Mɑteu 12:25 - Bibeli Gusunɔn Gari

²⁵ Nɡe mɛ Yesu ben bwisikunu yɛ̃, u bu sɔ̃ɔwɑ u nɛɛ, bɑndu bɑɑtere tèn tɔmbu bɑ tɑbu mɔ̀ ben tii tiinɛ sɔɔ tɑ koo ko bɑnsu. Mɛyɑ mɑɑ wuu bɑɑɡere ǹ kun mɛ yɛnu bɑɑɡere ɡèn tɔmbu bɑ tɑbu mɔ̀ ben tii tiinɛ sɔɔ ɡɑ ǹ koo tɛ.

Mɑteu 12:25 ပူးပေါင်းရင်းမြစ်များ

Sinɑmbu I 16:21

Sɑɑ ye sɔɔrɑ Isirelibɑ bɑ bɔnu kuɑ wuunu yiru. Wuu teeru tɑ kɑ Tibini Ginɑtin bii yɔ̃rɑ, mɑ tɑ nùn kuɑ sunɔ. Teerɑ mɑɑ kɑ Omiri yɔ̃rɑ.

Womusu 139:2

A nɛn sindu kɑ nɛn seebu yɛ̃. A nɛn bwisikunu tubɑ sɑrun di.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Amɔsu 4:13

Domi nɛnɑ nɑ ɡuunu mɔmɑ, mɑ nɑ woo tɑkɑ kuɑ. Nɑ rɑ nɛn bwisikunu tɔnu ɡiɑsie. Nɑ rɑ mɑɑ yɑm bururɑm ɡɔsie yɑm wɔ̃kuru, kpɑ nɑ n sĩimɔ ɡuunu wɔllɔ. Nɛn yĩsirɑ Gusunɔ wɔllu kɑ tem Yinni.

Mɑteu 9:4

Yesu u yɛ̃ ye bɑ bwisikumɔ mɑ u nɛɛ, mbɑn sɔ̃nɑ i kɔ̃sɑ bwisikumɔ bɛɛn ɡɔ̃ruɔ.

Mɑɑku 2:8

Mii mii Yesu u ɡiɑ ye bɑ bwisikumɔ. Mɑ u bu bikiɑ u nɛɛ, mbɑn sɔ̃nɑ i ɡɑri yinin bweseru bwisikumɔ bɛɛn ɡɔ̃ruɔ.

Yohɑnu 21:17

Yesu kpɑm wure u nùn bikiɑ nɔn itɑse, Simɔɔ, Yohɑnun bii, ɑ mɑn kĩ? Mɑ Piɛɛn nukurɑ sɑnkirɑ yèn sɔ̃ u nùn bikiɑ nɔn itɑse u nùn kĩ. Mɑ u nùn sɔ̃ɔwɑ u nɛɛ, Yinni, ɑ bɑɑyere yɛ̃, ɑ yɛ̃ kɑm kɑm mɑ nɑ nun kĩ. Mɑ Yesu u nùn sɔ̃ɔwɑ u nɛɛ, ɑ nɛn yɑ̃ɑnu nɔɔrio.

Korinti I 2:11

Nɡe wɑrɑ u tɔnun bwisikunu yɛ̃ mɑ n kun mɔ win tiin hunde ye yɑ wɑ̃ɑ wi sɔɔ. Nɡe mɛyɑ mɑɑ ɡoo kun Gusunɔn bwisikunu yɛ̃ mɑ n kun mɔ win Hunde.

Gɑlɑti 5:15

Adɑmɑ ì n sɑnkinɑmɔ nɡe ɡbeeku yɛɛ, i mɛɛrɑ koonɑmɔ, i n yɛ̃ mɑ i ko kɑm koosiɑnɑ.

Heberu 4:13

Gɑ̃ɑnu sɑri ni nu Gusunɔ berue win tɑkɑ koorɑ sɔɔ. Kpuro yɑ wukiɑrewɑ yɑ yii win wuswɑɑɔ. Wiyɑ bɛsɛ kpuro sɑ ko mɑɑ bɛsɛn wɑ̃ɑru tusiɑ.

Kɑ̃siru 16:19

Wuu bɔkɔ ɡe, ɡɑ kurɑnɑ wɑsi itɑ, mɑ tɔn tukobun wusu su wɔrukɑ. Gusunɔ u Bɑbiloni, wuu bɔkɔ ɡe yɑɑyɑ mɑ u ɡu win mɔru bɑkɑn nɔrɑn tɑm wɛ̃ ɡu nɔ.

Kɑ̃siru 2:23

Yen biru kon win bibu ɡo. Sɑɑ yerɑ Yesun yiɡbɛnu kpuro nu koo ɡiɑ mɑ nɛnɑ nɑ tɔmbun bwisikunu kɑ ben ɡɔ̃rusu yɛ̃. Kon ben bɑɑwure kɔsie nɡe mɛ win kookoosu nɛ.