Misee 4:10 - Bibeli Gusunɔn Gari

¹⁰ Bɛɛ Yerusɑlɛmuɡibu, i wuri koowo nɡe tɔn kurɔ wi u yiire u kĩ u mɑ. Domi tɛ̃, i ko i yɑri Yerusɑlɛmun di. Kpɑ i dɑ i n wɑ̃ɑ yɑkɑsɔ. Bɑ koo kɑ bɛɛ dɑ sere Bɑbiloniɔ. Adɑmɑ Yinni Gusunɔ u koo rɑ bɛɛ yɑkiɑmɑ min di. Kpɑ u bɛɛ wɔrɑ bɛɛn yibɛrɛbɑn nɔmɑn di.

Misee 4:10 ပူးပေါင်းရင်းမြစ်များ

Sinɑmbu II 20:18

Bɑ koo wunɛn tiin bweseru sɔɔ bibu mwɛɛri kpɑ bu kɑ bu dɑ Bɑbiloniɔ bu bu mɑɑtɑm ko. Kpɑ bu ko sinɑ bokon sɔm kowobu sinɑ kpɑɑrɔ.

Sinɑmbu II 25:4

Bɑbiloniɡibu bɑ Yerusɑlɛmun ɡbɑ̃rɑ te yɑbɑ. Mɑ Yudɑbɑn sinɑ boko kɑ win tɑbu kowobu bɑ duki yɑkurɑ min di wɔ̃kuru bɑɑ mɛ Bɑbiloniɡii be, bɑ wuu ɡe tɑrusi. Yudɑbɑ bɑ yɑrɑwɑ sɑɑ kɔnnɔ ɡe ɡɑ wɑ̃ɑ ɡbɑ̃rɑru yirun bɑɑ sɔɔn di, sinɑ bokon sɑɑdiɛ̃n bɔkuɔ, Yuudɛnin wɔwɑn berɑ ɡiɑ.

Bɑndun Gɑri II 33:11

Yerɑ Yinni Gusunɔ u Asirin sinɑ bokon tɑbu sinɑmbu ɡɔrɑ bɑ Mɑnɑse mwɑ bɑ yɔni doke, mɑ bɑ nùn bɔkuɑ kɑ sii ɡɑndun yɔni bɑ kɑ dɑ Bɑbiloniɔ.

Bɑndun Gɑri II 36:20

Nɛbukɑnɛsɑɑ u be bɑ ǹ ɡo tɑbu sɔɔ ɡurɑ u kɑ dɑ Bɑbiloniɔ. Mɑ bɑ kuɑ wi kɑ win bibun yobu sere Pɛɛsibɑ bɑ kɑ bɑndu di.

Bɑndun Gɑri II 36:23

Yi nɛɛ, ɑmɛniwɑ Sirusi, Pɛɛsin sinɑ boko u ɡeruɑ. U nɛɛ, Gusunɔ Wɔrukoo u mɑn hɑnduniɑn bɑnnu kpuro wɛ̃. Mɑ u mɑn yiire n nùn sɑ̃ɑ yeru bɑniɑ Yerusɑlɛmuɔ Yudɑbɑn temɔ. Yen sɔ̃, be bɑ sɑ̃ɑ Isirelibɑ kpuro bu wuro Yerusɑlɛmuɔ kpɑ Gusunɔ ben Yinni u n kɑ bu wɑ̃ɑ.

Womusu 106:10

A bu yɑkiɑ sɑɑ wi u bu tusɑn nɔmɑn di. A bu wɔrɑ yibɛrɛbɑn nɔmɑn di.

Esɑi 43:14

Yinni Gusunɔ u nɛɛ, bɛɛ Isirelibɑ, ɑmɛniwɑ nɛ Gusunɔ, bɛɛn Yinni Dɛɛro, nɛ wi nɑ bɛɛ yɑrɑ, nɑ ɡeruɑ nɑ nɛɛ, kon Bɑbiloniɡibu bɛri yibɛrɛbɑn nɔmɑɔ bɛɛn sɔ̃, kpɑ n ben wuun ɡɑmbobɑ kɔsuku, kpɑ ben nuku dobun kuuki yi ɡɔsirɑ nuku sɑnkirɑnun wuri.

Esɑi 45:13

Nɛ, Yinni Gusunɔ Dɑm kpuroɡii, nɛnɑ nɑ Sirusi seeyɑ u kɑ ɡeɑ ko ye nɑ ɡɔ̃ru doke. Kon win swɛɛ kpuro nɔɔ nɛrɑsiɑ. U koo nɛn wuu Yerusɑlɛmun bɑnsu seeyɑ, kpɑ u nɛn tɔn be bɑ rɑɑ yoru mwɛɛrɑ yɑrɑ yorun di n kun kɑ kɔsiɑru ɡɑru.

Esɑi 48:20

I yɑrio Bɑbilonin di i yen tɔmbu duki suurio. I nɑsɑrɑn womusu koowo, i kpɑrɑ hɑnduniɑn ɡoonu nnɛ sɔɔ i nɛɛ, wi, Yinni Gusunɔ u bɛɛ Yɑkɔbun bweseru yɑkiɑ, bɛɛ be i sɑ̃ɑ win sɔm kowobu.

Yeremi 13:4

n kpɑkɑ ye suo kpɑ n se n dɑ dɑɑ te bɑ mɔ̀ Efɑrɑtiɔ kpɑ n ye bere mi, kpee wɔru ɡɑɡu sɔɔ.

Yeremi 15:21

Kon nun yɑkiɑ tɔn kɔ̃sobun nɔmɑn di. Kpɑ n nun wɔrɑ be bɑ nuki sosun nɔmɑn di. Nɛ, Yinni Gusunɔwɑ nɑ yeni ɡeruɑ.

Yeremi 29:20

Adɑmɑ bɛɛ be u derɑ bɑ ɡurɑ bɑ kɑ dɑ Bɑbiloniɔ, i swɑɑ dɑkio i nɔ ye u ɡerumɔ.

Yeremi 4:31

Nɑ wuri kɑ weeweenu nɔɔmɔ nɡe tɔn kurɔ wi u yiire u kĩ u win bii ɡbiikoo mɑ. Ase Yerusɑlɛmun nɔɔwɑ ɡɑ nɔɔrɑmɔ mi. Yɑ wom ɡɑbɑmɔ, yɑ nɔmɑ dɛmiɛ yɑ mɔ̀, yɑ kɑm kuɑwɑ. Wee yen yibɛrɛbɑ bɑ ye sɛ̃re, yɑ ɡɔɔ dɔɔ.

Yeremi 48:41

Kpɑ bu wuu ɡe bɑ mɔ̀ Keriɔtu mwɑ, bu ɡen ɡbɑ̃rɑnu kɔsuku. Mɔɑbun tɑbu durɔ dɑmɡibu bɑ koo nɑndɑ nɡe tɔn kurɔ wi u yiire u kĩ u mɑ.

Yeremi 52:27

Mɑ sinɑ boko u bu so so. Mɑ u derɑ bɑ bu ɡo Ribilɑ mi, Hɑmɑtin temɔ. Nɡe mɛyɑ bɑ kɑ Yudɑbɑ yoru mwɛɛrɑ bɑ kɑ doonɑ n tomɑ ben tem di.

Osee 13:13

Isirelin bweseru tɑ sɑ̃ɑwɑ nɡe bii wìn mɑrubun sɑɑ yɑ turɑ mɑ u kpɑsɑ wɔri mɔ̀, ɑdɑmɑ bii wi, u yinɑ u yɑrimɑ.

Osee 2:14

Kon de win resɛm dɑ̃nu kɑ win fiɡiebɑ bu kɑm ko be u nɛɛ, u wɑ durɔ tɑnɔbun min di. Kon de ɡbee ni, nu ko dɑ̃ɑ sɔ̃ɔ, kpɑ ɡbeeku yɛɛ yi dɑ̃ɑ nin mɑrum di.

Misee 5:2

Adɑmɑ ko nɑ n ɡinɑ nɛn tɔn be deriwɑ ben yibɛrɛbɑn nɔmɑ sɔɔ sere kurɔ wì u koo kpɑro wi mɑ, u kɑ mɑ. Be bɑ kpikiru dɑ, bɑ koo ɡɔsirɑmɑ bu Isireli be bɑ tie deemɑ.

Misee 5:3

Kpɑ kpɑro wi nɑ bɛɛ nɔɔ mwɛɛru kuɑ mi, u bɛɛ nɛn tɔmbu mɛnnɑ u kpɑrɑ mɑm mɑm kɑ nɛ, Yinni Gusunɔn dɑm kɑ nɛn yiiko. Win tɔmbu bɑ ko n wɑ̃ɑ bɔri yɛndu sɔɔ. Kpɑ u yĩsiru yɑri hɑnduniɑn ɡoonu nnɛ ye sɔɔ.

Kɑ̃siru 12:14

Adɑmɑ bɑ kurɔ wi ɡunɔ bɑke bɑkɑrun kɑsɑ yiru wɛ̃ u kɑ yɔ̃ sere win ɑyerɔ ɡbɑburɔ mi n tomɑ wɑɑ yen bɔkun di, mi bɑ koo nùn nɔɔri sɑɑ itɑ kɑ bɔnu.