔmbu nɑsɑrɑ wɛ̃ɛyɔ.

Womusu 50:22

I lɑɑkɑri koowo, kpɑ i swɑɑ dɑki i nɔ bɛɛ be i nɛ Gusunɔ duɑri. Mɑ n kun mɛ, kon bɛɛ sɛ̃re n yɑɑku. Goo kun mɑɑ kpɛ̃ u bɛɛ wɔrɑ.

Esɑi 5:29

Mɑ bɑ kukirimɔ nɡe ɡbee sunɔ, ɡe ɡɑ yɑɑ mwɑ ɡɑ kɑ doonɔ ɡoo kun ɡu yinɑri.

Esekiɛli 39:10

Bɑ ǹ mɑɑ dɑ̃ɑ kɑso dɔɔ yɑkɑsɔ. Mɛyɑ bɑ ǹ mɑɑ dɑ̃ɑ burɑmɔ dɑ̃ɑ sɔ̃ɔwɔ bu kɑ doo ko. Domi tɑbu yɑ̃ɑ niyɑ bɑ koo kɑ dɔ̃ɔ sɔ̃re. Bɑ koo ben yibɛrɛbɑ mwɛɛri be, be bɑ rɑɑ bu mwɛɛrɑ. Bɑ koo tɔmbun yɑ̃nu ɡurɑ be bɑ rɑɑ ben yɑ̃nu ɡurɑ. Nɛ Yinni Gusunɔwɑ nɑ yeni ɡeruɑ.

Osee 5:14

Nɑ ko n sɑ̃ɑwɑ nɡe ɡbee sunɔ Isirelibɑ kɑ Yudɑbɑn sɔ̃. Kon bu wɔri n yɑɑku kpɑ n bu suɑ n kɑ doonɑ. Goo sɑri wi u koo bu wɔrɑ sɑɑ nɛn nɔmɑn di.

Misee 2:12

Yinni Gusunɔ u nɛɛ, bɛɛ Isirelibɑ, Yɑkɔbun bweseru, kon bɛɛ be i tie kpuro mɛnnɑ. Kon bɛɛ mɛnnɑ nɡe yɑ̃ɑnu ɡɔ̃ɔ teu sɔɔ. Kpɑ i n wɑ̃ɑ sɑnnu nɡe yɑ̃ɑnu kpɑrɑ yerɔ. Bɛɛn tem mu koo tɔmbu yibu.

Misee 4:13

Yinni Gusunɔ u nɛɛ, bɛɛ Yerusɑlɛmuɡibu, i seewo i bɛɛn yibɛrɛbɑ so nɡe ɑlikɑmɑ. Kon de i n dɑm mɔ nɡe kɛtɛn kɔbɑ ye yɑ dɑm mɔ nɡe sisu. Mɑ yen nɑɑ konnu nu dɑm mɔ nɡe sii ɡɑndu. I ko i bwese dɑbinu munkuwɑ. Kpɑ i ben ɑrumɑni ɡeɑ mwɑ i nɛ Gusunɔ tem kpuron Yinni yiiyɑ.

Misee 4:7

Kon be bɑ mɛɛrɑ kuɑ mi mɛnnɑ. Kpɑ be, bɑ n sɑ̃ɑ nɛn tɔmbun sukum mɛ mu tie. Kpɑ n be, be bɑ rɑɑ kpikiru suɑ mi ko bwese dɑmɡiru. Kpɑ nɛ, Yinni Gusunɔ nɑ n sɑ̃ɑ ben sunɔ Siɔniɔ sere kɑ bɑɑdommɑɔ.

Misee 5:3

Kpɑ kpɑro wi nɑ bɛɛ nɔɔ mwɛɛru kuɑ mi, u bɛɛ nɛn tɔmbu mɛnnɑ u kpɑrɑ mɑm mɑm kɑ nɛ, Yinni Gusunɔn dɑm kɑ nɛn yiiko. Win tɔmbu bɑ ko n wɑ̃ɑ bɔri yɛndu sɔɔ. Kpɑ u yĩsiru yɑri hɑnduniɑn ɡoonu nnɛ ye sɔɔ.

Misee 7:18

Wɑrɑ u kɑ nun weenɛ. Wee, ɑ rɑ kɑ bɛsɛ wunɛn tɔmbun bweserun sukum mɛ mu tie tɛmɑnɛ bɛsɛ be sɑ sɑ̃ɑ wunɛn ɑrumɑni kpɑ ɑ sun bɛsɛn torɑnu suuru kuɑ. Wunɛn mɔru ku rɑ tɛ. Domi kĩrɑ ɑ rɑ sun sɔ̃ɔsi.

Sɑkɑri 10:5

Bɑ ko n sɑ̃ɑwɑ nɡe tɑbu durɔ dɑmɡii be bɑ ben yibɛrɛbɑ tɑɑkumɔ swɛɛ sɔɔ nɡe pɔtɔkɔ. Bɑ koo tɑbu ko yèn sɔ̃ nɛ, Yinni Gusunɔ ko nɑ n kɑ bu wɑ̃ɑ. Ben yibɛrɛ be bɑ dumi yɔɔwɑ bɑ koo sekuru wɑ.

Sɑkɑri 11:6

Nɛ, Yinni Gusunɔ nɑ ǹ mɑɑ tɔmbun wɔnwɔndu mɔ̀ tem mɛ sɔɔ. Kon bɑɑwure bɛriwɑ win winsim nɔmuɔ kɑ win sunɔn nɔmuɔ. Bɑ koo ben tem ɑrumɑni ɡurɑwɑ. Nɑ ǹ mɑɑ bu wɔrɑmɔ ben yibɛrɛbɑn nɔmun di.

Sɑkɑri 12:3

Tɔ̃ɔ te sɔɔ, kon ye ɡɔsiɑ nɡe kpee bɑkɑru. Be bɑ kĩ bu tu suɑ bɑ koo mɛɛrɑ wɑ. Hɑnduniɑn bwesenu kpuro nu koo mɛnnɑ nu tu wɔri.

Sɑkɑri 14:18

Eɡibitiɡibu bɑ̀ kun de Yerusɑlɛmuɔ bu kɑ Kunun tɔ̃ɔ bɑkɑru ko, ɡurɑ kun nɛmɔ ben temɔ. U koo bu wɑhɑlɑ dokewɑ nɡe bwese ni nu yinɑ nu dɑ nu Kunun tɔ̃ɔ bɑkɑru ko.

Sɑkɑri 9:15

Nɛ, Gusunɔ, wɔllu kɑ tem Yinni, kon nɛn tɔmbu kɔ̃su. Bɑ koo ben yibɛrɛbɑ kɑmiɑ bu ben kpurɑntɛɛnun kpenu kɔsuku. Kon de yibɛrɛ ben yɛm mu yɑri nɡe tɑm, ǹ kun mɛ nɡe yɑ̃ku yɑɑ yɛm mɛ mu rɑ ɡbɛ̃ɛru yibu bu yɛ̃kɑ yɑ̃ku yerun kɑ̃ɑnɔ.

Gbɑburu 24:9

Be wee bɑ kpunɑmɔ nɡe ɡbee sinɑnsu. Wɑrɑ u koo kpĩ u bu seeyɑ. Bɛɛ, Isirelibɑ, wi u bɛɛ domɑru kuɑ, u koo domɑru wɑ. Wi u mɑɑ bɛɛ bɔ̃rusi, u koo bɔ̃ri wɑ.

Mɑteu 10:14

Wuu ɡɑɡu ǹ kun mɛ yɛnu ɡɑɡun tɔmbu bɑ̀ n mɑɑ yinɑ bu bɛɛ dɑm koosiɑ, bu sere bɛɛn ɡɑri swɑɑ dɑki, i doonɔ min di kpɑ i bɛɛn nɑɑsun tuɑ bu kpɑre.

Gɔrobun Kookoosu 18:6

Adɑmɑ ye bɑ nùn siki bɑ nùn ɡɑri kɔ̃si ɡerusi, Pɔlu u bu win yɑberun tuɑ kpɑre u nɛɛ, bɑ̀ n kɑm kuɑ ben tiin tɑɑrɛwɑ, n ǹ wi Pɔlu wɑ. U mɑɑ nɛɛ, sɑɑ ɡisɔn di wi, u koo dɑ u tɔn tukobu wɑɑsu kuɑ.

Heberu 12:25

Ǹ n mɛn nɑ, i n tii sɛ kpɑ i ku yɛ̃ron nɔɔ yinɑ wi u kɑ bɛɛ ɡɑri mɔ̀. Be bɑ yinɑ bu win ɡɑri swɑɑ dɑki wi u bu kirɔ mɔ̀ hɑnduniɑ sɔɔ, bɑ ǹ sɛɛyɑsiɑbu kisirɑri. Kɑɑ sere ɡere bɛsɛ? Sɑ ǹ kisirɑmɔ sɑ̀ n nùn biru kisi wi u kɑ sun ɡɑri mɔ̀ wɔllun di.

Heberu 2:3

Ǹ n mɛn nɑ, ɑmɔnɑ sɑ ko kɑ kpĩ su sɛɛyɑsiɑbu suuri, sɑ̀ n fɑɑbɑ bɑkɑ yen bweseru ɑtɑfiiru kuɑ. Yinnin tii u ɡbiɑ u fɑɑbɑ yen ɡɑri nɔɔsiɑ. Yen biru be bɑ yi nuɑ bɑ sun yi sɔ̃ɔwɑ bɑ sire mɑ ɡemɑ.