Mɑteu 15:14 - Bibeli Gusunɔn Gari

¹⁴ I bu derio. Swɑɑ ɡbio wɔ̃kobɑ. Wɔ̃ko ù n mɑɑ win wɔ̃kosi swɑɑ ɡbiiye be yiru kpurowɑ bɑ koo tokoro wɔri.

Mɑteu 15:14 ပူးပေါင်းရင်းမြစ်များ

Esɑi 31:3

Eɡibitiɡibu bɑ ǹ sɑ̃ɑ Gusunɔ, bɑ sɑ̃ɑwɑ tɔmbu. Mɛyɑ mɑɑ ben dumi yi ǹ dɑm tukum ɡɑm mɔ, yi sɑ̃ɑwɑ yɛɛ diri. Yinni Gusunɔ ù n win dɑm sɔ̃ɔsimɑ, be bɑ somiru kɑsu kɑ be bɑ bu somiru wee, bɑ koo sokurɑ bu wɔruku, kpɑ be kpuro bu mɛnnɑ bu ɡbi.

Esɑi 42:19

Wɑrɑ u sɑ̃ɑ wɔ̃ko nɡe nɛn sɔm kowo. Wɑrɑ u sɑ̃ɑ soso mɑ n kun mɔ nɛn sɔmɔ wi nɑ ɡɔrɑ. Wɑrɑ u sɑ̃ɑ wɔ̃ko nɡe nɛn bɔrɔ. Wɑrɑ u sɑ̃ɑ wɔ̃ko nɡe nɛn sɔm kowo.

Esɑi 56:10

Domi be bɑ sɑ̃ɑ Isirelibɑn kɔ̃sobu, bɑ sɑ̃ɑwɑ wɔ̃kobu, bɑ ǹ bwisi mɔ. Be kpuro bɑ sɑ̃ɑwɑ nɡe bɔ̃ɔ ni nu kun kpɛ̃ nu wori. Bɑ rɑ kɑ̃wɑ bɑ n kpĩ bɑ n do kpɑ bɑ n dosimɔ.

Esɑi 9:16

Yen sɔ̃nɑ Yinni Gusunɔ u ǹ nuku dobu mɔ, ben ɑluwɑɑsibɑn sɔ̃. U ǹ mɑɑ ben ɡobekubɑ kɑ ɡɔminibu wɔnwɔndu kuɑmmɛ. Domi be kpuro bɑ sɑ̃ɑwɑ nuku kɔ̃suruɡibu. Bɑ ǹ Gusunɔn bɛɛrɛ yɛ̃. Sekuru sɑri ɡɑriyɑ yi rɑ yɑri sɑɑ ben nɔsun di. Yen sɔ̃, Yinni Gusunɔn mɔru kun suremɔ. U koo bu nɔmu dokewɑ u sɛɛyɑsiɑ.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Yeremi 6:15

N weenɛwɑ sekuru tɑ n bu mɔ̀, kɔ̃sɑ ye bɑ mɔ̀n sɔ̃, ɑdɑmɑ bɑ ǹ sekuru mɔ. Bɑ ǹ mɑm wure mɑ bɑ tore. Yen sɔ̃nɑ bɑ koo wɔrumɑ bu ɡbi. Bɑ koo fukurɑ bu wɔruku dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni kpuro ɡeruɑ.

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Osee 4:17

Isirelibɑ bɑ bũnu sɑ̃ɑmɔ. A bu derio mi.

Mɑlɑsi 2:8

Adɑmɑ bɛɛ yɑ̃ku kowobu Lefibɑ i swɑɑ ye deri. Mɑ bɛɛn sɔ̃ɔsirɑ derɑ tɔn dɑbinu kɔ̃ɔrɑ. I ǹ ɑrukɑwɑni ye yibie ye nɑ kɑ bɛɛ bɔkuɑ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Luku 6:39

U mɑɑ bu mɔndu ɡɑru kuɑ u nɛɛ, wɔ̃ko u koo kpĩ u wɔ̃kosi swɑɑ ɡbiiyɑ? Be yiru sɑnnu bɑ ǹ koo wɔru wɔri?

Yohɑnu 9:39

Yesu u nɛɛ, siribun sɔ̃nɑ nɑ nɑ hɑnduniɑɔ, be bɑ kun yɑm wɑɑmɔ kpɑ bu kɑ yɑm wɑ, be bɑ mɑɑ yɑm wɑɑmɔ bu kɑ ko wɔ̃kobu.

Timɔte I 6:5

Tɔn ben wirɑ sĩirɑ bɑ ǹ mɑɑ ɡem yɛ̃ mɑ bɑ sikirinɑmɔ nɔru sɑri. Bɑ tɑmɑɑ mɑ Gusunɔn sɑ̃ɑru tɑ koo bu ko ɑrumɑniɡibu.

Piɛɛ II 2:1

Adɑmɑ sɔmɔ weesuɡibɑ rɑɑ wɑ̃ɑ tɔn ben suunu sɔɔ. Mɛyɑ mɑɑ keu koosio weesuɡibɑ koo kurɑmɑ bɛɛn suunu sɔɔ. Bɑ koo kɑ sɔ̃ɔsi weesuɡinu nɑ kɑ bwisi, ni nu rɑ tɔmbu kɑm koosie kpɑ bu Yinni wi u bu yɑkiɑ yinɑ. Nɡe mɛyɑ bɑ koo tii kɑm kobu sure suɑru sɔɔ.

Piɛɛ II 2:17

Tɔn be, bɑ sɑ̃ɑwɑ bwii nim sɑribɑ kɑ bukɔ ɡe woo ɡɑ bɔrikiɑmɔ. Gusunɔ u bu yɑm wɔ̃kuru yiiye tɑ kpɑ̃.

Kɑ̃siru 19:20

Bɑ ɡbeeku yɑɑ ye mwɑ kɑ sɔmɔ weesuɡii wi sɑnnu, wi u rɑɑ sɔm mɑɑmɑɑkiɡinu kuɑ ɡbeeku yɑɑ yen nɔni biru. Win sɔm mɑɑmɑɑkiɡinun sɔ̃nɑ u bu nɔni wɔ̃kuɑ be bɑ rɑɑ ɡbeeku yɑɑ yen yĩreru mɔ, mɑ bɑ yen weenɑsiɑ sɑ̃wɑ. Bɑ ɡbeeku yɑɑ ye kɑ sɔmɔ weesuɡii wi kpɛ̃ɛ wɑsi wɑsiru dɔ̃ɔ bweru sɔɔ, wi u mwɑɑrɑmɔ kɑ sɔ̃ɔ bisu.

Kɑ̃siru 22:15

Adɑmɑ kom kɔ̃sum kowobɑ kun duɔ wuu ɡe sɔɔ, kɑ dobo dobo kowobu kɑ sɑkɑrɑ kowobu kɑ tɔn ɡowobu kɑ bũu sɑ̃ɔbu kɑ bɑɑwure wi u weesu kĩ u mɔ̀.