Misee 4:3 - Bibeli Gusunɔn Gari

³ U koo bwese dɑbinu siri, ni nu dɑm mɔ nu nɑ tontonden di. Kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo nin yɑɑsi bɔɔri nu wobɑ so. Bweseru ɡɑrɑ kun ɡɑru seesimɔ. Bɑ ǹ mɑɑ tɑbun ɡɑri mɔ̀ ben suunu sɔɔ.

Misee 4:3 ပူးပေါင်းရင်းမြစ်များ

Womusu 46:10

U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

Womusu 46:9

I nɑ i wɑ ye Yinni Gusunɔ u kuɑ. U sɔm mɑɑmɑɑkiɡinu kuɑ hɑnduniɑ sɔɔ.

Womusu 72:3

Wunɛn ɡem sɔ̃, ben ɡunɡunu kɑ ben ɡuunu nu koo bu ɑrumɑni wɛ̃.

Womusu 72:7

kpɑ nɛn bɑndu sɔɔ ɡem mu n wɑ̃ɑ, kpɑ dukiɑ yu kuurɑ mɛ̀n nɔɔ suru yɑrimɔ.

Womusu 82:8

Gusunɔ, ɑ seewo ɑ hɑnduniɑ siri. Domi wunɑ ɑ bwesenu kpuro mɔ.

Womusu 98:9

Domi u wee u hɑnduniɑɡibu siri. U koo bu siriwɑ ɡem sɔɔ.

Esɑi 2:4

U koo bwese dɑbinu siri, kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo mɑɑ nin yɑɑsi bɔɔri nu wobɑ so. Bweseru ɡɑrɑ kun mɑɑ ɡɑru seesimɔ. Bɑ ǹ mɑɑ ben bibu tɑbu toobu sɔ̃ɔsimɔ.

Esɑi 25:3

Yen sɔ̃nɑ bwese dɑmɡinu nu nun bɛɛrɛ wɛ̃ɛmɔ. Mɑ be bɑ ɡɑbu dɑm dɔremɔ bɑ nun nɑsie.

Esɑi 51:5

Nɑ kɑ fɑɑbɑ wee, kpɑ n siri dee dee bwesenu kpuro sɔɔ, kɑ nɛn nɔm dɑmɡuu. Sɑɑ yerɑ be bɑ wɑ̃ɑ n tomɑ bɑ ko n yĩiyɔbu mɔ nɛ sɔɔ, kpɑ bɑ n nɛn dɑm nɑɑnɛ sɑ̃ɑ.

Esɑi 60:12

Domi bwese ni nu yinɑ nu nun sɑ̃ mi, nu koo ɡbiwɑ. Bɑ koo ni kpuro kpeerɑsiɑwɑ.

Esɑi 65:25

Sɑɑ ye sɔɔ, purukɑnu kɑ yɑ̃ɑnu koo yɑkɑsu di yɑm tem. Mɛyɑ ɡbee sinɑnsu koo mɑɑ yɑkɑsu di nɡe kɛtɛbɑ, kpɑ wɑɑ yɑ kun mɑɑ ɡɔbu. Kɔ̃sɑ ɡɑɑ, ǹ kun mɛ ɑsɔrɔ ɡɑɑ kun ko n mɑɑ wɑ̃ɑ Siɔniɔ nɛn ɡuu dɛɛrɑ ten wɔllɔ. Nɛ, Yinni Gusunɔwɑ nɑ ɡeruɑ mɛ.

Esɑi 9:7

Yinni Gusunɔ u Isireli be bɑ sɑ̃ɑ Yɑkɔbun bweseru siri. Mɑ siri bi, bu bu di.

Dɑniɛli 2:44

Kpee te ɑ wɑ tɑ mɛndɑmɑ kɑ tii mi, mɑ tɑ sii wɔ̃ku si, kɑ sii ɡɑn te, kɑ sɔn te, kɑ sii ɡee si, kɑ wurɑ ye kpuro kɔsukɑ muku muku mi, ten tubusiɑnɑ, bɑn ten sinɑmbun wɑɑti sɔɔ, Wɔrukoo u koo bɑndu ɡɑru swĩi. Goo sɑri wi u koo bɑn te fukɑ. Bweseru ɡɑru mɑɑ sɑri te tɑ koo tu yoru diisiɑ. Bɑn te, tɑ koo bɑn ni nu tie kpeerɑsiɑ kpɑ te tɔnɑ tɑ n wɑ̃ɑ sere kɑ bɑɑdommɑɔ. Gusunɔ Dɑm kpuroɡii wiyɑ u nun sɔ̃ɔsi ye n koo koorɑ. Ye ɑ wɑ wunɛn dosu ɡe sɔɔ kpuro, yɑ weewɑ win min di. Yen tubusiɑnu mɑɑ sɑ̃ɑwɑ nɡe mɛ nɑ nun sɔ̃ɔwɑ.

Osee 2:18

Yen tɔ̃ɔ te, u koo mɑn soku win durɔ. U ǹ mɑɑ mɑn sokumɔ Bɑɑli win yinni.

Osee 2:20

Sɑɑ yerɑ kon kɑ ɡbeeku yɛɛ kɑ ɡunɔsu kɑ sere yɛɛ yi yi rɑ kɑbiri ɑrukɑwɑni bɔke yi ku kɑ nɛn tɔmbu kɔ̃sɑ ɡɑɑ kuɑ. Kon de tɑbu bu kpe, kpɑ bɑ n wɑ̃ɑ bɔri yɛndu sɔɔ.

Yoɛli 3:2

Bɑɑ kɑ yobɔ, kon bu nɛn Hunde wɛ̃wɑ tɔ̃ɔ te.

Sɑkɑri 14:3

Sɑɑ ye sɔɔrɑ Yinni Gusunɔ u koo tii sɔ̃ɔsi kpɑ u kɑ bwese ni tɑbu ko nɡe mɛ u rɑ ko tɑbu sɔɔ.

Sɑkɑri 8:20

Nɑ mɑɑ wure nɑ nɛɛ, tɔmbu bɑ koo nɑ Yerusɑlɛmuɔ sɑɑ wusu dɑbinun di.

Sɑkɑri 9:10

Kon de tɑbu kɛkɛ yi kpe Efɑrɑimun temɔ kpɑ dumi kɑ tɛn ni bɑ rɑɑ kɑ tɑbu kuɑ yu kpeerɑ Yerusɑlɛmuɔ. Sunɔ wi, u koo kɑ bwesenu bɔri yɛndu nɑɑwɑ. U ko n bɑndu diiwɑ nim wɔ̃ku ɡeen di sere kɑ nim wɔ̃ku ɡiɔ, sɑɑ mɑɑ dɑɑ te bɑ mɔ̀ Efɑrɑtin di n kɑ dɑ hɑnduniɑn ɡoonu nnɛ sɔɔ.

Gɔrobun Kookoosu 17:31

Domi u tɔ̃ru yi tè sɔɔ u koo hɑnduniɑɡibu kpuro siri dee dee kɑ durɔ win sɑɑbu wi u ɡɔsɑ, mɑ u nùn bɑɑwure sɔ̃ɔsi ye u nùn seeyɑ ɡɔrin di.

Kɑ̃siru 19:11

Nɑ mɑɑ wɑ Gusunɔ wɔllɑ wukiɑrɑ mɑ dum kɑɑ ɡɑɑ kurɑmɑ. Wi u ye sɔni win yĩsirɑ Gemɡii kɑ Bɔrɔkini. Gem sɔɔrɑ u rɑ siri, mɛyɑ u rɑ mɑɑ kɑ tɑbu ko.

Sɑmuɛli I 2:10

Yinni Gusunɔ u koo win yibɛrɛbɑ kɔsuku muku muku kɑ ɡuru kpenu. U koo hɑnduniɑ kpuro siri. U koo wi u ɡɔsɑ ko sunɔ, kpɑ u nùn dɑm wɛ̃.