Mɑteu 21:5 - Bibeli Gusunɔn Gari

⁵ “I Yerusɑlɛmuɡibu sɔ̃ɔwɔ i nɛɛ, wee, ben sunɔ sisi ben mi. Wi, tɔn duuduowɑ, u kɛtɛku sɔni, kɛtɛku buu kpɛmbu.”

Mɑteu 21:5 ပူးပေါင်းရင်းမြစ်များ

Torubu 49:10

Bɑndɑ kun doonɔ wunɛn bweserun di. Sinɑ bɔrɑ kun kisirɑmɔ wunɛn nɔmun di, sere Silo ù n tunumɑ, kpɑ bwesenu kpuro nu nùn mɛm nɔɔwɑ.

Sɑmuɛli II 16:2

Mɑ sinɑ boko u Sibɑ bikiɑ u nɛɛ, mbɑ yenibɑ. Mɑ Sibɑ u nùn wisɑ u nɛɛ, yinni, kɛtɛku nini, nu sɑ̃ɑwɑ ni wunɛn yɛnuɡibu bɑ koo sɔni. Pɛ̃ɛ yeni kɑ dɑ̃ɑ bii nini, yɑ sɑ̃ɑwɑ ye wunɛn tɑbu kowobu bɑ koo di. Be bɑ mɑɑ wɑsirɑ ɡbɑburɔ, tɑm mɛniwɑ bɑ koo nɔ, kpɑ bu dɑm wɑ.

Sinɑmbu I 1:33

Mɑ u bu sɔ̃ɔwɑ u nɛɛ, i nɛn bwɑ̃ɑbu suo kpɑ i nɛn bii Sɑlomɔɔ kɛtɛku yɔɔsiɑ i kɑ nùn dɑ bwiɑ ye bɑ mɔ̀ Gihoniɔ.

Sinɑmbu I 10:26

Mɑ Sɑlomɔɔ u tɑbu kɛkɛbɑ kɑsu yi dumi ɡɑwe kɑ mɑɑ mɑɑsɔbu. Tɑbu kɛkɛ yen ɡeerɑ sɑ̃ɑwɑ nɔrɔbu kɑ nɛɛru (1.400). Mɑɑsɔ be, bɑ mɑɑ sɑ̃ɑ nɔrɔbun subɑ wɔkurɑ yiru (12.000). Mɑ u mɑɑsɔ be yi yi wuu mɑrosɔ mi win tɑbu kɛkɛ yi wɑ̃ɑ kɑ sere mɑɑ Yerusɑlɛmuɔ mi win tii u wɑ̃ɑ.

Womusu 9:14

Yinni Gusunɔ, ɑ mɑn durom kuo. A mɛɛrio wɑhɑlɑ ye nɑ mɔ̀ be bɑ mɑn tusɑn sɔ̃. A mɑn wɔro ɡɔɔn nɔmɑn di,

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 40:9

Yerusɑlɛmuɡibu, i yɔɔwo ɡuu te tɑ ɡunun wɔllɔ, i nɔɔɡiru suɑ kɑ dɑm i lɑbɑɑri ɡeɑ kpɑrɑ. I ku bɛrum ko. I Yudɑbɑn wusun tɔmbu sɔ̃ɔwɔ i nɛɛ, Gusunɔ ben Yinni u wee.

Esɑi 62:11

Wee ye nɛ, Yinni Gusunɔ, nɑ hɑnduniɑn tɔmbu kpuro sɔ̃ɔmɔ. Nɑ nɛɛ, i Yerusɑlɛmuɡibu sɔ̃ɔwɔ i nɛɛ, wee, nɛ, ben fɑɑbɑ kowo, nɑ sisi kɑ ben tɔn be bɑ rɑɑ yoru mwɛɛrɑ.

Esekiɛli 34:24

Nɛ Gusunɔ ko nɑ n sɑ̃ɑ nin Yinni. Kpɑ nɛn sɔm kowo Dɑfidi u n sɑ̃ɑ nin kpɑro. Nɛ, Yinni Gusunɔwɑ nɑ yeni ɡeruɑ.

Esekiɛli 37:24

Dɑfidi nɛn sɔm kowon bibun bweseru sɔɔrɑ bɑ koo sunɔ wɑ. Kpɑro turowɑ bɑ ko n mɔ. Bɑ koo nɛn woodɑbɑ mɛm nɔɔwɑ kpɑ bu kɑ ye sɔmburu ko.

Osee 1:7

Adɑmɑ kon Yudɑbɑ wɔnwɔndu kuɑ, kpɑ nɛn tii n bu fɑɑbɑ ko nɛ wi nɑ sɑ̃ɑ Gusunɔ ben Yinni. Adɑmɑ n ǹ mɔ kon kɑ ben yibɛrɛbɑ tɑbu ko. Nɑ ǹ tɛndu dendimɔ ǹ kun mɛ tɑkobi ǹ kun mɛ dumi kɑ yin mɑɑsɔbu.

Misee 5:2

Adɑmɑ ko nɑ n ɡinɑ nɛn tɔn be deriwɑ ben yibɛrɛbɑn nɔmɑ sɔɔ sere kurɔ wì u koo kpɑro wi mɑ, u kɑ mɑ. Be bɑ kpikiru dɑ, bɑ koo ɡɔsirɑmɑ bu Isireli be bɑ tie deemɑ.

Gbɑburu 24:19

Sinɑ boko wi, u win yibɛrɛbɑ tɑɑre. Mɑ u be bɑ rɑɑ tie ɡo u kpeerɑsiɑ mɑm mɑm.

Mɑteu 11:29

I wuro n bɛɛ kpɑrɑ kpɑ i ko nɛn bwɑ̃ɑbu, domi nɛ tɔn duuduo kɑ tii kɑwowɑ, mɛyɑ kon de i n wɑ̃ɑ bɔri yɛndu sɔɔ.

Mɑteu 2:2

mɑ bɑ nɛɛ, mɑnɑ Yuubɑn sunɔ wi bɑ mɑrɑ tɛ̃ u wɑ̃ɑ. Domi sɑ win kperɑ wɑ yɑ kurɑ sɔ̃ɔ yɑri yerɔ, yerɑ sɑ nɑ su nùn sɑ̃.

Mɑteu 2:6

“Wunɛ, Bɛtelehɛmu, Yudeɑn tem sɔɔ, n ǹ mɔ wunɑ ɑ piiburu bo Yudeɑn wuu bɑkɑsu sɔɔ. Domi wunɛn min diyɑ sunɔ u koo yɑri wi u koo nɛn tɔmbu Isirelibɑ kpɑrɑ.”

Mɑteu 21:6

Mɑ bwɑ̃ɑ be, bɑ dɑ bɑ kuɑ ye Yesu u bu sɔ̃ɔwɑ.

Luku 24:27

Mɑ u toruɑ Mɔwisin min di kɑ Gusunɔn sɔmɔbu kpuro, u bu win ɡɑri tubusiɑ yi yi wɑ̃ɑ Gusunɔn ɡɑri kpuro sɔɔ.

Yohɑnu 1:49

Nɑtɑniɛli u nɛɛ, yinni, wunɛ Gusunɔn Biiwɑ! Wunɛ Isirelibɑn sinɑ bokowɑ!

Korinti II 10:1

Nɛ Pɔlu nɛn tiiwɑ nɑ kɑ bɛɛ yɑ̃, nɛ wi bɑ nɛɛ nɑ rɑ tii kɑwe nɑ̀ n wɑ̃ɑ bɛɛn mi, kpɑ nɑ n kɑ bɛɛ wɔruɡɔ ɡɑri mɔ̀ nɑ̀ n kɑ bɛɛ tomɑ. Nɑ bɛɛ kɑnɑmɔ kɑ Kirisin dɑɑ lɑɑkɑri tɛɛruɡiɑ kɑ win tɔn ɡeeru,

Sɔ̃ɔsiru 17:16

Sinɑ boko wi, u ǹ ko u n dumi mɔ dɑbi dɑbiru. U ǹ ko u n dɑ mɑɑ ɡɑbu ɡɔri Eɡibitiɔ bu dumi dweemɑ. Domi Yinni Gusunɔ u bɛɛ sɔ̃ɔwɑ u nɛɛ, u ǹ kĩ i mɑɑ wurɑ mi.

Kpɑrobu 12:14

Bibu weeruwɑ u mɑrɑ. Mɑ win debuminu sɑ̃ɑ tɛnɑ. Win bii be, kɑ win debumii ni, ben bɑɑwure u win kɛtɛku mɔwɑ. Abudoni u Isirelibɑ kpɑrɑwɑ wɔ̃ɔ nɔɔbɑ itɑ.

Kpɑrobu 5:10

Bɛɛ sinɑmbu, bɛɛ be i kɛtɛku kpikinu sɔni, i ɡɑri yi kpɑro. Bɛɛ ɡobiɡibu, bɛɛ be i sɔ̃ beku burɑnu wɔllɔ, i yi ɡeruo. Bɛɛ mɑɑ bwɛ̃ɛbwɛ̃ɛbu, bɛɛ be i kɑ nɑɑsu sĩimɔ, i yi wonwɔ.