Mɑteu 20:30 - Bibeli Gusunɔn Gari

³⁰ Wɔ̃kobu yiru ɡɑbɑ sɔ̃ swɑɑ bɑɑrɔ bɑ nuɑ mɑ Yesu sɑrɔ. Yerɑ bɑ nɔɔɡiru suɑ bɑ nɛɛ, Yinni, Dɑfidin sikɑdobu, ɑ bɛsɛn wɔnwɔndu wɑɑwo.

Mɑteu 20:30 ပူးပေါင်းရင်းမြစ်များ

Womusu 146:8

U rɑ wɔ̃kobu nɔni wukie. U rɑ be bɑ tɑɑre seeye. U rɑ ɡemɡibu kɑ̃.

Esɑi 29:18

Sɑɑ ye sɔɔ, sosobu bɑ koo tire ten ɡɑri nɔ. Wɔ̃kobu bɑ koo yɑm wɑ, kpɑ bu yɑri yɑm wɔ̃kurun di.

Esɑi 42:16

Kon wɔ̃kobu sĩisiɑ swɑɑ ye bɑ ǹ yɛ̃ sɔɔ, kpɑ n de yɑm wɔ̃kuru tu ɡɔsiɑ yɑm bururɑm ben wuswɑɑɔ. Kon de swɛɛ yi yi ǹ dɑɑ nɔɔ nɛ yi nɔɔ nɛrɑ yi ko mɑrɑ mɑrɑ. Nɑ ǹ kon ko nɑ kun yenibɑ kpuro kue.

Esɑi 42:18

Yinni Gusunɔ u nɛɛ, bɛɛ Isirelibɑ, bɛɛ be i sɑ̃ɑ nɡe sosobu, i swɑɑ dɑkio. Bɛɛ be i sɑ̃ɑ nɡe wɔ̃kobu, i de i yɑm mɛɛri kpɑ i wɑ.

Esɑi 59:10

Sɑ sĩimɔ sɑ bɑ̃ɑrimɔ nɡe wɔ̃ko wi u ɡɑnɑ bɑbi. Mɑ sɑ sokikirɑmɔ sɔ̃ɔ sɔɔ nɡe wi u wɑ̃ɑ yɑm wɔ̃kuru sɔɔ. Bɑɑ mɛ sɑ bwɑ̃ɑ do, bɛsɛ kɑ ɡonu sɑ kuɑ tiɑ.

Mɑteu 13:4

Nɡe mɛ u yɛ̃kɑmɔ sukum wɔri swɑɑ bɑɑrɔ, mɑ ɡunɔsu nɑ su di.

Mɑteu 15:22

Kurɔ Kɑnɑniɡii ɡoo wi u wɑ̃ɑ berɑ mi, u nɑ win mi, mɑ u nɔɔɡiru suɑ u nɛɛ, Yinni, Dɑfidin sikɑdobu, ɑ nɛn wɔnwɔndu wɑɑwo. Nɛn bii tɔn kurɔ u wɛrɛkunu mɔ nu nùn nɔni sɔ̃ɔwɑ too.

Mɑteu 20:31

Tɔn wɔru ɡunɑ ye, yɑ bu wɔkisimɔ bu mɑrio. Kɑ mɛ, bɑ ɡbɑ̃rɑmɔ too too, bɑ mɔ̀, Yinni, Dɑfidin sikɑdobu, ɑ bɛsɛn wɔnwɔndu wɑɑwo.

Mɑteu 21:14

Yerɑ wɔ̃kobu kɑ yɛmɔbɑ nɑ win mi sɑ̃ɑ yeru mi mɑ u bu bɛkiɑ.

Mɑteu 21:9

Tɔn be bɑ nùn ɡbiiye kɑ be bɑ nùn swĩi biruɔ, bɑ ɡbɑ̃rɑmɔ bɑ mɔ̀, su Dɑfidin sikɑdobu wɔlle suɑ. U sɑ̃ɑwɑ domɑruɡii. U sisi kɑ Yinnin yĩsiru! Su Wɔrukoo wɔlle suɑ.

Mɑteu 22:42

U nɛɛ, ɑmɔnɑ i tɑmɑɑ wi Gusunɔ u ɡɔsɑ u sɑ̃ɑ. Weren bweserun diyɑ u yɑri. Bɑ nùn wisɑ bɑ nɛɛ, Dɑfidin bweserun diyɑ.

Mɑɑku 10:46

Yerɑ bɑ Yeriko duɑ. Sɑnɑm mɛ Yesu u yɑriɔ kɑ win bwɑ̃ɑbu kɑ tɔn wɔru ɡunɑ sɑnnu, bɑrɑ kowo wɔ̃ko ɡoo wi bɑ rɑ soku Bɑɑtimɛ, Timɛn bii, u sɔ̃ swɑɑ bɑɑrɔ.

Luku 4:18

“Yinni Gusunɔn Hunde kɑ mɑn wɑ̃ɑ. U mɑn ɡɔsɑ n kɑ dɑm sɑriruɡibu Lɑbɑɑri ɡeɑ nɔɔsiɑ. U mɑn ɡɔrimɑ n kɑ yobu sɔ̃ mɑ bɑ koo yɑkiɑrɑ, n kɑ wɔ̃kobu sɔ̃ mɑ bɑ koo yɑm wɑ, n kɑ mɑɑ tɑkɑsiɡibu yɔ̃su bu doonɑ,

Luku 7:21

Sɑɑ ye sɔɔ, u tɔn dɑbirun bɑrɑnu kɑ ben ɑlebu bɛkiɑ, mɑ u ben wɛrɛkunu ɡirɑ, u mɑɑ wɔ̃ko dɑbinu yɑm wɑɑsiɑ.

Gɔrobun Kookoosu 2:30

Adɑmɑ yèn sɔ̃ u sɑ̃ɑ Gusunɔn sɔmɔ mɑ u yɛ̃ mɑ Gusunɔ u nùn nɔɔ mwɛɛru kuɑ kɑ bɔ̃ri u nɛɛ, u koo rɑ win sikɑdobu ɡɑɡu, Kirisi, sinɑsiɑ win sinɑ kitɑrɔ,