Misee 1:4 - Bibeli Gusunɔn Gari

⁴ Ù n nu tɑɑrɑ, nu rɑ numwɑ. Kpɑ wɔwi yi n yɑndɑmɔ nɡe ɡum yɑrum ǹ kun mɛ nɡe nim mɛ mu sɑrɑm wee ɡunɡunun di.

Misee 1:4 ပူးပေါင်းရင်းမြစ်များ

Womusu 46:6

Gusunɔ u wɑ̃ɑ te sɔɔ, yen sɔ̃nɑ tɑ ǹ wɔrumɛ. Gusunɔ u rɑ tu ɡɑbewɑ sɑɑ buru buru yellun di.

Womusu 68:2

Gusunɔ, ɑ seewɑ mɑ wunɛn yibɛrɛbɑ bɑ yɑrinɑ. Wunɛn wɛrɔbu bɑ duki suɑ wunɛn wuswɑɑn di.

Womusu 97:5

Guunu nu rɑ yɑndewɑ nɡe ɡum win wuswɑɑɔ, wi, wi u sɑ̃ɑ tem kpuron Yinni.

Amɔsu 9:5

Mɑ Amɔsu u nɛɛ, Gusunɔ wɔllu kɑ tem Yinni u tem bɑbɑ, mɑ mu kɔsikirɑ. Mɑ mɛn tɔmbu kpuro bɑ ɡɔɔ wooru sɔ̃. Mɛ kpuro mu kukumɔ, mɑ mu suremɔ nɡe Eɡibitin dɑɑ bɑkɑ te bɑ mɔ̀ Nilun nim.

Nɑhumu 1:5

U derɑ ɡuunu bɑ̃ɑrimɔ. Mɑ ɡunɡunu diirimɔ. Mɑ tem kɑ mɛn tɔmbu bɑ yiiyɑrɑmɔ win wuswɑɑɔ.

Hɑbɑkuku 3:10

Guunu nù n nun wɑ, nu rɑ diiriwɑ. Gurɑ yɑ nɛmɔ kɑ dɑm, mɑ nim wɔ̃kun nim mu wɔki, mu nim kurenu kɔ̃ɔmɔ sere wɔllɔ.

Hɑbɑkuku 3:6

À n yɔ̃rɑ, tem mu rɑ yĩiriwɑ. À n bwesenu mɛɛrɑ, nu rɑ diiriwɑ. Guu ni nu wɑ̃ɑ sɑɑ yee yellun di, nu wɔrukɑ, ɡunɡuu ni nu wɑ̃ɑ sɑɑ tɛɛbun di, nu kɔsikirɑ, domi niyɑ nu rɑɑ sɑ̃ɑ wunɛn swɑɑ ye ɑ rɑ sĩ.

Sɑkɑri 14:4

Yen tɔ̃ɔ te, u koo win nɑɑsu sɔndi Olifin ɡuurɔ te tɑ wɑ̃ɑ Yerusɑlɛmun dee deeru, sɔ̃ɔ yɑri yeru ɡiɑ. Olifin ɡuu te, tɑ koo bɛsirɑ suunuɔ sɑɑ sɔ̃ɔ yɑri yerun di sere sɔ̃ɔ duu yerɔ. Wɔwi bɑkɑ yɑ koo yɑri ten suunu sɔɔ. Guu ten bee tiɑ yɑ koo dɑ sɔ̃ɔ yɛ̃sɑn nɔm ɡeu ɡiɑ kpɑ bee tiɑ yu mɑɑ dɑ sɔ̃ɔ yɛ̃sɑn mɔm dwɑru ɡiɑ.

Kɑ̃siru 20:11

Yerɑ nɑ mɑɑ sinɑ kitɑ kpiki bɑkɑru wɑ kɑ wi u sɔ̃ ten wɔllɔ. Mɑ tem kɑ wɔllɑ dukɑ doonɑ win wuswɑɑn di, yen ɡɑɑ kun mɑɑ wɑɑrɔ.

Kpɑrobu 5:4

Yinni, sɑnɑm mɛ ɑ sɑrɑmɑ Seirin ɡuurun di Edɔmun temɔ, tem mu yĩirɑ, ɡuru winu ɡɔsirɑ nim, mɑ ɡurɑ nɑ.