Misee 5:6 - Bibeli Gusunɔn Gari

⁶ Isireli be bɑ tiɑrɑ bɑ ko n wɑ̃ɑ tɔn dɑbinun suunu sɔɔ nɡe kɑko ɑrufɑɑniɡiru te Yinni Gusunɔ u derɑ tɑ wɔrumɑ, ǹ kun mɛ nɡe ɡurɑ ye yɑ nɛmɔ tɛɛru, yɑ ǹ ɡɑ̃ɑnu yĩiyɔ tɔnun min di.

Misee 5:6 ပူးပေါင်းရင်းမြစ်များ

Sinɑmbu II 15:29

Pekɑn wɑɑti ye sɔɔrɑ Tiɡilɑti Pilesɛɛ, Asirin sinɑ boko, u Iyoni mwɑ kɑ Abɛli Bɛti Mɑɑkɑ kɑ Yɑnɔɑ, kɑ Kedɛsi kɑ Hɑsori kɑ Gɑlɑdi kɑ Gɑlilen tem kɑ Nɛfitɑlibɑn tem kpuro. Mɑ u tem mi kpuron tɔmbu mwɛɛrɑ u kɑ dɑ Asiriɔ.

Bɑndun Gɑri I 1:10

Kusi u mɑɑ bii mɑrɑ wi bɑ sokumɔ Nimurodu. Wiyɑ u ɡbiɑ u kuɑ wɔruɡɔ dɑmɡii hɑnduniɑ sɔɔ.

Bɑndun Gɑri II 33:11

Yerɑ Yinni Gusunɔ u Asirin sinɑ bokon tɑbu sinɑmbu ɡɔrɑ bɑ Mɑnɑse mwɑ bɑ yɔni doke, mɑ bɑ nùn bɔkuɑ kɑ sii ɡɑndun yɔni bɑ kɑ dɑ Bɑbiloniɔ.

Yoobu 29:22

Nɑ̀ n ɡɑri ɡeruɑ nɑ kpɑ, ɡoo ku rɑ mɑɑ ɡɑ̃ɑnu wisi. Nɛn ɡɑri yi, yi rɑ bu duuriwɑ kpurɛ kpurɛ nɡe nim mɛ mu dɑ̃ɑkumɔ.

Womusu 110:3

Dɔmɑ te kɑɑ wunɛn tɑbu kowobu mɛnnɑ Gusunɔn ɑye dɛɛrɑru sɔɔ, wunɛn tɔmbɑ koo nun ben tii wɛ̃ kɑ kĩru. Wunɛn ɑluwɑɑsirun dɑm mu koo wurɑmɑ bururu bɑɑtere nɡe mɛ dirum mu rɑ yɑri.

Womusu 72:6

Yinni Gusunɔ, ɑ de nɛ, sinɑ boko nɑ n ɑrufɑɑni mɔ nɡe ɡurɑ ye yɑ nɛmɔ ɡbee te bɑ kɔrɔ kuɑ sɔɔ, ǹ kun mɛ nɡe nim ɑrufɑɑniɡum mɛ mu kokumɔ ɡberɔ,

Esɑi 14:2

Bwese dɑbinu nu koo kɑ Isirelibɑ wurɑmɑ ben temɔ, kpɑ bu bwese ni ko yobu tem mɛ Yinni Gusunɔ u bu wɛ̃ sɔɔ. Be bɑ rɑɑ Isirelibɑ yoru mwɛɛrɑ bɑ koo mɑɑ ben tii yoru mwɛɛri. Mɛyɑ be bɑ rɑɑ bu dɑm dɔre, bɑ koo mɑɑ ben tii dɑm dɔre.

Esɑi 14:25

Kon Asiriɡibu kɔsuku nɛn tɔmbu Isirelibɑn temɔ. Kon bu tɑɑku nɛn ɡuunu wɔllɔ, kpɑ n nɛn tɔmbu yɑrɑ ben yorun di, bɑ kun ben suɡu kɑ ben sɔmunu sɔɔwɑ.

Esɑi 33:1

Bɔ̃rurobɑ bɛɛ, bɛsɛn yibɛrɛbɑ. Domi i tɔmbu wɔri i ben yɑ̃nu ɡurɑ mɑ i kɑ bu murɑfitiru kuɑ, bɑɑ mɛ bɑ ǹ bɛɛ yen ɡɑɑ kuɑre. Yen sɔ̃, ì n tɔmbu wɔri i kpɑ, i ben yɑ̃nu ɡurɑ, bɑ koo mɑɑ bɛɛ kuɑ nɡe mɛ. Mɛyɑ sɑɑ ye i bu murɑfitiru kuɑ i kpɑ, bɑ koo mɑɑ bɛɛ murɑfitiru kuɑ.

Esɑi 37:36

Ye n kuɑ wɔ̃kuru, yerɑ Yinni Gusunɔn ɡɔrɑdo u yɑrɑ u dɑ Asiriɡibun sɑnsɑniɔ mɑ u tɔnu nɔrɔbun subɑ wunɑɑ wɛnɛ kɑ nɔɔbu (185.000) ɡo. Ye bɑ seewɑ bururu, bɑ deemɑ wee, ɡonɑ nu tɛrie bɑɑmɑ kpuro.

Esɑi 37:37

Yerɑ Sɑnkeribu, Asirin sinɑ boko u ɡɔsirɑ u dɑ u wɑ̃ɑ Ninifuɔ.

Esɑi 6:13

Bɑɑ bɑ̀ n tem mɛn tɔmbu bɔnu kuɑ subɑ wɔkuru, mɑ ten teerɑ tie mi, u koo tu surɑwɑ nɡe dɑ̃ɑ bɑkɑru. Adɑmɑ nɡe mɛ dɑ̃ɑ kpiriru tɑ rɑ kpɑre, nɡe mɛyɑ bwese kpɑɑrɑ koo se tɑ n sɑ̃ɑ bwese ɡeeru te u ɡɔsɑ.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Nɑhumu 2:11

Bɑ ɡurɑmɔ, bɑ ɡoomɔ, bɑ sɑnkumɔ. Tɔmbu kpuron ɡɔmɑ dwiiyɑ. Ben dũunu soonɑmɔ, mɑ ben dɑm doonɑ. Be kpuron wuswɑɑ burisinɛ.

Sofoni 2:13

U koo win nɔmu dɛmiɛ sɔ̃ɔ yɛ̃sɑn nɔm ɡeuɔ u Asiriɡibu kɑm koosiɑ, kpɑ Ninifu yu ko bɑnsu. Gɑ̃ɑnu kun mɑɑ kpiimɔ mi.

Sofoni 3:12

U koo de tɔmbu fiiko bɑ n wɑ̃ɑ bɛɛn suunu sɔɔ be bɑ ǹ tii sue. Bɑ koo win yĩsiru soku u kɑ bu kɔ̃su.

Luku 1:74

u kɑ sun wɔrɑ sɑɑ bɛsɛn yibɛrɛbɑn nɔmɑn di, kpɑ u sun ɑyeru wɛ̃ su kɑ nùn sɑ̃ bɛrum sɑriru sɔɔ,

Luku 24:27

Mɑ u toruɑ Mɔwisin min di kɑ Gusunɔn sɔmɔbu kpuro, u bu win ɡɑri tubusiɑ yi yi wɑ̃ɑ Gusunɔn ɡɑri kpuro sɔɔ.

Sɔ̃ɔsiru 32:2

Nɛn yɛ̃ru tɑ kokumɔ nɡe ɡuru nim mɑ nɛn ɡɑri nɛmɔ nɡe kɑkoru mɑ yi dɑ̃ɑkumɔ nɡe dirum yɑkɑ bekusu sɔɔ.