Mɑteu 19:10 - Bibeli Gusunɔn Gari

¹⁰ Win bwɑ̃ɑbɑ nùn sɔ̃ɔwɑ bɑ nɛɛ, ǹ n mɛn nɑ n sɑ̃ɑ durɔ kɑ win kurɔn suunu sɔɔ, n burɑm bo bu ku suɑnɑ.

Mɑteu 19:10 ပူးပေါင်းရင်းမြစ်များ

Torubu 2:18

Kɑ temɑ Yinni Gusunɔ u ɡbeeku yɛɛ kpuro kuɑ kɑ ɡunɔsu kpuro, mɑ u kɑ ye kpuro nɑ tɔnu win mi, u kɑ wɑ mɛ u koo ye yĩsiru kɛ̃. Mɑ tɔnu wi, u yɑɑ sɑbenu kpuro kɑ ɡunɔsu kɑ ɡbeeku yɛɛ kpuro yĩsɑ kɑ̃. Yĩsi te tɔnu wi, u mɑɑ yɑɑ bɑɑyere kɑ̃ teyɑ bɑ kɑ ye sokumɔ. Adɑmɑ ye kpuro sɔɔ, sɑri ye yɑ kɑ nùn weenɛ ye yɑ koo nùn somi. Yen sɔ̃nɑ Yinni Gusunɔ u nɛɛ, n ǹ wɑ̃ tɔnu u n wɑ̃ɑ wi turo. Kon nùn ɡoo kuɑ u n sɑ̃ɑ nɡe wi, wi u koo nùn somi.

Mɔnnu 18:22

Wi u kurɔ wɑ u ɡɑ̃ɑ ɡeenu wɑwɑ. Gusunɔn duromɑ.

Mɔnnu 21:19

N burɑm bo ɑ n wɑ̃ɑ wunɛ turo dii piibu sɔɔ, ye kɑɑ n kɑ wɑ̃ɑ dii bɑkɑru sɔɔ kɑ kurɔ sɑnnɔsuɡii.

Mɔnnu 21:9

N burɑm bo ɑ n wɑ̃ɑ wunɛ turo dii piibu sɔɔ, ye kɑɑ n kɑ wɑ̃ɑ dii bɑkɑru sɔɔ kɑ kurɔ wi u sɑnnɔsu kĩ.

Mɑteu 19:11

Yesu u nɛɛ, tɔmbu kpuro bɑ ǹ kpɛ̃ bu ɡɑri yi suɑ mɑ n kun mɔ be Gusunɔ u yen dɑm wɛ̃.

Mɑteu 19:9

Nɑ bɛɛ sɔ̃ɔmɔ, wi u win kurɔ yinɑ mɑ n kun mɔ sɑkɑrɑrun sɔ̃, mɑ u kurɔ kpɑo suɑ, u sɑkɑrɑru kuɑwɑ.

Korinti I 7:8

Adɑmɑ nɑ tɑntɑnɔbu kɑ ɡɔminibu sɔ̃ɔmɔ n ko n wɛ̃rɑ bɑ̀ n wɑ̃ɑ nɡe mɛ nɑ kɑ wɑ̃ɑ.

Timɔte I 4:3

Tɔn ben bweserɑ bɑ ɡerumɔ mɑ n ǹ wɑ̃ tɔmbu bu suɑnɑ, yen biru n ǹ mɑɑ weenɛ bu dĩɑnu kpuro di. Adɑmɑ Gusunɔ u ye kpuro tɑkɑ kuɑwɑ nɑɑnɛ dokeobu be bɑ ɡem ɡiɑ bu kɑ di kɑ siɑrɑbu sɑnnu.