12 U win sɑrɑtiɑ nɛni win nɔmɑɔ, u koo win ɑlikɑmɑ soo yeru kurɑ kpɑ u win ɑlikɑmɑ ɡurɑ u doke birɑru sɔɔ. Adɑmɑ u koo sɑkosu doke dɔ̃ɔ sɔɔ wi u ku rɑ ɡbi.
Wi u tɑmɑɑ u dɑm mɔ u koo ko nɡe yɑkɑsu, kpɑ win kookoosu su n sɑ̃ɑ nɡe dɔ̃ɔ buri, kpɑ u dɔ̃ɔ mwɑɑrɑ kɑ win kookoo si sɑnnu. Goo sɑri wi u koo kpĩ u bu fɑɑbɑ ko.
I ko nu sɑrɑwɑ nɡe dobi, woo ɡu kɑ nu doonɑ, kpɑ woo ɡunɑ yu nu yɑrinɑsiɑ, kpɑ i nuku dobu wɑ nɛn min di, nɛ, wi nɑ sɑ̃ɑ bɛɛn Yinni Dɛɛro, kpɑ i mɑn bɛɛrɛ wɛ̃.
Yen sɔ̃nɑ Yinni Gusunɔ u koo de bu dɔ̃ɔ mwɑɑrɑ nɡe mɛ dɔ̃ɔ u rɑ doo ɡɑ̃ɑnu kɑ yɑkɑ ɡbebusu mwɛ, kpɑ ben ɡbini yi kɔ̃si, kpɑ ben wɛ̃su su kɑ woo doonɑ nɡe tuɑ, yèn sɔ̃ bɑ ǹ Gusunɔ wɔllu kɑ tem Yinnin woodɑbɑ ɡɑrisi ɡɑ̃ɑnu. Mɑ bɑ win ɡɑri ɑtɑfiiru kuɑ, wi, wi u sɑ̃ɑ ben Yinni dɛɛro.
Adɑmɑ bɑ ko n dɑ tɔn be bɑ mɑn seesin ɡonu wɑwɑ nu kpĩ tɔɔwɔ. Domi kɔkɔ ni nu ko n bu dimɔ, nu ǹ ɡbimɔ. Dɔ̃ɔ wì sɔɔ bɑ ko n wɑ̃ɑ, u ǹ mɑɑ ɡbimɔ. Mɛyɑ ben ɡonu nu ǹ ko n wɑɑbu wɑ̃.
Adɑmɑ bɑ̀ kun nɛn ɡɑri swɑɑ dɑki, yi nɑ nɛɛ, bu mɑn tɔ̃ɔ wɛ̃rɑruɡii te yiiyɑ, mɑ bɑ dumɔ Yerusɑlɛmun kɔnnɔsun di, bɑ n sɔmunu sɔɔwɑ, tɔ̃ɔ wɛ̃rɑruɡii te sɔɔ, sɑɑ yerɑ kon wuu ɡe dɔ̃ɔ doke wi u ǹ ɡbimɔ kpɑ be kpuro bu dɔ̃ɔ mwɑɑrɑ.
Yen sɔ̃nɑ bɑ koo doonɑ nɡe bururun kɑkoru ǹ kun mɛ nɡe dirum. Bɑ sɑ̃ɑ nɡe yɑkɑ si bɑ ɡurɑ bɑ yɑri doo soo yerun di su kɑ woo doonɔ ǹ kun mɛ nɡe wii si su yɑrimɔ ɡbɑburun di.
I de ye yiru kpuro yu kpɛ̃ɑ sɑnnu sere ɡɛ̃ɛbun sɑɑ yɑ̀ n turɑ. Sɑnɑm mɛyɑ kon sɔm kowobu sɔ̃ bu ɡinɑ yɑkɑ kɔ̃su si mɛnnɔ bu bɔkunu ko bu dɔ̃ɔ doke, yen biru bu sere ɑlikɑmɑ ɡɛ̃ bu mɛnnɑ nɛn birɑru sɔɔ.
Ye Yohɑnu u nuɑ mɛ, u be kpuro sɔ̃ɔwɑ u nɛɛ, nɛ nɑ bɛɛ bɑtɛmu mɔ̀ kɑ nim, ɑdɑmɑ wi u mɑn dɑm kere u sisi. Nɑ ǹ turɑ n win bɑrɑnun wɛ̃ɛ kusiɑ. Wiyɑ u koo bɛɛ bɑtɛmu ko kɑ Hunde Dɛɛro kɑ dɔ̃ɔ.