Misee 3:3 - Bibeli Gusunɔn Gari

³ I rɑ bu diwɑ mɑm mɑm nɡe yɑɑ ye bɑ kokɑ bɑ kukunu kɔsukɑ, mɑ bɑ ye bɔtirɑ bɑ doke wekerɔ.

Misee 3:3 ပူးပေါင်းရင်းမြစ်များ

Womusu 14:4

Ye u wɑ mɛ, yerɑ u tii bikiɑ u nɛɛ, kɔ̃sɑn kowo be, bɑ ǹ yɛ̃ru mɔ? Wee bɑ nɛn tɔmbu ɡbɛnimɔ, ben ɡoo kun mɑn sɑ̃ɑmɔ.

Womusu 27:2

Nɛn yibɛrɛbɑ bɑ̀ n mɑn wɔrimɑ bu kɑ mɑn ɡo, bɑ ǹ mɑn wɑsi. Kɔ̃sɑn kowobu bɑ̀ n mɑn susimɑ bu kɑ mɑn nɔni sɔ̃, ɡɑ̃ɑnu kun mɑn mɔ̀. Be kpurowɑ bɑ koo wɔruku.

Mɔnnu 30:14

Gɑbɑ wɑ̃ɑ ben donnu nu sɑ̃ɑwɑ nɡe tɑkobi, mɑ ben bɑɑ sɑburosu su sɑ̃ɑ nɡe wobɑ bu kɑ wɔnwɔndobu kɑ sɑ̃ɑrobu wɔri bu ben yɑ̃nu ɡurɑ.

Esɑi 3:14

U win siribu toruɑ kɑ win tɔmbun ɡuro ɡurobu, kɑ ben wiruɡibu. U nɛɛ, i tɔmbun dĩɑnu wɔrɑ mɑ i ye i sɑ̃ɑrobu mwɑɑri yii bɛɛn yɛnusɔ.

Esɑi 3:15

Mbɑn sɔ̃nɑ i nɛn tɔmbu dɑm dɔremɔ, mɑ i sɑ̃ɑrobu tɑki dimɔ. Nɛ, Yinni Gusunɔ, wɔllu kɑ tem Yinniwɑ nɑ yeni bikiɑmɔ.

Esekiɛli 11:3

Bɑ mɔ̀, n ǹ mɔ tɛ̃ sɑ ko dinu bɑni. Domi Yerusɑlɛmu yɑ sɑ̃ɑwɑ nɡe wekeru. Mɑ bɛsɛ yen tɔmbu sɑ sɑ̃ɑ nɡe yɑɑ ye yɑ wɑ̃ɑ te sɔɔ.

Esekiɛli 24:4

Kpɑ ɑ yɑɑ tɑɑrun yɑɑ ɡeɑ kɑ yɑɑ nɔmun yɑɑ ɡeɑ suɑ ɑ doke mi. Yen biru, kpɑ ɑ yɑɑ kuku bɔrɔkɔbɑ sɔndi yen wɔllɔ.

Amɔsu 8:4

Yinni Gusunɔ u nɛɛ, i swɑɑ dɑkio bɛɛ be i sɑ̃ɑrobu dɑm dɔremɔ. Mɑ i bwɛ̃ɛbwɛ̃ɛbu kɑm koosiɑmɔ.

Misee 2:8

Adɑmɑ bɛɛyɑ Yinni Gusunɔ u sɔ̃ɔmɔ u mɔ̀, i kuɑ win tɔmbun yibɛrɛbɑ. I tɔmbu sɛ̃re be bɑ wee tɑbu ɡberun di i ben yɑ̃nu potirɑ.

Sofoni 3:3

Bɛɛn sinɑ ɑsɑkpɔbu bɑ sɑ̃ɑwɑ nɡe ɡbee sinɑn si su kukirimɔ wuu ɡe sɔɔ. Mɑ bɛɛn siri kowobu bɑ mɑɑ sɑ̃ɑ nɡe yokɑn purukɑ ni nu ku rɑ dĩɑnu yi bururun sɔ̃.