Misee 2:1 - Bibeli Gusunɔn Gari

¹ Bɔ̃rurobɑ be bɑ rɑ n kɔ̃sɑ bwisikumɔ wɔ̃kuru mi bɑ kpĩ. Bɑ̀ n seewɑ buru buru kpɑ bu ye ko yèn sɔ̃ bɑ yen dɑm mɔ.

Misee 2:1 ပူးပေါင်းရင်းမြစ်များ

Torubu 31:29

Nɑ yiiko mɔ n kɑ nun kɔ̃sɑ kuɑ, ɑdɑmɑ Gusunɔ, wunɛn bɑɑbɑn Yinni, u mɑn sɔ̃ɔwɑ ɡĩɑ u nɛɛ, n lɑɑkɑri ko n ku rɑ nun ɡɑ̃ɑnu ɡɑnu sɔ̃.

Sinɑmbu I 21:7

Yerɑ Yesɑbɛli wi, u nùn sɔ̃ɔwɑ u nɛɛ, n ǹ wunɑ ɑ sɑ̃ɑ Isirelibɑn sunɔ? A seewo ɑ di kɑ nuku dobu. Nɛ, kon nun Nɑbɔtin ɡbɑɑ te wɛ̃.

Ɛsitɛɛ 3:8

Hɑmɑni u sinɑ boko sɔ̃ɔwɑ u nɛɛ, yinni, bweseru ɡɑrɑ wɑ̃ɑ tèn tɔmbɑ yɑrinɛ bɑɑmɑ wunɛn tem mɛ kpuro sɔɔ, bɑ tii mɛnɛ nɛnɛm, ben komɑrɑ mɑɑ sɑ̃ɑwɑ nɛnɛm. Yen biru bɑ ku rɑ wunɛn woodɑbɑ mɛm nɔɔwɛ. À n bu deri sɛ̃ɛ, yɑ ǹ nun ɑrufɑɑni ɡɑɑ kuɑmmɛ.

Ɛsitɛɛ 5:14

Yerɑ win bɔrɔ be, kɑ win kurɔ wi, bɑ nùn bwisi kɑ̃ bɑ nɛɛ, ɑ doo ɑ dɑ̃ru ɡɑru ɡirɑ tèn ɡunum mu sɑ̃ɑ ɡɔm soonu weerɑɑkuru kpɑ ɑ sinɑ boko kɑnɑ bu Mɑɑdose sɔku bu sɑ̃ɑrusiɑ mi. Sɑɑ ye sɔɔ, kɑɑ kpĩ ɑ tɔ̃ɔ bɑkɑ dim mɛ di kɑ nuku dobu. Yerɑ ɡɑri yi, yi Hɑmɑni dore. Mɑ u derɑ bɑ dɑ̃ɑ te sɔɔru kuɑ.

Ɛsitɛɛ 9:25

Adɑmɑ Ɛsitɛɛ u dɑ sinɑ bokon mi. Mɑ sinɑ boko u woodɑ yɑrɑ u nɛɛ, ye Hɑmɑni u rɑɑ himbɑ kuɑ mi, yu wɔri win wiru wɔllɔ kpɑ bu wi kɑ win bibu bwɛ̃ dɑ̃ɑ wɔllɔ.

Yoobu 15:35

Wi u kɔ̃sɑ bwisikɑ, kɔ̃sɑ u koo ko. Domi bwisi kɔ̃si yiyɑ yi rɑ n wɑ̃ɑ win nukurɔ. Kpɑ yi n nùn nɔni wɔ̃kuɑ.

Yoobu 24:14

Tɔn ɡowo u rɑ sewɑ buru buru yellu kpɑ u sɑ̃ɑrobu ɡo. Wɔ̃kuru kpɑ u ɡbɛni.

Womusu 36:4

Win ɡɑri kpuro, weesɑ yi sɑ̃ɑ. U ku rɑ wure u ɡɑ̃ɑnu ko kɑ lɑɑkɑri u sere ɡeɑ ko.

Womusu 36:5

Kɔ̃sɑ u rɑ n bwisikumɔ win kpin yerɔ. Yen swɑɑ sɔɔrɑ u rɑ n mɑɑ wɑ̃ɑ. U ku rɑ ye dukɑ suuri.

Womusu 58:3

Aɑwo, i kɔ̃sɑ mɔ̀wɑ ɡɔ̃ruɔ. Mɑ i bɔbunu ɑyeru kɛ̃mɔ.

Mɔnnu 12:2

Wi u rɑ ɡeɑ ko, wiyɑ u rɑ Gusunɔn durom wɑ, ɑdɑmɑ bwisiku kɔ̃sunuɡiiwɑ u rɑ tɑɑrɛ wɑ.

Mɔnnu 14:22

Be bɑ rɑ kɔ̃sɑ bwisiku, bɑ kɔ̃ɔrewɑ, ɑdɑmɑ be bɑ rɑ ɡeɑ bwisiku, durom kɑ ɡemɑ bɑ rɑ sɔ̃ɔsi.

Mɔnnu 3:27

Wi n weenɛ ɑ ɡeɑ kuɑ, ɑ̀ n yen dɑm mɔ, ɑ ye koowo.

Mɔnnu 4:16

Domi bɑ̀ kun kɔ̃sɑ kue, bɑ ku rɑ dweeye. Bɑ̀ kun ɡoo torɑri, bɑ ku rɑ dom wɑ.

Esɑi 29:20

Domi be bɑ rɑ tɔmbu dɑm dɔre kɑ tɔn yɑɑko kowobu bɑ koo kpe, kpɑ kɔ̃sɑn kowobu bɑ kun mɑɑ wɑ̃ɑ.

Esɑi 3:14

U win siribu toruɑ kɑ win tɔmbun ɡuro ɡurobu, kɑ ben wiruɡibu. U nɛɛ, i tɔmbun dĩɑnu wɔrɑ mɑ i ye i sɑ̃ɑrobu mwɑɑri yii bɛɛn yɛnusɔ.

Esɑi 32:7

Tɔn kɔ̃son kookoosu kpuro su ku rɑ n wɑ̃. U rɑ kpunɑɑ dɑbinu kowɑ u kɑ bwɛ̃ɛbwɛ̃ɛ kɑm koosiɑ kɑ weesu, bɑɑ bwɛ̃ɛbwɛ̃ɛ wi, ù n ɡem mɔ.

Esɑi 5:8

Bɔ̃rurobɑ be bɑ yɛnusu kɑ ɡbeɑ sosimɔ ye bɑ rɑɑ mɔ sɔɔ, sere ɡɑbu bɑ ǹ mɑɑ ɑyeru mɔ, mɑ be tɔnɑ bɑ bɑtumɑ mɔ.

Esɑi 59:3

Bɛɛn nɔmɑ yɑ yɛm yibɑ, domi i tɔmbu ɡo. Weesu kɑ ɡɑri kɔ̃siyɑ yi yɑrimɔ bɛɛn nɔsun di.

Yeremi 18:18

Yerɑ tɔn be, bɑ nɛɛ, su Yeremi nɔɔ tiɑ kuɑ su nùn mwɑ. Domi woodɑ kun ɡbimɔ bɑɑ yɑ̃ku kowobu bɑ̀ kun wɑ̃ɑ. Bwisi kun kpeemɔ bɑɑ bwisiɡibu bɑ̀ kun wɑ̃ɑ. Gusunɔn ɡɑri kun ɡbimɔ yèn sɔ̃ win sɔmɔbɑ sɑri. Ǹ n mɛn nɑ, i nɑ su nùn wɔri su yɑɑ kɑsiki, kpɑ su ku mɑɑ win ɡɑri nɔ su sere yi lɑɑkɑri ko.

Esekiɛli 11:2

Yinni Gusunɔ u nɛɛ, tɔnun bii, tɔn be ɑ wɑ mi, bɑ sɑ̃ɑwɑ be bɑ kɔ̃sɑ bwisikumɔ mɑ bɑ tɔmbu bwisi kɔ̃si kɛ̃mɔ Yerusɑlɛmuɔ.

Esekiɛli 33:26

Ben tɑbu yɑ̃nɑ bɑ rɑ n nɑɑnɛ sɑ̃ɑ. Bɑ rɑ n dɑɑ kɔ̃sɑ mɔ̀wɑ, bɑɑwure u kɑ win winsim kurɔ kpunɑmɔ. Yerɑ bɑ tɑmɑɑ tem mɛ, mu ko n sɑ̃ɑ beɡim?

Esekiɛli 38:10

Nɛ, Yinni Gusunɔ nɑ nɛɛ, sɑɑ ye, yɑ̀ n tunumɑ, bwisiku kɔ̃sunu koo nùn deemɑ kpɑ u kɔ̃sɑ himbɑ ko.

Esekiɛli 46:18

Kpɑro wi, u ku rɑɑ win tɔmbu tem mwɑɑri. Ye u koo win bibu wɛ̃ kpuro u de yɑ n wee win mɔrun di. Kpɑ nɛn tɔmbu sɔɔ ɡoo u ku rɑɑ kɑ win tem biɑ.

Misee 6:12

Wee bɛɛn ɡobiɡibu bɑ tɔmbu dɑm dɔremɔ, bɑ rɑ n weesu mɔ̀. Kpɑ bɑ n ɡɑbu nɔni wɔ̃kumɔ kɑ ben ɡɑri.

Nɑhumu 1:11

Ninifu, wunɛn min diyɑ ɡoo u yɑrɑ wi u Gusunɔ kɔ̃sɑ bwisikusimɔ, mɑ u kĩ u nùn seesi.

Sɑkɑri 7:10

Bu ku ɡɔminibu kɑ ɡobekubɑ kɑ sɔbu kɑ sɑ̃ɑrobu dɑm dɔre. Bu ku mɑɑ ben winsim kɔ̃sɑ bwisikusi.

Mɑɑku 15:1

Buru buru yellu yɑ̃ku kowo tɔnwerobu kɑ mɑɑ ɡuro ɡurobu kɑ woodɑ yɛ̃robu, kɑ be bɑ tie mɛnnɔ ɡe sɔɔ, bɑ mɛnnɑ bu kɑ ɡɑri yi wesiɑnɑ sɑnnu. Mɑ bɑ Yesu bɔkuɑ bɑ kɑ dɑ bɑ Pilɑti nɔmu sɔndiɑ.

Luku 20:19

Sɑɑ tiɑ ye sɔɔ, yɑ̃ku kowo tɔnwerobu kɑ woodɑ yɛ̃robu bɑ kɑsu bu Yesu mwɑ, domi bɑ tubɑ mɑ ben sɔ̃nɑ u mɔn te kuɑ. Adɑmɑ bɑ tɔn wɔru nɑsie.

Yohɑnu 19:11

Mɑ Yesu u nùn wisɑ u nɛɛ, ɑ ǹ dɑm ɡɑm mɔ nɛ sɔɔ bɑ̀ kun nun mɛ wɛ̃ wɔllun di. Yen sɔ̃nɑ wi u mɑn nun nɔmu sɔndiɑ, win tɑɑrɛ yɑ wunɛɡiɑ kere.

Gɔrobun Kookoosu 23:12

Yen sisiru Yuubɑ bɑ mɛnnɑ bɑ nɔɔ tiɑ kuɑ bɑ bɔ̃ruɑ bɑ nɛɛ bɑ ǹ ɡɑ̃ɑnu dimɔ, bɑɑ nim bɑ ǹ nɔrumɔ mɑ n kun mɔ bɑ Pɔlu ɡo.

Gɔrobun Kookoosu 23:15

Ǹ n mɛn nɑ, sɑ kĩ bɛɛ kɑ ɡuro ɡurobu i tɑbu sunɔ sɔ̃ u kɑ Pɔlu nɑ bɛɛn mɛnnɔ sɔɔ kpɑm, kpɑ n sɑ̃ɑre nɡe i kĩ i kpɑm win ɡɑri mɛɛrim sɔmɛ. Bɛsɛ sɑ ko n sɔɔru sɑ̃ɑ su kɑ nùn ɡo u sere tunumɑ.

Romu 1:30

bɑ rɑ tɔnu yɑɑ kɑsiki, bɑ Gusunɔ tusɑ, bɑ rɑ tii wɑ, bɑ yɛ̃kɔ mɔ, bɑ rɑ woo kɑnɛ, bɑ kɔ̃sɑn kobun bwisi mɔ, bɑ ǹ ben tundobu kɑ ben mɛrobu bɛɛrɛ wɛ̃ɛmɔ.

Sɔ̃ɔsiru 28:32

Bɑ koo bɛɛn bii tɔn durɔbu kɑ tɔn kurɔbu mwɛɛri bu ko tɔn tukobun yobu bɛɛn nɔni biru i n mɛɛrɑ, kpɑ i wɑsirɑ kɑ swɑɑn mɛɛribu sɑɑ kpuro, ɑdɑmɑ i ǹ kpɛ̃ i ɡɑ̃ɑnu ko.