Mɑteu 10:36 - Bibeli Gusunɔn Gari

³⁶ Tɔnun yɛnuɡibu beyɑ bɑ ko n sɑ̃ɑ win yibɛrɛbɑ.

Mɑteu 10:36 ပူးပေါင်းရင်းမြစ်များ

Torubu 3:15

Nɑ kon mɑɑ yibɛrɛ tɛɛru doke wunɛ kɑ kurɔ win bɑɑ sɔɔ, kɑ mɑɑ wunɛn bweseru kɑ win bweserun bɑɑ sɔɔ. Win bweserun ɡoo u koo nun wiru kɔrɑ, kɑɑ mɑɑ win nɑɑ tokuru mɛɛrɑ ko.

Sɑmuɛli II 16:11

Mɑ u Abisɑi kɑ win bwɑ̃ɑbu kpuro sɔ̃ɔwɑ u nɛɛ, wee, nɛn tiin bii wi nɑ mɑrɑ, u kĩ u mɑn ɡo. Kɑɑ sere ɡere Bɛnyɑmɛɛ wini? Ǹ n mɛn nɑ, i de u mɑn wɔmɛ, Yinni Gusunɔ ù n nùn sɔ̃ɔwɑ mɛ.

Womusu 41:9

Domi bɑ mɔ̀, wɑhɑlɑ ye, yɑ mɑn nɛni ɡem kɑ tiɑ. Nɛ wee nɑ kpĩ, n ǹ koorɔ n mɑɑ se.

Womusu 55:13

Ǹ n yibɛrɛn nɑ u nɑ u mɑn wɔnwɑ, nɑ ǹ ɡɑm ɡerumɔ. Goo ù n mɑn tusɑ, kon kuke win sɔ̃.

Esɑi 19:2

U koo de bu tɑbu ko ben tii tiinɛ. Mɔɔ kɑ wɔnɔ bɑ koo tɑbu wɔrinɑ. Bɔrɔ kɑ bɔrɔ bɑ koo tɑbu wɔrinɑ. Wusu su koo tɑbu wɔrinɑ. Sinɑmbu bɑ koo tɑbu wɔrinɑ.

Yeremi 12:6

Domi wunɛn mɛro bisibu kɑ wunɛn yɛnuɡibu bɑ nun nɑɑnɛ sɑrirun kom kuɑmmɛ. Wee bɑ nun nɔɔɡiru suemɔ biruɔ. A ku bu nɑɑnɛ ko, bɑɑ bɑ̀ n nun ɡɑri dori sɔ̃ɔmɔ.

Yeremi 20:10

Nɑ nɔɔmɔ tɔn dɑbinu nu mɑn kɔ̃sɑ bwisikusimɔ. Bɑ mɔ̀, nɑndɑbu wɑ̃ɑ bɑɑmɑ. Su kɑ win ɡɑri dɑ wiruɡibun mi. Be bɑ rɑɑ kɑ mɑn nɔɔ tiɑ sɑ̃ɑ bɑ mɛɛrimɔ nɑ̀ n kon sokurɑ. Bɑ mɔ̀, sɔrɔkudo kon de bu mɑn sɑmbɑ ko. Kpɑ bu wɑ bu mɑn mwɑ bu mɔru kɔsie.

Misee 7:6

Domi bii u rɑ win tundo wɔmɛ, kpɑ bii wɔndiɑ u win mɛro seesi, kpɑ biɡii kurɔ u win dwɑɑ mɛro seesi. Bɑɑwure u rɑ n win yibɛrɛ mɔwɑ win tiin yɛnu sɔɔ.

Mɑteu 10:21

Gɑbɑ koo ben wɔnɔbu ǹ kun mɛ ben mɑɑbu sɔ̃ɔsi bu kɑ bu ɡo. Bɑɑbɑbɑ bɑ ko mɑɑ ko mɛ ben bibu sɔɔ, mɑ bibu bɑ koo ben mɔwɔbu kɔrumɔtɔnu kuɑ bu kɑ bu ɡo.

Yohɑnu 13:8

Piɛɛ u nɛɛ, nɛ nɑ kun wurɑmɔ ɑ nɛn nɑɑsu teɑ fɑ! Yesu u nùn sɔ̃ɔwɑ u nɛɛ, nɑ̀ kun wunɛn nɑɑsu tee, ɑ ǹ mɑɑ bɔnu ɡɑɑ wɑsi nɛn mi.

Sɑmuɛli I 17:28

Ye Eliɑbu Dɑfidin mɔɔ tɔnwero u nuɑ Dɑfidi u ɡɑri mɔ̀ kɑ tɔn be, u kɑ nùn mɔru kuɑ u nùn bikiɑ u nɛɛ, wɑrɑ ɑ sere yɑ̃ɑ ɡɔ̃ɔ piibu ɡe deriɑ ɡbɑburɔ. Nɑ wunɛn ɑnɑyisiru yɛ̃ kɑ wunɛn woo bɔbunu. Nɑ yɛ̃ mɑ ɑ nɑ ɑ kɑ tɑbu mɛɛriwɑ.