Misee 4:4 - Bibeli Gusunɔn Gari

⁴ Bɑɑwure u ko n wɑ̃ɑ win ɡberu kpɑɑnɛɔ bɔri yɛndu sɔɔ. Goo kun mɑɑ nùn nɑndɑsiɑmɔ. Gusunɔ wɔllu kɑ tem Yinniwɑ u yeni ɡeruɑ.

Misee 4:4 ပူးပေါင်းရင်းမြစ်များ

Sinɑmbu I 5:5

Win wɑɑti ye sɔɔ, Yudɑbɑ kɑ Isireli be bɑ wɑ̃ɑ sɑɑ tem mɛn ɡoo ɡbiikirun di sere mɛn ɡoo ɡɔmkirɔ bɑ wɑ̃ɑwɑ bɔri yɛndu sɔɔ, ben bɑɑwure u win ɡberu wukumɔ.

Yoobu 11:19

À n kpĩ, ɡoo kun nun bɑɑsimɔ. Tɔmbu kpuro bɑ koo wunɛn nɔnu ɡeu kɑsu.

Womusu 72:3

Wunɛn ɡem sɔ̃, ben ɡunɡunu kɑ ben ɡuunu nu koo bu ɑrumɑni wɛ̃.

Mɔnnu 3:25

A ǹ kɑɑ n mɑɑ kɑ ɡɑ̃ɑnu nɑnde ni nu koo nun deemɑ subɑru, ǹ kun mɛ tɔn kɔ̃so wi u koo nun wɔrimɑ.

Esɑi 1:20

Adɑmɑ ì n yinɑ, mɑ i mɑn seesi, bɑ koo bɛɛ ɡowɑ tɑbu sɔɔ kɑ tɑkobi. Nɛ, Yinni Gusunɔwɑ nɑ yeni ɡeruɑ.

Esɑi 17:2

Bɑ koo Aroɛɛn wusu yɑɑ sɑbenu deriɑ. Miyɑ nu ko n dɑ kpunɛ. Goo mɑɑ sɑri wi u koo nu nɑndɑsiɑ.

Esɑi 22:25

Adɑmɑ Gusunɔ, wɔllu kɑ tem Yinni, u mɑɑ nɛɛ, sɔ̃ɔ teeru bɑ koo sɑsɑ te wukɑ te bɑ rɑɑ ɡirɑ mi n nɑɑnɛ mɔ mi, kpɑ tu wɔrumɑ tu bɔɔrɑ, kpɑ sɔmu ni tɑ rɑɑ sɔɔwɑ mi, nu kɑm ko. Yinni Gusunɔwɑ u yeni ɡeruɑ.

Esɑi 26:16

Sɑ nun sokɑ sɑnɑm mɛ sɑ wɑ̃ɑ nɔni swɑ̃ɑru sɔɔ. Sɑ kɑnɑru kuɑ sɑnɑm mɛ ɑ sun sɛɛyɑsiɑ.

Esɑi 32:17

Mɛyɑ mu koo kɑ bɔri yɛndu nɑ, kɑ wɛ̃rɑbu bɛrum sɑriru sɔɔ sere kɑ bɑɑdommɑɔ,

Esɑi 36:16

I ku mɑɑ Esekiɑsi swɑɑ dɑki. I Asirin sinɑ bokoɡiɑ nɔɔwɔ wi u nɛɛ, i kɑ nùn nɔɔ tiɑ koowo kpɑ i nùn tii wɛ̃ kpɑ bɑɑwure u wɑ u win tiin resɛm ɡbɑɑru kɑ win fiɡien dɑ̃ɑ binu di kpɑ u mɑɑ win boon nim nɔ.

Esɑi 40:5

Sɑɑ yerɑ Yinni Gusunɔ u koo win yiiko sɔ̃ɔsi, kpɑ tɔmbu kpuro bu ye wɑ sɑnnu. Yinni Gusunɔn tiiwɑ u ɡeruɑ mɛ.

Esɑi 54:14

Kon de ɑ n dɑm mɔ. A ku wururɑ, ɑ ku bɛrum ko, domi ɡɑ̃ɑnu kun nun bɛsumɔ.

Esɑi 58:14

sɑɑ yerɑ i ko nuku dobu wɑ nɛn sɑ̃ɑru sɔɔ, kpɑ tɔmbu kpuro bu bɛɛ bɛɛrɛ wɛ̃, kpɑ n bɛɛ diisiɑ tem mɛ sɔɔ, mɛ nɑ bɛɛn sikɑdo Yɑkɔbu wɛ̃. Nɛ, Yinni Gusunɔwɑ nɑ yeni ɡeruɑ.

Yeremi 23:4

Nɛ, Yinni Gusunɔ kon bu kpɑro kpɑobu wɛ̃ be bɑ koo bu kpɑrɑ. Bɑ ǹ mɑɑ nɑndɑmɔ bɛrum sɔ̃. Bɑɑ ben turo kun mɑɑ biɑrɑmɔ.

Yeremi 30:10

Bɛɛ Isirelibɑ, Yɑkɔbun bweseru, bɛɛ be i sɑ̃ɑ nɛn sɔm kowobu, i ku nɑndɑ, i ku diiri. Wee, kon bɛɛ yɑkiɑmɑ sɑɑ tem tukum di mi i yoru dii, bɛɛ kɑ bɛɛn bibun bweseru. I ko i wurɑmɑ kpɑ i wɛ̃rɑ i n wɑ̃ɑ bɔri yɛndu sɔɔ. Goo kun mɑɑ bɛɛ tɔ̃yɑ mɔ̀.

Esekiɛli 34:25

Nɑ nɔɔ mwɛɛru kuɑ mɑ kon nu bɔri yɛndu wɛ̃. Kon de ɡbeeku yɛɛ kpuro yi doonɑ tem minin di. Sɑɑ ye sɔɔ, nu koo kpĩ nu kpunɑ ɡbɑburɔ kɑ dɑ̃ɑ sɔ̃ɔwɔ.

Esekiɛli 34:28

Tɔn tukobu bɑ ǹ mɑɑ bu dimɔ. Gbeeku yɛɛ yi ǹ mɑɑ bu mwɛɛrimɔ. Bɑ koo yɑriwɑ kɑrin di. Goo kun mɑɑ bu nɑrumɔ.

Esekiɛli 38:11

U koo ɡɔ̃ru doke u nɛɛ, u koo tem ɡɑm tɔmbu wɔri be bɑ wɑ̃ɑ bɔri yɛndu sɔɔ, bèn wusu su ǹ ɡbɑ̃rɑnu kɑ ɡɑmbobɑ mɔ.

Esekiɛli 39:26

Sɑnɑm mɛ bɑ koo sinɑ bɑ n wɑ̃ɑ bɔri yɛndu sɔɔ, ɡoo kun mɑɑ bu bɑɑsimɔ bɑ koo ben sekuru duɑri kɑ ben nɑɑnɛ sɑri te bɑ mɑn kuɑ.

Sɑ̃ɑrun Woodɑ 26:6

Kon de ɑlɑfiɑ yɑ n wɑ̃ɑ tem mɛ sɔɔ. Goo kun bɛɛ bɑɑsimɔ ì n dò. Kon de yɛɛ ɡɔbi yi doonɑ. Mɛyɑ tɑbu kun mɑɑ duɔ tem mɛ sɔɔ.

Misee 5:3

Kpɑ kpɑro wi nɑ bɛɛ nɔɔ mwɛɛru kuɑ mi, u bɛɛ nɛn tɔmbu mɛnnɑ u kpɑrɑ mɑm mɑm kɑ nɛ, Yinni Gusunɔn dɑm kɑ nɛn yiiko. Win tɔmbu bɑ ko n wɑ̃ɑ bɔri yɛndu sɔɔ. Kpɑ u yĩsiru yɑri hɑnduniɑn ɡoonu nnɛ ye sɔɔ.

Sofoni 3:13

Isireli be bɑ tie, bɑ ǹ mɑɑ kɔ̃sɑ mɔ̀. Bɑ ǹ mɑɑ weesu mɔ̀. Gɑri kɔ̃si yi ǹ ko n wɑ̃ɑ ben nɔsɔ. Bɑ ko n wɛ̃rewɑ, ɡoo kun bu bɑɑsimɔ.

Sɑkɑri 3:10

Wi, Gusunɔ wɔllu kɑ tem Yinni u nɛɛ, yen tɔ̃ɔ te, i ko i sokunɑ i nuku dobu ko bɔri yɛndun sɔ̃ bɛɛn dɑ̃ɑ ɡbɑɑnɔ.