Mɑteu 27:12 - Bibeli Gusunɔn Gari

¹² Yen biru sɑnɑm mɛ yɑ̃ku kowo tɔnwerobu kɑ ɡuro ɡurobu bɑ nùn mɛm mɑni, u ǹ ɡɛɛ wisɑ.

Mɑteu 27:12 ပူးပေါင်းရင်းမြစ်များ

Esɑi 53:7

Bɑ nùn nɔni sɔ̃ɔwɑ, ɑdɑmɑ u tii kɑwɑ. U ǹ nɔɔ wukie u ɡɑ̃ɑnu ɡere nɡe yɑ̃ɑ kpɛn te bɑ koo sɑkɑ, ǹ kun mɛ, yɑ̃ɑ te tɑ mɑɑri sɛ̃ɛ bɑ ten sɑnsu bɔɔrimɔ.

Mɑteu 26:63

Adɑmɑ Yesu u mɑɑri. Mɑ yɑ̃ku kowo tɔnwero nùn sɔ̃ɔwɑ u nɛɛ, ɑ bɔ̃ruo kɑ Gusunɔ Yinni wɑson yĩsiru, ɑ sun sɔ̃ɔwɔ ǹ n wunɛn nɑ Gusunɔ u ɡɔsɑ, ɑ sɑ̃ɑ win Bii.

Mɑteu 27:13

Yerɑ Pilɑti nùn bikiɑ u nɛɛ, ɑ ǹ mɛm kpuro nɔɔmɔ mɛ bɑ nun mɑnimɔ?

Mɑteu 27:14

Adɑmɑ Yesu kun nùn wisɑ bɑɑ nɔn teeru sere biti bɑkɑ tem yɛ̃ro wi mwɑ.

Luku 23:9

U nùn ɡɑri bikiɑ n kɑ tɛ ɑdɑmɑ Yesu kun nùn ɡɛɛ wisɑ.

Gɔrobun Kookoosu 8:32

Ye wee ye durɔ wi, u ɡɑrimɔ sɑɑ Gusunɔn ɡɑrin di. “Bɑ kɑ nùn dɑ nɡe yɑ̃ɑ te bɑ koo sɑkɑ. Nɡe yɑ̃ɑ buu ɡe ɡɑ mɑɑri sɛ̃ɛ sɑnɑm mɛ bɑ ɡen sɑnsu burɑmɔ, nɡe mɛyɑ u ǹ win nɔɔ bɑɑye.

Piɛɛ I 2:23

Ye bɑ nùn wɔnwɑ u ǹ wɔmburu kɔsie. Ye bɑ nùn nɔni sɔ̃ɔwɑ u ǹ bu bɔ̃rusi, ɑdɑmɑ u tii Gusunɔ wi u rɑ siri dee dee wɛ̃wɑ.