Mɑteu 26:27 - Bibeli Gusunɔn Gari

²⁷ Yen biru u tɑm nɔrɑ suɑ. Ye u Gusunɔ siɑrɑ u kpɑ, u bu wɛ̃ u nɛɛ, i nɔruo bɛɛ kpuro.

Mɑteu 26:27 ပူးပေါင်းရင်းမြစ်များ

Womusu 116:13

Kon tɑm tɑ̃rɑ win wuswɑɑɔ, kpɑ n win yĩsiru soku n kɑ nùn siɑrɑ fɑɑbɑ ye u mɑn kuɑn sɔ̃.

Womu Duro 5:1

nɑ duɑ nɛn dɑ̃ɑ ɡbɑɑru sɔɔ, nɛn sesu, nɛn kurɔ. Nɑ nɛn turɑre ye bɑ mɔ̀ mirun dɑ̃ɑ yorimɔ kɑ kiki si su nuburu do. Nɑ nɛn tim bɑun tim dimɔ. Nɑ nɛn tɑm kɑ nɛn bom nɔrumɔ. i dio, bɛɛ be i kĩɑnɛ. I nɔruo kpɑ i n kĩru bɑrɔ.

Womu Duro 7:9

Nɑ nɛɛ, kon kpɑkpɑ yɔwɑ kpɑ n yen mɑrum nɛnɛ. Wunɛn bwɑ̃su su sɑ̃ɑwɑ nɡe resɛm swɑɑru. Wunɛn wɛ̃siɑru tɑ nuburu do nɡe dɑ̃ɑ mɑrum mɛ bɑ mɔ̀ pɔmu.

Esɑi 25:6

Gusunɔ, wɔllu kɑ tem Yinni u koo bwesenu kpuro tɔ̃ɔ bɑkɑ dim soku, Siɔnin ɡuurɔ. Dĩɑ duronu kɑ yɑɑ ɡumɡiɑ kɑ tɑm ɡemɑ u koo bu wɛ̃.

Esɑi 55:1

Yinni Gusunɔ u nɛɛ, bɛɛ be nim nɔru ɡɑ mɔ̀, i nɑ i nim nɔ. Bɑɑ bɛɛ be i ǹ ɡobi mɔ, i nɑ i mwɑ i di. I nɑ i tɑm kɑ bom mwɑ i nɔ n kun kɑ ɡobi.

Mɑteu 15:36

Mɑ u pɛ̃ɛ nɔɔbɑ yiru ye suɑ kɑ swɛ̃ɛ yi, u Gusunɔ siɑrɑ mɑ u mururɑ u win bwɑ̃ɑbu wɛ̃ bɑ tɔn wɔru ɡe yɑbuɑ.

Mɑteu 26:26

Sɑnɑm mɛ bɑ dimɔ, Yesu pɛ̃ɛ suɑ. Ye u Gusunɔ siɑrɑ u kpɑ u ye mururɑ u win bwɑ̃ɑbu wɛ̃ u nɛɛ, i mɔɔ i di, yeniwɑ nɛn wɑsi.

Mɑteu 26:28

Domi yeniwɑ nɛn yɛm, mɛ̀ sɔɔ Gusunɔ u win nɔɔ mwɛɛru sire, mɛ mu yɑri tɔn dɑbirun sɔ̃ bu kɑ torɑrun suuru wɑ.

Luku 22:20

Ye bɑ dim kpɑ, u mɑɑ nɔrɑ suɑ u bu wɛ̃ u nɛɛ, nɔrɑ yeniwɑ nɔɔ mwɛɛ kpɑɑru te bɑ sire kɑ nɛn yɛm mɛ mu yɑri bɛɛn sɔ̃.]

Korinti I 10:16

Sɑ̀ n bɔnu mɔ nɔri domɑruɡiɑ ye sɔɔ, ye sɑ kɑ Gusunɔ siɑrɑmɔ, sɑ ǹ bɔnu mɔ Kirisin yɛm sɔɔ? Sɑ̀ n pɛ̃ɛ ye yɑbuɑ, sɑ ǹ bɔnu mɔ Kirisin wɑsi sɔɔ?

Korinti I 11:28

Ǹ n mɛn nɑ, bɑɑwure u tii wɛ̃ɛri u sere pɛ̃ɛ ye di u mɑɑ kɑ sere nɔrɑ ye nɔ.