Mɑlɑsi 3:14 - Bibeli Gusunɔn Gari

¹⁴ I ɡeruɑ i nɛɛ, kɑm sɔɔrɑ i mɑn sɑ̃ɑmɔ. Arufɑɑni yerɑ̀ i wɑ ye i nɛn woodɑbɑ mɛm nɔɔwɑ, mɑ i nuki sɑnkirɑ i nɔɔ bɔkuɑ i kɑ nɛ Gusunɔ wɔllu kɑ tem Yinnin nɔnu ɡeu wɑ.

Mɑlɑsi 3:14 ပူးပေါင်းရင်းမြစ်များ

Yoobu 22:17

Tɔn ben bweseru bɑ rɑ rɑɑ Gusunɔ sɔ̃wɑ bu nɛɛ, u bu derio sɛ̃ɛ. Mbɑ wi Dɑm kpuroɡii u koo kpĩ u bu kuɑ.

Yoobu 34:9

Domi u nɛɛ, wi u kɑ Gusunɔ sĩimɔ, u ku rɑ yen ɑrufɑɑni ɡɑɑ wɑ.

Esɑi 43:22

Adɑmɑ bɛɛ Isirelibɑ, bɛɛ be i sɑ̃ɑ Yɑkɔbun bweseru, i kɑ mɑn wɑsirɑ, i ku rɑ mɑɑ mɑn sɑ̃.

Esɑi 58:3

Adɑmɑ bɑ rɑ nɛɛ, mbɑn sɔ̃nɑ bɑ koo mɑɑ nɔɔ bɔke, domi nɑ ǹ bu mɛɛrɑ. Mbɑn sɔ̃nɑ bɑ tii wɑhɑlɑ mɔ̀, domi nɑ bu ɑtɑfiiru sɑ̃ɑ. Kpɑ n bu wisi n nɛɛ, bɑɑ ì n nɔɔ bɔkumɔ, bɛɛn tiin kĩrɑ i rɑ n mɔ̀, kpɑ i n bɛɛn sɔm kowobu dɑm dɔremɔ.

Yeremi 18:12

Adɑmɑ bɑ koo ɡere bu nɛɛ, mbɑn sɔ̃nɑ bɑ koo kɔsi. Ben bɑɑwure u koo win bwisiku kɔ̃sunu swĩiwɑ u ko ye u kĩ.

Yeremi 2:25

Bɛɛ Isirelibɑ, nɑ nɛɛ, i ku bũnu ɡɑsiri sere bɛɛn bɑrɑnu nu diirɑ, kpɑ nim nɔru ɡu bɛɛ ɡo. Adɑmɑ i ǹ wure. Mɑ i nɛɛ, n ǹ koorɔ, domi niyɑ i kĩ, i ko mɑɑ nu swĩi i sɑ̃wɑ.

Yeremi 44:18

Adɑmɑ sɑɑ dɔmɑ tèn di sɑ ǹ mɑɑ bũu wi turɑre dɔ̃ɔ dokeɑre, sɑ ǹ mɑɑ nùn tɑm tɑ̃rɑre, sɑɑ min diyɑ sɑ kpuro biɑ. Tɑbu sun di, mɑ ɡɔ̃ɔrɑ sun ɡo.

Osee 7:16

Bɑ ɡɔsirɑ ɡoon mi ɡiɑ. Bɑ sɑ̃ɑ nɡe tɛn te tɑ ǹ ɡeɑ sɑ̃ɑ. Yen sɔ̃, bɑ koo ben wiruɡibu ɡo tɑbu sɔɔ ben ɡɑri kɑm ɡerubun sɔ̃. Yerɑ yɑ koo de bu bu yɛ̃ɛ Eɡibitiɔ.

Yoɛli 2:12

Yinni Gusunɔ u nɛɛ, nɑ sɑ̃ɑwɑ wɔnwɔnduɡii. Nɛn kĩru tɑ kpɑ̃. Nɛn mɔru yɑ ku rɑ fuuku se. Nɑ rɑ mɑɑ tɔnu suuru kue kɔ̃sɑ ye nɑ rɑɑ kĩ n nùn kuɑ sɔɔ. Tɛ̃, i wurɑmɑ kɑ bɛɛn ɡɔ̃ru kpuro nɛn mi, i nɔɔ bɔke, kpɑ i wuri ko. Bɛɛn ɡɔ̃ruwɑ i ko i ɡɔsiɑ, n ǹ mɔ i yɑ̃nu ɡɛ̃ɛku tɔnɑ. I wurɑmɑ nɛ, Gusunɔ bɛɛn Yinnin mi.

Sofoni 1:12

Yen tɔ̃ɔ te, u koo Yerusɑlɛmu bũuri kɑ fitilɑnu. U koo tɔmbu wɔrimɑ be bɑ sɔ̃ kpɛtɛɛ nɡe tɑm kɔrɔnu. Mɑ bɑ ɡerumɔ ben ɡɔ̃ruɔ bɑ mɔ̀, wi, Yinni Gusunɔ u ǹ ɡeɑ mɔ̀, u ǹ mɑɑ kɔ̃sɑ mɔ̀.

Mɑlɑsi 3:13

Yinni Gusunɔ u nɛɛ, bɛɛn ɡɑri kun do yi i mɑn ɡerusimɔ. Mɑ i mɔ̀, mbɑ i mɑn ɡerusi.

Yɑkɔbu 4:9

I de i n nuki sɑnkire kpɑ i n ɡɔɔ wooru sɔ̃ kpɑ i swĩ. I de bɛɛn yɛ̃ɛsu su ɡɔsiɑ swĩi kpɑ bɛɛn nuku dobu bu ɡɔsiɑ nuku sɑnkirɑnu.