Misee 5:3 - Bibeli Gusunɔn Gari

³ Kpɑ kpɑro wi nɑ bɛɛ nɔɔ mwɛɛru kuɑ mi, u bɛɛ nɛn tɔmbu mɛnnɑ u kpɑrɑ mɑm mɑm kɑ nɛ, Yinni Gusunɔn dɑm kɑ nɛn yiiko. Win tɔmbu bɑ ko n wɑ̃ɑ bɔri yɛndu sɔɔ. Kpɑ u yĩsiru yɑri hɑnduniɑn ɡoonu nnɛ ye sɔɔ.

Misee 5:3 ပူးပေါင်းရင်းမြစ်များ

Sinɑmbu I 14:16

U koo bu biru kisi Yeroboɑmun durum ye u kuɑn sɔ̃, kɑ ye u mɑɑ derɑ win tɔmbɑ kuɑn sɔ̃.

Bɑndun Gɑri II 30:7

I ku bɛɛn bɑɑbɑbɑ kɑ bɛɛn mɑɑbu sɑɑri be bɑ ǹ Gusunɔ ben bɑɑbɑbɑn Yinni mɛm nɔɔwɛ, mɑ u bu kɑm koosiɑ nɡe mɛ i wɑɑmɔ ɡisɔ.

Womusu 67:3

kpɑ tɔmbu bu wunɛn swɑɑ ɡiɑ hɑnduniɑ sɔɔ, kpɑ bɑ n yɛ̃ mɑ wunɑ ɑ rɑ tɔnu fɑɑbɑ ko.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 49:6

U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.

Yeremi 23:5

Wee sɑɑ yɑ sisi yè sɔɔ kon ɡemɡii ɡoo seeyɑ Dɑfidin bweserun di nɡe dɑ̃ɑ kpii pɔturɑ, kpɑ u n bɑndu dii kɑ bɑɑdommɑɔ. U koo tɔn be kpɑrɑwɑ kɑ bwisi ɡee. Kpɑ u ɡem sɔ̃ɔsi tem mɛ sɔɔ.

Yeremi 31:1

Yinni Gusunɔ u nɛɛ, sɑɑ ɡɑɑ sisi yè sɔɔ kon mɑɑ ko Isirelibɑn bwesenu kpuron Yinni, kpɑ be, bɑ n mɑɑ sɑ̃ɑ nɛn tɔmbu.

Esekiɛli 34:16

Kon ni nu kɔ̃ɔrɑ kɑsumɑ n kɑ nɑ. Kpɑ n ni nu mɛɛrɑ wɑn bosu tim doke. Kpɑ n mɑɑ ni nu bɑrɔ nɔɔri nu dɑm ko. Adɑmɑ kon ni nu bɔɔru ɡo. Nɛn tiiwɑ kon nɛn yɑ̃ɑnu kpɑrɑ ɡem sɔɔ.

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Osee 2:14

Kon de win resɛm dɑ̃nu kɑ win fiɡiebɑ bu kɑm ko be u nɛɛ, u wɑ durɔ tɑnɔbun min di. Kon de ɡbee ni, nu ko dɑ̃ɑ sɔ̃ɔ, kpɑ ɡbeeku yɛɛ yi dɑ̃ɑ nin mɑrum di.

Osee 2:9

Bɑɑ ù n dɑɑ yɑrɑ u win durɔ tɑnɔ be nɑɑ ɡirɑ, u ǹ mɑɑ bu nɑɑ turi. Bɑɑ ù n bu kɑsu, u ǹ mɑɑ bu wɑsi. Sɑɑ ye sɔɔrɑ u koo nɛɛ, ǹ n mɛn nɑ, ɑ de n wurɑ nɛn durɔ ɡbiikoon mi, domi nɑ rɑɑ nuku dobu mɔ win mi n kere tɛ̃.

Amɔsu 5:15

I kɔ̃sɑ tusio kpɑ i ɡeɑ kĩɑ. I de ɡem mu siribu di siri yerɔ. Sɔrɔkudo Gusunɔ, wɔllu kɑ tem Yinni u koo bɛɛ Isirelibɑn tɔn be bɑ tiɑrɑ wɔnwɔndu kuɑ.

Misee 4:4

Bɑɑwure u ko n wɑ̃ɑ win ɡberu kpɑɑnɛɔ bɔri yɛndu sɔɔ. Goo kun mɑɑ nùn nɑndɑsiɑmɔ. Gusunɔ wɔllu kɑ tem Yinniwɑ u yeni ɡeruɑ.

Misee 4:7

Kon be bɑ mɛɛrɑ kuɑ mi mɛnnɑ. Kpɑ be, bɑ n sɑ̃ɑ nɛn tɔmbun sukum mɛ mu tie. Kpɑ n be, be bɑ rɑɑ kpikiru suɑ mi ko bwese dɑmɡiru. Kpɑ nɛ, Yinni Gusunɔ nɑ n sɑ̃ɑ ben sunɔ Siɔniɔ sere kɑ bɑɑdommɑɔ.

Misee 5:7

Isireli be bɑ tiɑrɑ bɑ ko n wɑ̃ɑ tɔmbun suunu sɔɔ, kpɑ bɑ n dɑm mɔ nɡe ɡbee sunɔ ɡe ɡɑ wɑ̃ɑ ɡbeeku yɛɛn suunu sɔɔ, ǹ kun mɛ yɑ̃ɑ ɡɔ̃ɔ sɔɔ. Mi ɡɑ duɑ kpuro, ɡɑ rɑ yɑɑ kɑsukuwɑ ɡu mwɛ. Goo kun mɑɑ kpɛ̃ u ɡu mwɑɑri.

Misee 5:8

Isirelibɑ, i seewo i bɛɛn yibɛrɛbɑ wɔri. Kpɑ i bu ɡo mɑm mɑm.

Misee 6:14

I ko i di, ɑdɑmɑ i ǹ debumɔ. I ko i nɔɔɡiru suɑ ɡɔ̃ɔrun sɔ̃. Mɛyɑ n ǹ koorɔ i ɡɑ̃ɑnu bere. Ì n mɑɑ ɡɑ̃ɑnu beruɑ, tɑbɑ kon kɑ ye kɑm koosiɑ.

Misee 7:13

Kpɑ tem mɛ mu tie duniɑ sɔɔ mu ko bɑnsu, tɔn be bɑ wɑ̃ɑ min kom kɔ̃sum sɔ̃.

Sɑkɑri 10:6

Kon Yudɑbɑ tɑ̃sisiɑ, kpɑ n Isirelibɑ wɔrɑ. Kon kɑ bu wurɑmɑ, domi nɑ ben wɔnwɔndu mɔ. Bɑ ko n sɑ̃ɑwɑ nɡe be nɑ ǹ dɑɑ biru kisi. Domi nɛnɑ nɑ sɑ̃ɑ Gusunɔ ben Yinni. Kon ben kɑnɑru mwɑ.

Mɑteu 1:21

U koo bii tɔn durɔ mɑ, kpɑ ɑ nùn yĩsiru kɛ̃ Yesu , domi u koo win tɔmbu fɑɑbɑ ko sɑɑ ben durum di.

Mɑteu 12:50

Domi bɑɑwure wi u nɛn Bɑɑbɑ wɔrukoon kĩru mɔ̀, wiyɑ nɛn wɔnɔ kɑ nɛn sesu kɑ nɛn mɛro.

Mɑteu 25:40

Sunɔ u koo bu wisi u nɛɛ, kɑ ɡeemɑ nɑ bɛɛ sɔ̃ɔmɔ, mɛn nɔ i bwɛ̃ɛbwɛ̃ɛ benin turo ye kuɑ nɛnɑ i kuɑ.

Romu 8:29

Domi be u yɛ̃ yellun di u mɑɑ bu ɡɔsɑ u yi bu kɑ ko win Biin weenɑsibu, kpɑ win Bii u kɑ ko yerumɑ wɔnɔ dɑbiruɡii.