Mɑteu 6:19 - Bibeli Gusunɔn Gari

¹⁹ Mɑ Yesu nɛɛ, i ku dukiɑ bere hɑnduniɑ sɔɔ mini, mi ɡɛmi yi rɑ di, kɑ mi yɑ koo wururɑ nɔrurɑ, kɑ mi ɡbɛnɔbu bɑ koo du kɑ dɑm bu ɡbɛni.

Mɑteu 6:19 ပူးပေါင်းရင်းမြစ်များ

Yoobu 24:16

Yɑm wɔ̃kuru sɔɔrɑ ɡbɛnɔ u rɑ diɑ kɔsuku. Sɔ̃ɔ sɔɔ, kpɑ u tii kɛnusi win yɛnuɔ. U ǹ yɑm bururɑm yɛ̃.

Yoobu 31:24

Nɑ ǹ nɛn nɑɑnɛ dokere wurɑ sɔɔ, n ɡere n nɛɛ, wurɑ, ɑ sɑ̃ɑwɑ nɛn yĩiyɔbu.

Womusu 39:6

N wee ɑ nɛn tɔ̃ru yĩirɑ kɑ wunɛn nɔmɑn yɑsum, mɑ nɛn wɑ̃ɑrun sɑnɑm kun ɡɑ̃ɑnu turɑ wunɛn nɔni sɔɔ. Kɑ ɡeemɑ tɔnu bɑɑwure koo doonɑ nɡe woo tiɑ,

Womusu 62:10

Tɔnu u sɑ̃ɑwɑ wom dirum. Mɛyɑ u mɑɑ sɑ̃ɑ weesu. Bɑ̀ n nùn kilo sɔndi, kɑɑ deemɑ u ǹ woo bunum turɑ.

Mɔnnu 11:4

Dukiɑ kun kpɛ̃ yu tɔnu wɔrɑ Gusunɔn siribun sɑnɑm, ɑdɑmɑ ɡem mu rɑ tɔnu wɔre ɡɔɔn di.

Mɔnnu 16:16

Tɔnu ù n bwisi kɑ lɑɑkɑri mɔ, n wɑ̃ n kere ù n wurɑ kɑ sii ɡeesu mɔ.

Wɑɑsu kowo 2:26

Domi wi u nùn wɛ̃rewɑ u rɑ bwisi kɑ yɛ̃ru kɑ nuku dobu wɛ̃. Adɑmɑ u rɑ dewɑ tɔn kɔ̃so u ɑrumɑni kɑsu u mɛnnɑ wi u wi, Gusunɔ wɛ̃ren sɔ̃. Yenin tii yɑ mɑɑ tubum sɛ̃. Yɑ sɑ̃ɑwɑ nɡe wi u kĩ u woo kpɑrɑ.

Sofoni 1:18

Yen dɔmɑ te, ben sii ɡeesu ǹ kun mɛ ben wurɑ, yen ɡɑɑ kun kpɛ̃ yu bu wɔrɑ Yinni Gusunɔn mɔru bɑkɑ yen min di. Tem mɛ kpuro mu koo dɔ̃ɔ mwɑɑrɑ win mɔrun sɔ̃. U koo mɛn tɔmbu kpuro ɡowɑ subɑru sɔɔ.

Mɑteu 19:21

Yesu nùn sɔ̃ɔwɑ u nɛɛ, ɑ̀ n kĩ ɑ yibu, ɑ doo ɑ dɔrɑ kpuro ye ɑ mɔ, kpɑ ɑ yen ɡobi sɑ̃ɑrobu bɔnu kuɑ, kɑɑ n dukiɑ mɔ wɔllɔ, kpɑ ɑ nɑ ɑ mɑn swĩi.

Mɑteu 6:20

Adɑmɑ i dukiɑ beruo wɔllɔ mi ɡɛmi kɑ wururɑ yen ɡɑɑ kun kpɛ̃ yu ye sɑnku, mi ɡbɛnɔbu bɑ ǹ kpɛ̃ bu du bu ɡbɛni.

Luku 12:21

Mɑ Yesu u nɛɛ, mɛyɑ n ko n sɑ̃ɑ kɑ wi u dukiɑ tɑɑsinɑmɔ win tiin sɔ̃ mɑ u ǹ dukiɑ mɔ Gusunɔn mi.

Luku 12:33

I dɔro ye i mɔ kpɑ i yen ɡobi sɑ̃ɑrobu kɛ̃. I tii yɑnsurɔnu kuo ni nu ku rɑ tɔkɔ ko, kɑ beru yeru Gusunɔ wɔllɔ tè sɔɔ dukiɑ ku rɑ kpe, mi ɡbɛnɔ sɑri wi u koo susi, mi ɡɛmɑ mɑɑ sɑri ye yɑ koo sɑnku.

Luku 12:39

I de i n yɛ̃ sɑ̃ɑ sɑ̃ɑ mɑ yɛnu yɛ̃ro ù n yɛ̃ sɑɑ ye ɡbɛnɔ u koo nɑ, u koo dom se, u ǹ koo de bu win diru kɔrɑ.

Luku 18:22

Ye Yesu u yeni nuɑ u kpɑ, u kpɑm nɛɛ, ɡɑ̃ɑ teenɑ nu nun tie. A dɔro kpuro ye ɑ mɔ, kpɑ ɑ sɑ̃ɑrobu yen ɡobi bɔnu kuɑ, kɑɑ n dukiɑ mɔ wɔllɔ. Yen biru ɑ nɑ ɑ mɑn swĩi.

Luku 18:24

Ye Yesu u nùn mɛɛrɑ u nɛɛ, kɑ ɡeemɑ n kɑ dukiɑɡibu sɛ̃wɑ bu kɑ bɑn te Gusunɔ u swĩi wurɑ.

Timɔte I 6:17

A tem mɛn ɑrumɑniɡibun lɑɑkɑri seeyo bu ku woo kɑnɑ bu ku rɑɑ mɑɑ ben yĩiyɔbu yi dukiɑ ye yɑ koo kpe sɔɔ. Adɑmɑ bu bu yiiyo Gusunɔ sɔɔ wi u sun kpuro wɛ̃ɛmɔ kɑ nuku tiɑ bɛsɛn nuku dobun sɔ̃.

Heberu 13:5

I ku de ɡobin kĩru tɑ n bɛɛ nɛni. I de ye i mɔ yu kɑ bɛɛ nɛrenɑ domi Gusunɔ u nɛɛ, “Nɑ ǹ nun derimɔ pɑi, mɛyɑ nɑ ǹ mɑɑ nun biru kisimɔ kɑ bɑɑdommɑɔ.”