Misee 5:10 - Bibeli Gusunɔn Gari

¹⁰ Kpɑ n bɛɛn wusu kɑm koosiɑ. Kpɑ n bɛɛn ɡbɑ̃rɑnu suriri.

Misee 5:10 ပူးပေါင်းရင်းမြစ်များ

Esɑi 2:7

Ben tem mu sii ɡeesu kɑ wurɑ yibɑ. Arumɑni ye yɑ wɑ̃ɑ mi, yɑ ǹ nɔru mɔ. Tem mɛ, mu mɑɑ dumi yibɑ, kɑ tɑbu kɛkɛ sisuɡii yi yi ǹ ɡeeru mɔ.

Yeremi 3:23

Geemɑ bũu ni sɑ rɑɑ sɑ̃ɑmɔ ɡuunu wɔllɔ sɑ kuuki mɔ̀, nu sɑ̃ɑwɑ weesu. Adɑmɑ Gusunɔ bɛsɛn Yinni, wunɑ ɑ sɑ̃ɑ bɛsɛ Isirelibɑn fɑɑbɑ kowo.

Osee 1:7

Adɑmɑ kon Yudɑbɑ wɔnwɔndu kuɑ, kpɑ nɛn tii n bu fɑɑbɑ ko nɛ wi nɑ sɑ̃ɑ Gusunɔ ben Yinni. Adɑmɑ n ǹ mɔ kon kɑ ben yibɛrɛbɑ tɑbu ko. Nɑ ǹ tɛndu dendimɔ ǹ kun mɛ tɑkobi ǹ kun mɛ dumi kɑ yin mɑɑsɔbu.

Osee 14:3

Bu wurɑmɑ win mi bu kɑnɑ teni ko te tɑ nɛɛ, Yinni Gusunɔ, ɑ sun bɛsɛn torɑnu kpuro suuru kuo. Kpɑ ɑ sun mɛɛri kɑ nɔnu ɡeu. Ye sɑ ko kɑ nun yɑ̃kuru kuɑ, sɑ ko nun siɑrɑ.

Asee 2:22

Kon sinɑmbu kpuron bɑndu fukɑ kpɑ n ben dɑm kpeesiɑ. Kon bɛɛn tɑbu kɛkɛ yi dumi ɡɑwe kɑ be bɑ duɑ yi sɔɔ fukiri kɑ sere mɑɑ dumi kɑ yin mɑɑsɔbu. Ben tii tiinɛwɑ bɑ koo ɡoonɑ kɑ tɑkobibɑ.

Sɑkɑri 9:10

Kon de tɑbu kɛkɛ yi kpe Efɑrɑimun temɔ kpɑ dumi kɑ tɛn ni bɑ rɑɑ kɑ tɑbu kuɑ yu kpeerɑ Yerusɑlɛmuɔ. Sunɔ wi, u koo kɑ bwesenu bɔri yɛndu nɑɑwɑ. U ko n bɑndu diiwɑ nim wɔ̃ku ɡeen di sere kɑ nim wɔ̃ku ɡiɔ, sɑɑ mɑɑ dɑɑ te bɑ mɔ̀ Efɑrɑtin di n kɑ dɑ hɑnduniɑn ɡoonu nnɛ sɔɔ.

Sɔ̃ɔsiru 17:16

Sinɑ boko wi, u ǹ ko u n dumi mɔ dɑbi dɑbiru. U ǹ ko u n dɑ mɑɑ ɡɑbu ɡɔri Eɡibitiɔ bu dumi dweemɑ. Domi Yinni Gusunɔ u bɛɛ sɔ̃ɔwɑ u nɛɛ, u ǹ kĩ i mɑɑ wurɑ mi.