Misee 2:3 - Bibeli Gusunɔn Gari

³ Yen sɔ̃nɑ Yinni Gusunɔ u nɛɛ, wee nɑ kɔ̃sɑn sɔɔru mɔ̀ tɔn ben sɔ̃. Bɑ ǹ mɑɑ kpɛ̃ bu ye dukɑ suuri. Mɛyɑ bɑ ǹ mɑɑ kpɛ̃ bu sĩ bɑ n wĩiru yɔ̃rɑsie dɑm dɑm. Domi tɔ̃ɔ te tɑ wee mi, tɔ̃ɔ kɔ̃surɑ.

Misee 2:3 ပူးပေါင်းရင်းမြစ်များ

Esɑi 29:20

Domi be bɑ rɑ tɔmbu dɑm dɔre kɑ tɔn yɑɑko kowobu bɑ koo kpe, kpɑ kɔ̃sɑn kowobu bɑ kun mɑɑ wɑ̃ɑ.

Esɑi 3:16

Yinni Gusunɔ u mɑɑ nɛɛ, wee Yerusɑlɛmun tɔn kurɔbu bɑ tii sue. Mɑ bɑ sĩimɔ bɑ yɛ̃kɔ mɔ̀, bɑ wĩinu dɛmiɛ. Bɑ ǹ sekuru mɔ, bɑ ben nɑɑsun sumi soonɑmɔ.

Esɑi 5:19

bɑ n ɡerumɔ bɑ n mɔ̀, Yinni Gusunɔ u wɑsi suo u win sɔmburu ko fuuku, kpɑ su tu wɑ. Isirelibɑn Yinni Dɛɛro u win himbɑ sɔ̃ɔsio ye u yi, kpɑ su ye ɡiɑ.

Yeremi 18:11

Yen sɔ̃, ɑ Yudɑbɑ kɑ Yerusɑlɛmuɡibu sɔ̃ɔwɔ ɑ nɛɛ, nɛ, Yinni Gusunɔ nɑ sɔɔru mɔ̀ n kɑ bu kɔ̃sɑ kuɑ. Nɑ yen kpunɑɑ yi. Ǹ n mɛn nɑ, ben bɑɑwure u win dɑɑ kɔ̃sɑ derio u wurɑmɑ nɛn mi.

Yeremi 27:12

Mɑ Yeremi u mɑɑ ɡɑri tee yi Sedesiɑsi sɔ̃ɔwɑ. U nɛɛ, Sedesiɑsi, wunɛ kɑ wunɛn tɔmbu, i Bɑbilonin sinɑ bokon suɡu dokeo, i nùn yoru diiyɑ, wi kɑ win tɔmbu, kpɑ i wɑ i n wɑ̃ɑ.

Yeremi 34:17

Yen sɔ̃, wee ye nɛ, Yinni Gusunɔ nɑ ɡerumɔ. N dɑɑ weenɛwɑ ben bɑɑwure u win yobu kɑrɑ bɑ n tii mɔ. Adɑmɑ bɑ yinɑ, bɑ ǹ mɑn mɛm nɔɔwɛ. Yen sɔ̃nɑ kon bu yɔ̃su tɑbu sɔɔ kpɑ n bu bɑrɑnu kɑ ɡɔ̃ɔru kpɛ̃ɛ kpɑ bwese ni nu tie nù n bu wɑ nu biti ko.

Yeremi 36:23

Yehudi ù n tire ten kɑburɑ itɑ, ǹ kun mɛ nnɛ ɡɑrɑ u kpɑ, yerɑ sinɑ boko u rɑ tire yoron kɔ̃ɔ piibu ɡɑɡu sue u kɑ mi bɑ ɡɑrɑ burɑ u kpɛ̃ɛ dɔ̃ɔ sɔɔ, sere te kpuro tɑ kɑ dɔ̃ɔ mwɑɑrɑ muku muku.

Yeremi 43:2

yerɑ Asɑriɑ, Hoseen bii, kɑ Yokɑnɑni, Kɑreɑn bii, be kpuro bɑ Yeremi wisɑ kɑ tɔn piiburu bɑ nɛɛ, ye ɑ ɡeruɑ mi, weesɑ. Gusunɔ bɛsɛn Yinni kun nun sɔ̃ɔwɑ ɑ sun sɔ̃, su ku Eɡibiti dɑ.

Yeremi 8:3

Be bɑ koo tiɑrɑ be, Yudɑ dɑɑ kɔ̃sɑɡii be sɔɔ, mi nɑ bu yɑrinɑsiɑ kpuro, ɡɔɔwɑ bɑ ko n kĩ n kere wɑ̃ɑru. Nɛ, Yinni Gusunɔwɑ nɑ yeni ɡeruɑ.

Swĩi 1:14

U nɛn torɑnu kpuro mɛnnɑ nɡe wɛ̃ɛ yi bɑ tɑrɑ. Mɑ u nu ɡbinisi nɛn wĩirɔ. U nɛn dɑm buɑ. Mɑ u mɑn yibɛrɛ nɔmu bɛriɑ mi nɑ ǹ kpɛ̃ n kɑ tii yinɑ.

Swĩi 2:17

Yinni Gusunɔ u kuɑ ye u ɡɔ̃ru doke. U yibiɑ ye u ɡeruɑ sɑɑ yellun di u nɛɛ, u koo ko. Wee u wunɛ Yerusɑlɛmu kɑm kuɑ. U ǹ wunɛn wɔnwɔndu wɑ. U derɑ yibɛrɛbɑn nukurɑ dorɑ wunɛn sɔ̃, domi u bu dɑm kɑ̃.

Swĩi 5:5

Wee, bɛsɛn yibɛrɛbɑ bɑ sun yoru diisiɑmɔ. Sɑ wɑsire, bɑ ǹ mɑɑ sun wɛ̃rɑbu wɛ̃ɛmɔ.

Amɔsu 2:14

Yen dɔmɑ te, wɑsi kɑsɑnuɡibɑ kun mɑɑ kpɛ̃ bu dukɑ su. Dɑmɡibɑ kun mɑɑ kpɛ̃ bu ben dɑm dendi bu kɑ ɡɑ̃ɑnu ko. Mɛyɑ tɑbu durɔ dɑmɡibɑ kun mɑɑ kpɛ̃ bu ben wɑ̃ɑru wɔrɑ.

Amɔsu 3:1

I swɑɑ dɑkio i nɔ ye nɛ, Yinni Gusunɔ nɑ ɡerumɔ, bɛɛ Isirelibɑ kpuron sɔ̃, bɛɛ be nɑ yɑrɑmɑ Eɡibitin di.

Amɔsu 3:2

Hɑnduniɑn bwesenu kpuro sɔɔ, bɛɛ tɔnɑwɑ nɑ ɡɔsɑ. Yen sɔ̃nɑ kon bɛɛ sɛɛyɑsiɑ bɛɛn durum ye i kuɑ kpuron sɔ̃.

Amɔsu 5:13

Sɑnɑm mɛni, sɑnɑm kɔ̃sumɑ. Yen sɔ̃, wi u lɑɑkɑri mɔ, wiyɑ u ko n nɔɔ mɑɑri.

Misee 2:1

Bɔ̃rurobɑ be bɑ rɑ n kɔ̃sɑ bwisikumɔ wɔ̃kuru mi bɑ kpĩ. Bɑ̀ n seewɑ buru buru kpɑ bu ye ko yèn sɔ̃ bɑ yen dɑm mɔ.

Romu 16:4

Bɑ ben wɑ̃ɑru wɛ̃ bu kɑ nɛn wɑ̃ɑru wɔrɑ. N ǹ nɛ turo nɑ bu siɑrɑmɔ, kɑ mɑɑ tɔn tuko Yesun yiɡbɛnuɡibu kpurowɑ bɑ bu siɑrɑmɔ.

Efesu 5:16

Sɑɑ ye i mɔ kpuro, i ye dendio kɑ lɑɑkɑri domi sɑɑ yeni, sɑɑ kɔ̃sɑ.

Sɔ̃ɔsiru 28:48

Yen sɔ̃nɑ u koo bɛɛ yibɛrɛbɑ sure kpɑ i bu yoru diiyɑ i n wɑ̃ɑ ɡɔ̃ɔru kɑ nim nɔru kɑ sɑ̃ɑru kɑ tereru sɔɔ. Bɑ koo bɛɛ yoo te diisiɑwɑ sere bu kɑ bɛɛ kɑm koosiɑ.

Yɑkɔbu 2:13

Domi wi u kun wɔnwɔndu mɔ, wɔnwɔndu sɑriru sɔɔrɑ bɑ koo yɛ̃ro siri, ɑdɑmɑ wɔnwɔndɑ tɑ koo kpĩ tu woo kɑnɑ siribun wuswɑɑɔ.