Misee 3:9 - Bibeli Gusunɔn Gari

⁹ Bɛɛ Isirelibɑ Yɑkɔbun bweserun wiruɡibu, i swɑɑ dɑkio i nɔ. I ku rɑ ɡem kɑ̃. I rɑ mu ɡɔsiewɑ kɔ̃sɑ.

Misee 3:9 ပူးပေါင်းရင်းမြစ်များ

Nɛɛmi 13:17

Mɑ nɑ Yudɑn wiruɡibu tɑɑrɛ wɛ̃. Nɑ bu bikiɑ nɑ nɛɛ, mbɑn sɔ̃nɑ bɑ kɔ̃sɑ mɔ̀ bɑ tɔ̃ɔ wɛ̃rɑruɡiru disi dokemɔ.

Yɑribu 3:16

A doo ɑ Isirelibɑn ɡuro ɡurobu mɛnnɑ ɑ bu sɔ̃ ɑ nɛɛ, nɛ wi nɑ rɑ n wɑ̃ɑ, nɑ sɑ̃ɑ bɛɛn sikɑdobɑ Aburɑhɑmu kɑ Isɑki kɑ Yɑkɔbun Yinni, nɑ mɑɑ nun kure nɑ kɑ nun ɡɑri kuɑ nɑ nɛɛ, nɑ bu wɑ, nɑ mɑɑ wɑ ye bɑ bu kuɑmmɛ Eɡibitiɔ.

Mɔnnu 17:15

Wi u tɔn kɔ̃so ɡem wɛ̃ɛmɔ, kɑ wi u ɡemɡii tɑɑrɛ wɛ̃ɛmɔ, be kpurowɑ Yinni Gusunɔ u tusɑ.

Mɔnnu 17:23

Tɔn kɔ̃sowɑ u rɑ nɔm birɑn kɛ̃nu mwɛ u kɑ tɔnu ɡem birɑ.

Mɔnnu 18:5

N ǹ weenɛ ɑ yɔ̃rɑ toron biruɔ, kpɑ ɑ ɡemɡii nùn win ɡem birɑ.

Mɔnnu 21:7

Tɔn kɔ̃sobun bɔbunu nu rɑ bu kɑm koosiewɑ, domi bɑ ǹ kĩ bu sĩ dee dee.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Yeremi 5:28

Bɑ dĩɑ ɡeenu di mɑ bɑ bɔriɑ. Bɑ rɑ kɔ̃sɑ kowɑ yu bɑndɑ. Bɑ ku rɑ kɑ ɡobeku yinɛ, ǹ kun mɛ sɑ̃ɑro. Bɑ ku rɑ bu ben ɡem wɛ̃. Kpɑ ben tii bɑ n kuurɑmɔ.

Esekiɛli 44:23

Bɑ koo nɛn tɔmbu sɔ̃ɔsiwɑ ye yɑ sɑ̃ɑ nɛ Gusunɔɡiɑ kɑ ye yɑ ǹ sɑ̃ɑ nɛɡiɑ. Yeyɑ, ye yɑ dɛɛre kɑ ye yɑ ǹ dɛɛre.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Sɑ̃ɑrun Woodɑ 26:15

mɑ i nɛn ɑrukɑwɑni yinɑ, i nɛn woodɑbɑ biru kisi, i ǹ kɑ bu sɔmburu kue,

Misee 1:1

Yudɑbɑn sinɑ boko Yotɑmu kɑ Akɑsi kɑ Esekiɑsi ben wɑɑti sɔɔrɑ Yinni Gusunɔ u Misee Mɔresɛtiɡii sɔ̃ɔwɑ ye yɑ koo Sɑmɑri kɑ Yerusɑlɛmu deemɑ.

Misee 3:1

Bɛɛ Isirelibɑ Yɑkɔbun bweserun wiruɡibɑ nɑ kɑ yɑ̃. N ǹ bɛɛyɑ n weenɛ i n woodɑbɑ yɛ̃?

Sɔ̃ɔsiru 27:19

Kpɑ Lefibɑ bu nɛɛ, bɔ̃rurowɑ wi u sɔɔ ǹ kun mɛ ɡobeku ǹ kun mɛ ɡɔmini win ɡem birɑ siri yerɔ. Kpɑ tɔmbu kpuro bu nɛɛ, ɑmi!