Mɑteu 5:10 - Bibeli Gusunɔn Gari

¹⁰ Doo nɔɔruɡibɑ be bɑ nɔni sɔ̃ɔwɑ yèn sɔ̃ bɑ kuɑ ye Gusunɔ u bikiɑ. Beyɑ bɑ ko n wɑ̃ɑ mi Gusunɔ u bɑndu swĩi.

Mɑteu 5:10 ပူးပေါင်းရင်းမြစ်များ

Womusu 37:12

Tɔn kɔ̃sobɑ ɡemɡibu bwisiku kɔ̃sunu koosimɔ, mɑ bɑ bu wiru diirisimɔ.

Esɑi 66:5

Bɛɛ be i Yinni Gusunɔn ɡɑri nɑsie, i swɑɑ dɑkio i nɔ ye u ɡerumɔ. U nɛɛ, wee, bɛɛn mɛro bisibu be bɑ bɛɛ tusɑ bɑ ɡirɑ ben min di nɛn yĩsirun sɔ̃, bɑ bɛɛ yɑɑkoru mɔ̀ bɑ mɔ̀, Yinni Gusunɔ u win yiiko sɔ̃ɔsio, kpɑ bu bɛɛn nuku dobu wɑ. Adɑmɑ ben tiiwɑ bɑ koo sekuru wɑ.

Mɑteu 10:23

Bɑ̀ n bɛɛ nɔni sɔ̃ɔwɑ wuu teu sɔɔ, i duki doonɔ wuu ɡɑɡun mi. Nɑ bɛɛ sɔ̃ɔmɔ kɑ ɡem, i ǹ ko i Isirelin wusu kpuro sɑsiri i kpe, Tɔnun Bii u kɑ tunumɑ.

Mɑteu 19:14

Yerɑ Yesu nɛɛ, i de bii piiminu nu nɑ nɛn mi, i ku bu yinɑri. Domi Gusunɔ u bɑndu swĩi tɔmbun sɔ̃ be bɑ kɑ bu weenɛ.

Mɑteu 25:34

Sɑnɑm mɛyɑ sunɔ u koo be bɑ wɑ̃ɑ win nɔm ɡeuɔ sɔ̃ u nɛɛ, i nɑ bɛɛ be nɛn Bɑɑbɑ u domɑru kuɑ, i bɑndu tubi dio te bɑ bɛɛ sɔɔru kuɑ sɑɑ hɑnduniɑn toren di.

Mɑteu 5:3

Yesu u nɛɛ, doo nɔɔruɡibɑ bèn hunde yɑ Gusunɔn bɛkɛ bɑrɔ. Beyɑ bɑ ko n wɑ̃ɑ mi Gusunɔ u bɑndu swĩi.

Mɑɑku 10:14

Ye Yesu wɑ ye bɑ mɔ̀ u mɔru bɑrɑ, mɑ u bu sɔ̃ɔwɑ u nɛɛ, i bibu derio bu nɑ nɛn mi, i ku bu yinɑri, domi Gusunɔ u bɑndu swĩi tɔmbun sɔ̃ be bɑ sɑ̃ɑ nɡe bibu.

Mɑɑku 10:30

u koo kpɑm kpɑɑnu wɑ wunɔm wunɔm tɛ̃ sɑɑ yeni sɔɔ. U koo dinu wɑ, kɑ mɑɑbu kɑ wɔnɔbu kɑ sesubu kɑ mɛrobu kɑ bibu kɑ ɡbeɑ, kɑ mɑɑ nɔni swɑ̃ɑru. Siɑ u koo mɑɑ wɑ̃ɑru te tɑ ku rɑ kpe wɑ.

Luku 21:12

Adɑmɑ yɑbu ye kpuro yu sere koorɑ bɑ koo bɛɛ mwɑ bu bɛɛ nɔni sɔ̃. Bɑ koo bɛɛ siri kowobu nɔmu sɔndiɑ mɛnnɔ yenɔ, bɑ koo bɛɛ pirisɔm doke, kpɑ bu kɑ bɛɛ dɑ sinɑ bokobu kɑ tem yɛ̃robun kɔnnɔsɔ nɛn yĩsirun sɔ̃.

Luku 22:29

Yen sɔ̃nɑ nɡe mɛ nɛn Bɑɑbɑ u mɑn bɑndu yiiyɑ, mɛyɑ nɑ mɑɑ bɛɛ ɑyeru yiiye,

Luku 6:20

Yerɑ Yesu u win nɔni suɑ u win bwɑ̃ɑbu mɛɛrɑ u nɛɛ, Doo nɔɔruɡibɑ bɛɛ sɑ̃ɑrobu domi bɛɛyɑ i ko n wɑ̃ɑ mi Gusunɔ u bɑndu swĩi.

Luku 6:22

Doo nɔɔruɡibɑ bɛɛ, tɔmbu bɑ̀ n bɛɛ tusɑ, mɑ bɑ bɛɛ ɡirɑ ben min di, mɑ bɑ bɛɛ wɔmmɔ, mɑ bɑ bɛɛn yĩsiru ɡɔsiɑ ɡɑ̃ɑ kɔ̃sunu Tɔnun Biin sɔ̃.

Yohɑnu 15:20

I ɡɑri yi yɑɑyo yi nɑ rɑɑ bɛɛ sɔ̃ɔwɑ nɑ nɛɛ, yoo ku rɑ win yinni kere. Bɑ̀ n mɑn nɔni sɔ̃ɔwɑ bɑ koo mɑɑ bɛɛ nɔni sɔ̃. Bɑ̀ n nɛn ɡɑri mɛm nɔɔwɑ bɑ koo mɑɑ bɛɛɡii mɛm nɔɔwɑ.

Gɔrobun Kookoosu 5:40

Bɑ ɡɔro be sokɑ bɑ sɛni so, mɑ bɑ bu yinɑri bu mɑɑ kɑ Yesun yĩsiru ɡɑri ko pɑi. Mɑ bɑ bu yɔ̃su.

Gɔrobun Kookoosu 8:1

Sɑɑ ye, Sɔɔlu u kɑ be bɑ Etiɛni ɡo nɔɔ tiɑ sɑ̃ɑ. Sɑɑ dɔmɑ ten diyɑ bɑ Yesun yiɡbɛ te tɑ wɑ̃ɑ Yerusɑlɛmuɔ nɔni sɔ̃ɔ bɑkɑbu toruɑ. Nɑɑnɛ dokeobu kpuro mɑ n kun mɔ ɡɔrobu, bɑ yɑrinɑ bɑ dɑ Yudeɑn temɔ kɑ Sɑmɑrin temɔ.

Korinti II 4:17

Bɛsɛn nɔni swɑ̃ɑ kpiriru te tɑ ǹ kpɑ̃, tɑ sun yiiko ye yɑ ku rɑ kpe sɔɔru kuɑmmɛwɑ, ye yɑ nɔni swɑ̃ɑ te kpɑ̃ɑru kere.

Filipi 1:28

I ku de bɛɛn yibɛrɛbɑ bu kɑ bɛɛ ɡɑ̃ɑnu nɑre. Yeyɑ yɑ koo bu sɔ̃ɔsi mɑ bɑ kɑm kobu dɔɔwɑ, yɑ koo mɑɑ bɛɛ sɔ̃ɔsi mɑ i wɑ̃ɑ fɑɑbɑn swɑɑ sɔɔ. Ye kpurowɑ yɑ wee sɑɑ Gusunɔn min di.

Timɔte II 2:12

Sɑ̀ n tɛmɑnɑ kɑ suuru, sɑ ko bɑndu di kɑ wi sɑnnu. Sɑ̀ n mɑɑ nùn yinɑ, win tii u koo sun yinɑ.

Timɔte II 3:11

kɑ bɔnɛ ye bɑ mɑn dɔre kɑ nɛn nɔni swɑ̃ɑ te tɑ mɑn deemɑ Antiɔsiɔ kɑ Ikonimuɔ kɑ Lisitiɔ. Bɔnɛ ɡɑɑ sɑri ye nɑ kun wɑ mi. Adɑmɑ Yinni u mɑn yɑkiɑ sɑɑ ye kpuron di.

Yɑkɔbu 1:12

Doo nɔɔruɡiiwɑ wi u lɑɑkɑri mɛɛribun sɑɑ sɔɔ tɛmɑnɑ. Domi win lɑɑkɑri mɛɛribun biru u koo wɑ̃ɑru wɑ tèn nɔɔ mwɛɛru Yinni bu kuɑ be bɑ nùn kĩ.

Yɑkɔbu 5:11

Wee, sɑ bu sokumɔ doo nɔɔruɡibu yèn sɔ̃ bɑ yɔ̃rɑ dim dim. I Yoobun tɛmɑnɑbun bɑɑru nuɑ, i mɑɑ yɛ̃ ye Yinni Gusunɔ u nùn kuɑ yen biru. Domi Yinni u rɑ wɔnwɔndu kɑ tɔn ɡeeru ko.

Yohɑnu I 3:12

kpɑ sɑ kun sɑ̃ɑ nɡe Kɑɛni wi u sɑ̃ɑ tɔn kɔ̃so wiɡii mɑ u win wɔnɔ ɡo. Mbɑn sɔ̃nɑ u nùn ɡo. U nùn ɡo yèn sɔ̃ win tii u kom kɔ̃sum kuɑ, wɔnɔ mɑɑ kom ɡem kuɑ.

Kɑ̃siru 2:10

U ku bɛrum ko nɔni swɑ̃ɑ te tɑ nùn sisien sɔ̃. Wee, Setɑm u koo de bu ben ɡɑbu pirisɔm doke u kɑ ben lɑɑkɑri mɛɛri. Bɑ koo wɑhɑlɑ wɑ sere sɔ̃ɔ wɔkuru. U de u n sɑ̃ɑ bɔrɔkini sere kɑ ɡɔɔwɔ, kpɑ n nùn wɑ̃ɑru wɛ̃ nɡe sinɑ furɔ.