Misee 4:11 - Bibeli Gusunɔn Gari

¹¹ Tɛ̃, bwese dɑbinu nu mɛnnɑmɔ nu kɑ bɛɛ seesi. Nu mɔ̀, su de ben wuu Yerusɑlɛmu ye, yu bɛɛrɛ biɑ, yu ko bɑnsu. Kpɑ sɑ n su mɛɛrɑ.

Misee 4:11 ပူးပေါင်းရင်းမြစ်များ

Womusu 129:5

Yinni Gusunɔ, ɑ de be bɑ Yerusɑlɛmu tusɑ bu sekuru wɑ, kpɑ bu biruku yirɑ wurɑ,

Womusu 83:5

Bɑ ɡerumɔ bɑ mɔ̀, bu nɑ bu sun kpeerɑsiɑ bwesenu kpuron suunu sɔɔn di, kpɑ bu ku mɑɑ bɛsɛ Isirelibɑn yĩsiru yɑɑyɑ.

Esɑi 10:7

Adɑmɑ n ǹ dɑɑ ye, bɛɛ Asiriɡibu i ɡɔ̃ru doke. I ɡɔ̃ru dokewɑ i bwese dɑbinu kpeerɑsiɑ.

Esɑi 17:12

Annɑ ɑ kukiribu nɔ. Bwese dɑbinu nu burisinɛ mɑ nu kukirimɔ nɡe nim wɔ̃kun nim. Nu wɔki nɡe dɑɑ tèn torɑ yɑ bɔɔbu.

Esɑi 29:7

kpɑ tɑbu kowo dɑbi te, te tɑ nun wɔri mi, tɑ wunɛn ɡbɑ̃rɑru tɑrusi, tu doonɑ nɡe dosu.

Yeremi 52:4

Sedesiɑsin bɑndun wɔ̃ɔ nɔɔbɑ nnɛsen suru wɔkurusen sɔ̃ɔ wɔkuruse, yerɑ Nɛbukɑnɛsɑɑ u nɑ kɑ win tɑbu kowobu kpuro bu kɑ Yerusɑlɛmu wɔri. Mɑ bɑ ben sɑnsɑni ɡirɑ ɡbɑ̃rɑrun ɡɑ̃ɑrɔ. Miyɑ bɑ kuku yenu ɡbɑ ɡbɑ bɑ kɑ ɡbɑ̃rɑ te sikerenɑ.

Esekiɛli 26:3

Yen sɔ̃ tɛ̃, Yinni Gusunɔ u koo Tiri ye mɔru seesi u de bwese dɑbinu nu ye wɔri nu tɛriɑ nɡe mɛ dɑɑrɑ rɑ nim yibu.

Esekiɛli 38:17

Amɛniwɑ nɛ, Yinni Gusunɔ nɑ ɡeruɑ. Nɑ nɛɛ, Gɔɡu wi, u sɑ̃ɑwɑ wìn ɡɑri nɑ derɑ nɛn sɔmɔbu bɑ ɡeruɑ ɡɑsɔn di Isireliɔ. Nɑ nɛɛ, kon de u nɛn tɔmbu wɔri.

Abudiɑsi 1:12

Bɛɛ Edɔmubɑ, n ǹ dɑɑ weenɛ i bɛɛn mɛro bisibu Yudɑbɑ mɛɛri kɑ nuku dobu sɑnɑm mɛ bɑ nɔni sɔ̃ɔre. N ǹ dɑɑ weenɛ i nuku dobu ko ǹ kun mɛ i bu wɔmɛ sɑnɑm mɛ bɑ nuki sɑnkire.

Misee 7:10

Bɛsɛn yibɛrɛbɑ bɑ koo ye wɑ. Sɑɑ ye sɔɔrɑ bɑ koo sekuru wɑ, be, be bɑ rɑ rɑɑ bikie bu nɛɛ, mɑnɑ Gusunɔ bɛsɛn Yinni u wɑ̃ɑ. Bɑ koo bu tɑɑku nɡe pɔtɔkɔ, kpɑ su bu yɛ̃ɛ.

Sɑkɑri 12:3

Tɔ̃ɔ te sɔɔ, kon ye ɡɔsiɑ nɡe kpee bɑkɑru. Be bɑ kĩ bu tu suɑ bɑ koo mɛɛrɑ wɑ. Hɑnduniɑn bwesenu kpuro nu koo mɛnnɑ nu tu wɔri.