Misee 1:16 - Bibeli Gusunɔn Gari

¹⁶ Bɛɛ Yerusɑlɛmuɡibu, i bɛɛn seri kɔniɔ i wii kpɑrɑnu yi nuku sɑnkirɑnun sɔ̃. I swĩiyɔ bɛɛn bii be i kĩn sɔ̃. Wee bɑ koo bu mwɛɛri bu kɑ dɑ tem tukumɔ.

Misee 1:16 ပူးပေါင်းရင်းမြစ်များ

Sinɑmbu II 17:6

Oseen bɑndun wɔ̃ɔ nɔɔbɑ nnɛse sɔɔrɑ, Asirin sinɑ boko u Sɑmɑri mwɑ. Mɑ u Isirelibɑ yoru mwɛɛrɑ u kɑ dɑ win temɔ. U derɑ ben ɡɑbɑ wɑ̃ɑ Sɑlɑsin temɔ kɑ Gosɑnin temɔ mi dɑɑ te bɑ mɔ̀ Sɑbori tɑ wɑ̃ɑ kɑ mɑɑ Mɛdibɑn wuu mɑrosɔ.

Yoobu 1:20

Ye Yoobu u yenibɑ kpuro nuɑ, yerɑ u seewɑ u win yɑberu nɛnuɑ u kɑrɑnɑ, mɑ u tii wii pɔɔru wokɑ nuku sɑnkirɑnun sɔ̃. Mɑ u yiirɑ u siriru tem ɡirɑri u nɛɛ,

Esɑi 15:2

Diboniɡibu bɑ dɑ bũu sɑ̃ɑ yerɔ kɑ ɡuunu wɔllɔ bu kɑ swĩ. Mɔɑbubɑ bɑ weeweenu mɔ̀ wuu si bɑ mɔ̀ Nɛbo kɑ Mɛdebɑn sɔ̃. Mɑ bɑ ben winu kɑ ben tobunu kɔnɑ nuku sɑnkirɑnun sɔ̃.

Esɑi 22:12

Yen sɔ̃nɑ tɔ̃ɔ teni sɔɔ, Gusunɔ, wɔllu kɑ tem Yinni, u bɛɛ sokɑ i kɑ swĩ, kpɑ i weeweenu ko i bɛɛn winu kɔni, kpɑ i sɑɑkibɑ dewe nuku sɑnkirɑnun sɔ̃.

Yeremi 16:6

Dɑmɡibu kɑ bwɛ̃ɛbwɛ̃ɛbu bɑ koo ɡbiwɑ. Bɑ ǹ bu sikumɔ, bɑ ǹ mɑɑ ben ɡɔɔ wooru sinɑmɔ. Goo kun tii muririmɔ, ɡoo kun mɑɑ kɔnimɔ ben ɡɔɔn nuku sɑnkirɑnun sɔ̃.

Yeremi 4:8

I sɑɑki sebuo nuku sɑnkirɑnun sɔ̃ kpɑ i swĩ i weeweenu ko, domi Yinni Gusunɔn mɔru kun sun doonɑrimɔ.

Yeremi 47:5

Gɑsɑɡibu bɑ wɑ̃ɑwɑ nuku sɑnkirɑnu sɔɔ bɑ wii pɔɔnu pote. Asikɑloniɡibu kɑ be bɑ wɑ̃ɑ wɔwɑɔ bɑ nɔɔ mɑɑri. Bɛɛ be i tie, sere sɑɑ yerɑ̀ i ko i n wɑ̃ɑ i n tii muririmɔ i kɑ ɡɔɔ swĩ.

Yeremi 6:26

Yinni Gusunɔ u nɛɛ, bɛɛ nɛn tɔmbu, i sɑɑki pɔrɑ sɛ̃keo kpɑ i tii torom wisi nuku sɑnkirɑnun sɔ̃. Bɛɛn bɑɑwure u ɡɔɔ swĩiyɔ nɡe wi u win bii teereru biɑ. I wuri koowo kɑ nɔni yĩresu. Domi wi u koo bɛɛ kpeerɑsiɑ u koo bɛɛ wɔriwɑ subɑru sɔɔ.

Yeremi 7:29

Yinni Gusunɔ u nɛɛ, Yudɑbɑ bu ben seri buro bu kɔ̃ yi yi sɔ̃ɔsimɔ mɑ bɑ sɑ̃ɑ nɛɡibu. Bu yɔɔwo ɡuuru wɔllɔ, kpɑ bu ɡɔɔ swĩ. Wee bɑ nɛn mɔru seeyɑ, mɑ nɑ bu biru kisi.

Swĩi 2:19

A seewo ɑ wuri ko wɔ̃kuru, ɑ wunɛn ɡɔ̃ru kpuro kusiɑ Yinni Gusunɔn wuswɑɑɔ. A nɔmɑ yiiyo ɑ nùn kɑnɑ wunɛn bibun sɔ̃ be bɑ ɡbimɔ swɛɛ sɔɔ ɡɔ̃ɔrun sɔ̃.

Amɔsu 7:11

Domi u nɛɛ, wunɛ Yeroboɑmu, bɑ koo nun ɡowɑ tɑbu sɔɔ kɑ tɑkobi. Kpɑ bu Isirelibɑ yoru mwɛɛri ben tem di bu kɑ dɑ mi n tomɑ.

Amɔsu 7:17

Wee ye Yinni Gusunɔ u ɡeruɑ. U nɛɛ, wunɛn kurɔ u koo sɑkɑrɑru ko wuu sɔɔ, kpɑ bu wunɛn bibu ɡo tɑbu sɔɔ, kpɑ bu wunɛn ɡberu bɔnu ko, domi wunɛn tii kɑɑ ɡbi tem tukumɔ mi n tomɑ, mi bɑ koo kɑ Isirelibɑ dɑ bu yoru di.

Amɔsu 8:10

Kon bɛɛn tɔ̃ɔ bɑkɑnu ɡɔsiɑ nuku sɑnkirɑnu, kpɑ bɛɛn womusu su n sɑ̃ɑ weeweenu. Kpɑ bɛɛn bɑɑwure u sɑɑkibɑ doke u n wii pɔɔru pote nuku sɑnkirɑnun sɔ̃. Kon de tɔmbu bɑ n nuki sɑnkire tem mɛ sɔɔ nɡe be bɑ ben bii teereru bie. Tɔ̃ɔ te, tɑ ko n sɑ̃ɑwɑ nɔni swɑ̃ɑruɡiru.

Sɔ̃ɔsiru 28:41

I ko i bii tɔn durɔbu kɑ tɔn kurɔbu mɑ ɑdɑmɑ bɑ ǹ mɔ̀ bɛɛɡibu domi bɑ koo bu yoru mwɛɛriwɑ bu kɑ doonɑ tem tukumɔ.