Mɑlɑsi 3:6 - Bibeli Gusunɔn Gari

⁶ Nɛnɑ nɑ Yinni Gusunɔ wi u rɑ n wɑ̃ɑ. Nɑ ku rɑ kɔsi. Yen sɔ̃nɑ bɛɛ, Yɑkɔbun bweseru, bɑ ǹ bɛɛ kpeerɑsie.

Mɑlɑsi 3:6 ပူးပေါင်းရင်းမြစ်များ

Torubu 15:18

Nɡe mɛyɑ u kɑ Aburɑmu ɑrukɑwɑni bɔkuɑ tɔ̃ɔ te sɔɔ u nɛɛ, wunɛn bweserɑ kon tem mɛni wɛ̃ sɑɑ dɑɑ piibu ɡe ɡɑ wɑ̃ɑ Eɡibitin tem nɔɔ burɑ yerun di sere dɑɑ bɑkɑ ten mi, te bɑ mɔ̀ Efɑrɑti.

Torubu 15:7

Mɑ u kpɑm nùn sɔ̃ɔwɑ u nɛɛ, nɛnɑ nɑ Yinni Gusunɔ, nɛ wi nɑ nun yɑrɑmɑ sɑɑ Urun di Kɑlɑden temɔ kpɑ n kɑ nun tem mɛni wɛ̃.

Torubu 22:16

yèn sɔ̃ ɑ kuɑ mɛ, mɑ ɑ ǹ kɑ mɑn wunɛn bii teere te yinɑri, nɛ, Yinni Gusunɔ nɑ bɔ̃rumɔ kɑ nɛn tiin yĩsiru

Womusu 102:26

Toren di ɑ tem tɑkɑ kuɑ. Wunɛn nɔmɑ ɑ mɑɑ kɑ wɔllu kuɑ.

Womusu 102:27

Ye kpuro yɑ koo doonɑ, ɑdɑmɑ wunɛ, kɑɑ n wɑ̃ɑwɑ. Yɑ koo tɔkɔru ko nɡe yɑ̃nu. Kɑɑ ye kɔsi nɡe yɑberu. Mɛyɑ yɑ koo mɑɑ sɑɑrɑ.

Womusu 102:28

Adɑmɑ wunɛ, wunɑ mi. A ǹ tɔkɔru mɔ̀.

Womusu 103:17

Adɑmɑ Yinni Gusunɔn durom mu rɑ n wɑ̃ɑwɑ sere kɑ bɑɑdommɑɔ be bɑ nùn nɑsien mi, mɑ bɑ win ɑrukɑwɑni nɛni, mɑ bɑ win woodɑbɑ mɛm nɔɔwɑmmɛ. Mɛyɑ mɑɑ win ɡem mu rɑ n kɑ bu wɑ̃ɑ sere kɑ ben bibun bibɔ.

Womusu 78:38

Adɑmɑ kɑ mɛ, Yinni Gusunɔ u rɑ tii nɛnɛ u kun win mɔru kpuro yɔ̃su. U rɑ bu wɔnwɔndu kue, kpɑ u bu ben durum wɔkɑ u kun bu ɡo.

Womusu 78:57

Bɑ Gusunɔ dɛsirɑri, mɑ bɑ kuɑ nɑɑnɛ sɑribɑ nɡe mɛ ben bɑɑbɑbɑ bɑ rɑɑ kuɑ. Bɑ wururɑ nɡe tɛn tèn kirikɑ yɑ kusirɑ.

Esɑi 41:13

Domi nɛnɑ nɑ Gusunɔ bɛɛn Yinni wi u bɛɛ dɑm wɛ̃ɛmɔ. I ku bɛrum ko, nɑ bɛɛ somiru wee.

Esɑi 44:6

Nɛ, Yinni Gusunɔ Dɑm kpuroɡii, nɛ wi nɑ Isirelibɑ yɑkiɑ nɑ sɑ̃ɑ ben sinɑ boko nɑ nɛɛ, nɛnɑ nɑ sɑ̃ɑ ɡbiikoo kɑ dɑ̃ɑko. Goo mɑɑ sɑri wi u sɑ̃ɑ Gusunɔ nɛ bɑɑsi.

Esɑi 46:4

Nɑ ǹ kɔsimɔ sere kɑ bɛɛn tɔkɔrɔ. Ko nɑ n bɛɛ nɔɔrimɔwɑ bɑɑ ì n seri bururɑ. Ko nɑ n bɛɛ kɔ̃suwɑ. Nɑ rɑɑ bɛɛ nɔɔri, kon mɑɑ wure n ye ko. Kpɑ n bɛɛ kɔ̃su n bɛɛ fɑɑbɑ ko.

Yeremi 32:27

wee, nɛ Gusunɔ, nɑ sɑ̃ɑwɑ hɑnduniɑɡibu kpuron Yinni. Gɑ̃ɑnu sɑri ni nɑ kpɑnɛ.

Dɑniɛli 6:26

Yen biru, sinɑ boko u bwesenu kpuro tirenu yoruɑ u nɛɛ, ɑlɑfiɑ yɑ n sosimɔ bɛɛ sɔɔ yɑ n dɔɔ.

Osee 11:9

Nɑ ǹ mɑɑ bɛɛ kpeerɑsiɑmɔ kɑ nɛn mɔru bɑkɑ ye. Nɑ ǹ mɑɑ wee n bɛɛ kɑm koosiɑ. Domi nɑ sɑ̃ɑwɑ Gusunɔ n ǹ mɔ tɔnu. Nɑ sɑ̃ɑwɑ Dɛɛro bɛɛn suunu sɔɔ. Nɑ ǹ bɛɛ wɔrim wee kɑ mɔru.

Hɑbɑkuku 1:12

Sɑɑ yellun di, wunɑ ɑ sɑ̃ɑ Gusunɔ. Wunɑ ɑ sɑ̃ɑ nɛn Yinni. A dɛɛre. Yen sɔ̃, sɑ ǹ ɡbimɔ. Yinni, wunɑ ɑ sɑ̃ɑ nɛn kpee bɑɑ mi nɑ rɑ kuke. Wunɑ ɑ Bɑbiloniɡibu ɡɔsɑ, mɑ ɑ bu dɑm kɑ̃ kpɑ bu kɑ sun sɛɛyɑsiɑ.

Gbɑburu 23:19

Gusunɔ kun sɑ̃ɑ nɡe tɔnu u sere weesu ko. Uǹ sɑ̃ɑ nɡe tɔnu u sere kɔbiɑ ye u rɑɑ ɡeruɑ. Ye u ɡeruɑ, yerɑ u rɑ ko. Yèn himbɑ u mɑɑ yi, yɑ rɑ koorewɑ.

Romu 5:10

Sɑnɑm mɛ sɑ sɑ̃ɑ Gusunɔn yibɛrɛbɑ, u kɑ sun dorɑ win Biin ɡɔɔn sɔ̃. Ǹ n mɛn nɑ tɛ̃, ye u kɑ sun dorɑ u kpɑ, sikɑ sɑri u koo mɑɑ sun fɑɑbɑ ko kɑ Bii win wɑ̃ɑru.

Filipi 1:6

Nɑ yeni yɛ̃ kɑm kɑm, Gusunɔ wi u sɔm ɡee te toruɑ bɛɛ sɔɔ u ko n tu mɔ̀ sere u kɑ tu dɑkurɑ Yesu Kirisin tɔ̃ru sɔɔ.

Heberu 13:8

Yesu Kirisi turo wiyɑ mi, ɡĩɑ kɑ ɡisɔ kɑ bɑɑdommɑɔ.

Heberu 6:18

Ǹ n mɛn nɑ, ɡɑri yiru wɑ̃ɑ yi yi ǹ kɔsirɔ, yì sɔɔ Gusunɔ kun kpɛ̃ u weesu ko. Yiyɑ yi sun dɑm kɑ̃ɑ ɡem ɡem bɛsɛ be sɑ kuku yeru kɑsu, kpɑ su kɑ wɑ su mwɑ ye sɑ yĩiyɔ bɑ sun yiiye.

Yɑkɔbu 1:17

Kɛ̃ɛ ɡeeru bɑɑtere kɑ kɛ̃ɛ burɑnu kpuro sɑɑ wɔllun diyɑ nu rɑ nɛ. Nu mɑɑ weewɑ Gusunɔn min di wi u sɔ̃ɔ kɑ suru tɑkɑ kuɑ. Wiyɑ wi u ku rɑ kɔsi, u ǹ mɑɑ tiro mɔ.

Kɑ̃siru 1:8

Gusunɔ Yinni Dɑm kpuroɡii, wi u wɑ̃ɑ, wi u rɑɑ wɑ̃ɑ, wi u mɑɑ sisi, u nɛɛ, wiyɑ ɡɑ̃ɑnu kpuro toruɑ, u koo mɑɑ ni wiru ɡo.

Kɑ̃siru 22:13

Wiyɑ u sɑ̃ɑ ɡbiikoo kɑ biruko, wiyɑ ɡɑ̃ɑnu kpuron tore kɑ nin wii ɡowo.

Sɑmuɛli I 15:29

Gusunɔ, Isirelibɑn Yinni yiikoɡii u ku rɑ weesu ko, u ku rɑ mɑɑ win himbɑ ɡɔsie, domi u ǹ sɑ̃ɑ nɡe tɔnu.