Mɑteu 9:24 - Bibeli Gusunɔn Gari

²⁴ Mɑ u nɛɛ, i yɑrio bɛɛ kpuro, wɔndiɑ wi kun ɡu, u dowɑ. Mɑ be kpuro bɑ nùn yɑɑkoru wɔri.

Mɑteu 9:24 ပူးပေါင်းရင်းမြစ်များ

Yoobu 12:4

Bɑɑ mɛ nɑ Gusunɔ kɑnɑ, u mɑn wisɑ, nɛn kpɑɑsibɑ mɑn yɑɑkoru mɔ̀. Bɑɑ mɛ nɑ ǹ tɑɑrɛ ɡɑɑ mɔ, nɛn bɔrɔbɑ bɑ mɑn yɛ̃ɛmɔ.

Esɑi 49:7

Yeniwɑ Gusunɔ, Isirelibɑn Yinni Dɛɛro wi u bu fɑɑbɑ kuɑ, u nun sɔ̃ɔwɑ, wunɛ wi ɑ sɑ̃ɑ dɑmɡibun yoo wi tɔmbɑ tusɑ bɑ ɡɛmɑ. U nɛɛ, sinɑmbɑ koo nun wɑ kpɑ bu nun bɛɛrɛ wɛ̃. Sinɑ bibɑ koo mɑɑ nun kpunɑ nɛ, Isirelibɑn Yinni Dɛɛron sɔ̃, nɛ wi nɑ sɑ̃ɑ nɑɑnɛɡii mɑ nɑ nun ɡɔsɑ.

Esɑi 53:3

Tɔmbɑ nùn ɡɛmɑ mɑ bɑ nùn biru kisi. U nɔni sɔ̃ɔre, u wɑhɑlɑn dɔɔnɛ mɔ, u ǹ wɑɑbu wɑ̃. Sɑ nùn ɑtɑfiiru kuɑ, sɑ ǹ nùn ɡɑrisi ɡɑ̃ɑnu.

Mɑɑku 5:40

Mɑ bɑ nùn yɑɑkoru mɔ̀. Adɑmɑ ye u be kpuro yɑrɑ u kpɑ, u derɑ wɔndiɑ win tundo kɑ win mɛro kɑ be bɑ wɑ̃ɑ kɑ wi sɑnnu bɑ duɑ kɑ wi, mi wɔndiɑ wi, u kpĩ.

Luku 8:53

Bɑ nùn yɑɑkoru wɔri, domi bɑ yɛ̃ mɑ u ɡuwɑ.

Yohɑnu 11:4

Ye Yesu u yeni nuɑ u nɛɛ, bɑrɑ te, tɑ ǹ ɡɔɔɡiru ɑdɑmɑ tɑ koo Gusunɔn yiiko sɔ̃ɔsi, kpɑ bu kɑ Gusunɔn Bii bɛɛrɛ wɛ̃.

Gɔrobun Kookoosu 20:10

Adɑmɑ Pɔlu u sɑrɑmɑ mɑ u yɑ̃ɑrɑ u nùn suɑ u nɛɛ, i ku nɑndɑ, win hunde yɑ wɑ̃ɑ.

Gɔrobun Kookoosu 9:40

Piɛɛ u be kpuro yɑrɑ dii ten min di mɑ u yiirɑ u kɑnɑru kuɑ. Yen biru u sĩirɑ ɡoo ten berɑ ɡiɑ u nɛɛ, Tɑbitɑ ɑ seewo. Yerɑ kurɔ wi, u nɔni wukiɑ. Ye u Piɛɛ wɑ u seewɑ u sinɑ.