Misee 1:12 - Bibeli Gusunɔn Gari

¹² Mɑrɔtiɡibu bɑ diirimɔ ben ɑlɑfiɑn sɔ̃. Nɔni swɑ̃ɑ te, tɑ weewɑ Yinni Gusunɔn min di. Tɑ mɑɑ Yerusɑlɛmun ɡbɑ̃rɑ kɔnnɔ ɡirɑri.

Misee 1:12 ပူးပေါင်းရင်းမြစ်များ

Yoobu 30:26

Wee nuku dobɑ nɑ rɑ n yĩiyɔ, ɑdɑmɑ nɔni swɑ̃ɑrɑ nɑ wɑɑmɔ. Yɑm bururɑmɑ nɑ rɑ n yĩiyɔ, ɑdɑmɑ yɑm wɔ̃kurɑ nɑ wɑɑmɔ.

Esɑi 45:7

Nɛnɑ nɑ rɑ de yɑm bururɑm kɑ yɑm wɔ̃kurɑ n wɑ̃ɑ. Nɛnɑ nɑ rɑ mɑɑ de ɑlɑfiɑ kɑ wɑhɑlɑ yɑ n wɑ̃ɑ. Nɛ, Yinni Gusunɔwɑ nɑ rɑ ye kpuro ko.

Yeremi 14:19

Yinni Gusunɔ, ɑ bɛsɛ Yudɑbɑ biru kisiwɑ mɑm mɑm? A sun bwɛ̃rɑ yɑrɑwɑ? Mbɑn sɔ̃nɑ ɑ sun sɛɛyɑsiɑmɔ ɑ mɛɛrɑ mɔ̀ ye yɑ ǹ bɛkurɑmɔ. Sɑ bɔri yɛndu mɑrɑ, ɑdɑmɑ sɑ ǹ tu wɑ. Sɑ mɑrɑ ɑ sun bɛkiɑ, ɑdɑmɑ nɔni swɑ̃ɑru sɔɔrɑ sɑ wɑ̃ɑ.

Yeremi 8:15

Wee, sɑ tɑmɑɑ wɑ̃ɑrɑ koo kɔsi, ɑdɑmɑ yɑ ǹ koore. Sɑ tɑmɑɑ sɑɑ ɡɑɑ wee yè sɔɔ bɛsɛn nɔni swɑ̃ɑru tɑ koo kpe, ɑdɑmɑ nɑndɑbɑ bu sun deemɑ.

Amɔsu 3:6

Bɑ rɑ tɑbun kɔbɑ so wuuɔ wuuɡibu bɑ kun nɑnde? Kɛ̃siru ɡɑru tɑ rɑ koore wuuɔ n kun nɛn min di?

Misee 1:9

Sɑmɑrin nɔni swɑ̃ɑ te yɑ wɑ sere tɑ Yudɑbɑ ɡirɑri, tɑ ǹ kpeemɔ. Wee tɑ tunumɑ sere Yerusɑlɛmu nɛn tɔmbun wuun kɔnnɔwɔ.

Rutu 1:20

Mɑ u bu wisɑ u nɛɛ, i ku mɑɑ mɑn soku Nɑomi, i mɑn sokuo Mɑrɑ . Domi Dɑm kpuroɡii u mɑn nuki sɑnkɑ.

Sɑmuɛli I 4:13

Mɑ u duɑ wuuɔ u wuuɡibu tɑbun lɑbɑɑri sɔ̃ɔwɑ. Mɑ wuu ɡiru ɡe kpuron tɔmbɑ seewɑ bɑ wuri mɔ̀. N deemɑ Eli u tɔkɔ kuɑ u wɔ̃ɔ wunɔbu yiru sɑri mɔ. Win nɔni kun dɑm mɔ. U ǹ mɑɑ yɑm wɑɑmɔ sɑ̃ɑ sɑ̃ɑ. Sɑɑ ye, u sɔ̃ kitɑrɔ u swɑɑ mɛɛrɑ, domi win bwɛ̃rɑ kun kpunɛ Gusunɔn woodɑn kpɑkoro ten sɔ̃. Ye u wuri yi nuɑ, mɑ u nɛɛ, mbɑn sɔ̃nɑ bɑ wuri mɔ̀ mɛ. Mɑ durɔ wi, u dukɑ dɑ win mi, u kɑ nùn sɔ̃ ye n koorɑ.