Mɑteu 3:10 - Bibeli Gusunɔn Gari

¹⁰ Wee, bɑ ɡbɑ̃ɑ wɑsi kɔ bu kɑ dɑ̃ɑ wukiri. Dɑ̃ru bɑɑtere te tɑ ǹ bii ɡeenu mɑrumɔ terɑ bɑ koo burɑ kpɑ bu doke dɔ̃ɔ sɔɔ.

Mɑteu 3:10 ပူးပေါင်းရင်းမြစ်များ

Sɑmuɛli II 23:7

Wi u kĩ u yi bɑbɑ, sisu kɑ yɑɑsɑn burɑ u koo kɑ yi sɔ̃re, kpɑ u yi dɔ̃ɔ mɛni yɑm tem mi sɔɔ.

Womusu 1:3

U sɑ̃ɑ nɡe dɑ̃ɑ te tɑ yɔ̃ dɑɑrɔ. Ten wurusu rɑ n bekusu sɑ̃ɑwɑ sɑɑ kpuro. Tɑ rɑ mɑwɑ ten mɑrubun sɑɑ sɔɔ. Tɔnu wi u sɑ̃ɑ nɡe mɛ, ye u seewɑ u wɔri kpuro, yɑ rɑ koorewɑ.

Womusu 140:10

Be bɑ mɑn kooro buremɔ ɑ de ben torɑnu nu wɔri ben wiru wɔllɔ.

Womusu 92:12

Tɛ̃, nɑ wɑɑmɔ nɛn yibɛrɛbɑ bɑ wɔrukumɔ. Nɑ nɔɔmɔ bɑ kuuki mɔ̀.

Esɑi 27:11

Dɑ̃ɑ yɑ̀ n ɡberɑ bɑ rɑ ye bɔɔriwɑ kpɑ tɔn kurɔbu bu kɑ doo ko. Wee nɛn tɔn be, bɑ ǹ bwisi mɔ. Yen sɔ̃nɑ Yinni Gusunɔ wi u bu tɑkɑ kuɑ u ǹ bu wɔnwɔndu kue, u ǹ mɑɑ bu durom kue.

Esɑi 61:3

Bɑ ɡɔɔ sɔ̃ Siɔnin sɔ̃. Adɑmɑ Gusunɔ u mɑn ɡɔsɑ n kɑ ben nuku sɑnkirɑnu ɡɔsiɑ nuku dobu. Bɑ ǹ mɑɑ torom wisimɔ wirɔ, dɑwɑni burɑ bɑ koo bɔke. Ben wuswɑɑ kun mɑɑ burisinɑmɔ, yɑ ko n sɑ̃ɑwɑ nɡe be bɑ ɡum nubu duroruɡim sɑwɑɡiɑ. Bɑ koo ben yɑ̃ɑ wɔnwɔnduɡinu potɑ bu tɔ̃ɔ bɑkɑ yɑ̃nu sebe. Sɑɑ ye sɔɔrɑ bɑ ko n sɑ̃ɑ nɡe dɑ̃ɑ ni nu Gusunɔn bɛɛrɛ sɔ̃ɔsimɔ, ǹ kun mɛ nɡe ɡbee te tɑ win yiiko sɔ̃ɔsimɔ.

Yeremi 17:8

Yɛ̃ro ko n sɑ̃ɑwɑ nɡe dɑ̃ɑ te tɑ yɔ̃ dɑɑrun ɡoorɔ, tèn ɡbini yi ku rɑ nim bie. Dɑ̃ɑ ten bweseru tɑ ku rɑ n yɑm susuru ɡɑrɑ. Ten wurusu rɑ n bekusu sɑ̃ɑwɑ sɑɑ kpuro. Sɔ̃ɔ sɑ̃rerun sɑɑ yɑ̀ n nɑ, tɑ ku rɑ ɡbere, bɑɑ wɔ̃ɔ ɡe ɡbeburɑ yɔ̃rɑ. Mɛyɑ tɑ ku rɑ mɑɑ mɑrubu yɔ̃re.

Dɑniɛli 4:14

Woodɑ ye, yɑ weewɑ sɑɑ Gusunɔn ɡɔrɑdobɑn min di kpɑ tɔmbu kpuro bu kɑ ɡiɑ mɑ Wɔrukoowɑ u bɑnnu kpuro nɛni. Wi u kĩwɑ u rɑ nu wɛ̃. U rɑ wi bɑ ǹ mɑm ɡɑrisi ɡɑ̃ɑnu wɔlle sue.

Mɑteu 21:19

U dɑ̃ru ɡɑru wɑ swɑɑ bɑɑrɔ te bɑ rɑ soku fiɡie. U tu susi, ɑdɑmɑ wurusu tɔnɑwɑ u wɑ mi. Yerɑ u tu sɔ̃ɔwɑ u nɛɛ, ɑ ǹ mɑɑ wɑ̃ɑ ɑ binu mɑ sere kɑ bɑɑdommɑɔ. Mɑ yɑnde, fiɡie ye, yɑ ɡberɑ.

Mɑteu 7:19

Dɑ̃ru bɑɑtere te tɑ ǹ bii ɡeenu mɑrumɔ bɑ rɑ tu burewɑ bu kɔ̃ dɔ̃ɔ sɔɔ.

Luku 23:31

Domi bɑ̀ n yenin bweseru dɑ̃ɑ bekuru kuɑ, ɑmɔnɑ n ko n sɑ̃ɑ dɑ̃ɑ ɡbeburun mi.

Luku 3:9

Bɑ ɡbɑ̃ɑ sue kɔ bu kɑ dɑ̃nu bɔɔri nin nuurun di. Yen sɔ̃, dɑ̃ru bɑɑtere te tɑ ǹ bii ɡeenu mɑrumɔ, bɑ koo tu burɑwɑ bu dɔ̃ɔ kpɛ̃ɛ.

Yohɑnu 15:2

Nɛn kɑ̃ɑsɑ bɑɑyere ye yɑ ku rɑ binu mɑ, yerɑ u rɑ bure u kɔ̃. Kɑ̃ɑsɑ bɑɑyere ye yɑ rɑ binu mɑ, u rɑ ye sɔmɛwɑ kpɑ yen mɑrum mu kɑ sosi.

Yohɑnu 15:6

Bɑɑwure wi u kun kɑ mɑn mɑninɛ, bɑ koo nùn wunɑwɑ bu kɔ̃ nɡe kɑ̃ɑsi kpɑ u dɛrurɑ. Yen biru bɑ koo kɑ̃ɑsi yi mɛnnɑ bu dɔ̃ɔ doke, kpɑ yi dɔ̃ɔ mwɑ.

Heberu 12:25

Ǹ n mɛn nɑ, i n tii sɛ kpɑ i ku yɛ̃ron nɔɔ yinɑ wi u kɑ bɛɛ ɡɑri mɔ̀. Be bɑ yinɑ bu win ɡɑri swɑɑ dɑki wi u bu kirɔ mɔ̀ hɑnduniɑ sɔɔ, bɑ ǹ sɛɛyɑsiɑbu kisirɑri. Kɑɑ sere ɡere bɛsɛ? Sɑ ǹ kisirɑmɔ sɑ̀ n nùn biru kisi wi u kɑ sun ɡɑri mɔ̀ wɔllun di.

Heberu 6:8

Adɑmɑ mù n sɑ̃ki kɑ ɑwĩi kpiimɔ mu ǹ ɡɑru koorɔ. Ǹ n sosi Gusunɔ u koo mu bɔ̃rusi, ɑmɛn biru kpɑ mu dɔ̃ɔ mwɑɑrɑ.