Mɑlɑsi 2:14 - Bibeli Gusunɔn Gari

¹⁴ Mɑ i ɡerumɔ i mɔ̀, mbɑn sɔ̃nɑ n sɑ̃ɑ mɛ. N sɑ̃ɑ mɛ yèn sɔ̃ bɛɛn bɑɑwure u ǹ win ɑrukɑwɑni yibie ye u kɑ win kurɔ ɡbiikoo bɔkuɑ Yinni Gusunɔn wuswɑɑɔ.

Mɑlɑsi 2:14 ပူးပေါင်းရင်းမြစ်များ

Torubu 2:18

Kɑ temɑ Yinni Gusunɔ u ɡbeeku yɛɛ kpuro kuɑ kɑ ɡunɔsu kpuro, mɑ u kɑ ye kpuro nɑ tɔnu win mi, u kɑ wɑ mɛ u koo ye yĩsiru kɛ̃. Mɑ tɔnu wi, u yɑɑ sɑbenu kpuro kɑ ɡunɔsu kɑ ɡbeeku yɛɛ kpuro yĩsɑ kɑ̃. Yĩsi te tɔnu wi, u mɑɑ yɑɑ bɑɑyere kɑ̃ teyɑ bɑ kɑ ye sokumɔ. Adɑmɑ ye kpuro sɔɔ, sɑri ye yɑ kɑ nùn weenɛ ye yɑ koo nùn somi. Yen sɔ̃nɑ Yinni Gusunɔ u nɛɛ, n ǹ wɑ̃ tɔnu u n wɑ̃ɑ wi turo. Kon nùn ɡoo kuɑ u n sɑ̃ɑ nɡe wi, wi u koo nùn somi.

Torubu 31:50

À n nɛn bibu nɔni sɔ̃ɔmɔ, ǹ kun mɛ ɑ̀ n kurɔ kpɑo suɑ, n ǹ tɔnu koo sun siriɑ, Gusunɔwɑ koo sun siriɑ nɛ kɑ wunɛ. Yen sɔ̃, ɑ lɑɑkɑri ko.

Mɔnnu 2:17

Wi, wi u win durɔ ɡbiikoo yinɑ, u ɑrukɑwɑni duɑri ye u kɑ nùn bɔkuɑ Gusunɔn wuswɑɑɔ.

Mɔnnu 30:20

Kurɔ tɑnɔ ù n sɑkɑrɑru kuɑ u kpɑ, u rɑ woburewɑ kpɑ u nɛɛ, u ǹ kɔ̃sɑ ɡɑɑ kue, kpɑ u n sɔ̃ nɡe wi u di u kpɑ u nɔɔ wokɑmɔ.

Mɔnnu 5:20

Nɛn bii, mbɑn sɔ̃nɑ kɑɑ n ɡoon kurɔn binɛ mɔ. Mbɑn sɔ̃nɑ kɑɑ n nuku dobu kɑsu ɡoon kurɔn mi.

Wɑɑsu kowo 9:9

A de ɑ kɑ wunɛn kurɔ wi ɑ kĩ nuku dobu ko wunɛn wɑ̃ɑrun tɔ̃ru sɔɔ te Gusunɔ u nun wɛ̃ te tɑ rɑ doonɛ mi nɡe woo. Domi yerɑ yɑ ko n sɑ̃ɑ nuku doo bi kɑɑ n mɔ wunɛn sɔmburu sɔɔ hɑnduniɑ ye sɔɔ.

Womu Duro 1:15

nɛn kĩnɑsi, ɑ sɑ̃ɑwɑ kurɔ burɔ. Wunɛn nɔni yi bɑllimɔ nɡe wɑɑ bɑkɑɡii.

Esɑi 54:6

A sɑ̃ɑwɑ nɡe tɔnun kurɔ ɡbiikoo wi durɔ u yinɑ mɑ kurɔ wi, u nuki sɑnkire. Adɑmɑ tɛ̃, nɑ nun sɔ̃ɔmɔ nɑ mɔ̀,

Esɑi 58:3

Adɑmɑ bɑ rɑ nɛɛ, mbɑn sɔ̃nɑ bɑ koo mɑɑ nɔɔ bɔke, domi nɑ ǹ bu mɛɛrɑ. Mbɑn sɔ̃nɑ bɑ tii wɑhɑlɑ mɔ̀, domi nɑ bu ɑtɑfiiru sɑ̃ɑ. Kpɑ n bu wisi n nɛɛ, bɑɑ ì n nɔɔ bɔkumɔ, bɛɛn tiin kĩrɑ i rɑ n mɔ̀, kpɑ i n bɛɛn sɔm kowobu dɑm dɔremɔ.

Yeremi 29:23

Domi tɔn be, bɑ ɡɑ̃ɑ kɔ̃sunu kuɑ, bɑ sɑkɑrɑru kuɑ kɑ ben berusebun kurɔbu. Mɑ bɑ weesu kuɑ kɑ wi, Yinni Gusunɔn yĩsiru, bɑɑ mɛ u ǹ bu yiire. Adɑmɑ u yɛ̃ ye bɑ kuɑ kpuro, u sɑ̃ɑ yen seedɑɡii.

Yeremi 42:5

Mɑ bɑ Yeremi wisɑ bɑ nɛɛ, sɑ wurɑ su ko mɑm mɑm ye Yinni Gusunɔ u koo nun sɔ̃ su ko. Wiyɑ u koo ko bɛsɛn seedɑ dio ɡemɡii kɑ nɑɑnɛɡii sɑ̀ kun bɛsɛn nɔɔ mwɛɛru yibie.

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Yeremi 9:2

Yinni Gusunɔ u ɡeruɑ u nɛɛ, bɑ rɑ n nɔɔ dɛ̃ɛrɑwɑ bu kɑ weesu ko. Bɑ ku rɑ tem mɛ kpɑre dee dee ɡem sɔɔ, sere kɑ weesu. Wee siyɑ su kuɑ ben dɑm. Bɑ rɑ n nuku kɔ̃suru mɔ̀wɑ bɑ n dɔɔ. Mɛyɑ bɑ ku rɑ nɛ, Yinni Gusunɔ wure.

Esekiɛli 16:8

Mɑ nɑ sɑrɑ wunɛn bɔkuɔ nɑ nun mɛɛrɑ mɑ nɑ wɑ sɑɑ yɑ turɑ su kɑ kĩru ko. Mɑ nɑ nɛn yɑberun soo suɑ nɑ kɑ wunɛn tereru wukiri. Mɑ nɑ kɑ nun ɑrukɑwɑni bɔkuɑ kɑ bɔ̃ri nɑ nɛɛ, ɑ kuɑ nɛɡii. Nɛ, Yinni Gusunɔwɑ nɑ yeni ɡeruɑ.

Misee 1:2

Bɛɛ bwesenu kpuro, i swɑɑ dɑkio. Bɛɛ hɑnduniɑɡibu, i swɑɑ tem kpĩiyɔ i nɔ. Yinni Gusunɔ u koo nɑ sɑɑ win wɑ̃ɑ yee dɛɛrɑrun di u bɛɛ tɑɑrɛ wɛ̃.

Mɑlɑsi 2:15

Yinni Gusunɔ u ǹ bɛɛ kue tiɑ wɑsi sɔɔ kɑ bwisikunu sɔɔ? Mbɑ i nɑɑ ɡire sɑnnu. N ǹ Gusunɔ u bɛɛ bibu kɛ̃? Ǹ n mɛn nɑ, i n tii sɛ kpɑ bɛɛn bɑɑwure u ku win kurɔ ɡbiikoo yinɑ.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Mɑlɑsi 3:8

Mɑ nɑ bikiɑ nɑ nɛɛ, tɔnu u rɑ nɛ Gusunɔ nɔni wɔ̃ke? Domi wee, i mɑn nɔni wɔ̃kumɔ. Mɑ i ɡerumɔ i mɔ̀, yen yere sɔɔrɑ sɑ nun nɔni wɔ̃kumɔ. Mɑ nɑ wisɑ nɑ nɛɛ, kɛ̃nu wɛ̃ɛbu sɔɔ kɑ tiɑ tiɑ ye i rɑ mɑn wɛ̃ wɔkuru bɑɑteren wɔllɔ.

Kpɑrobu 11:10

Mɑ tɔn be, bɑ nùn wisɑ bɑ nɛɛ, Yinni Gusunɔwɑ ko n sɑ̃ɑ bɛsɛn seedɑ sɑ̀ kun kue ye sɑ ɡeruɑ.

Sɑmuɛli I 12:5

Sɑmuɛli u bu sɔ̃ɔwɑ u nɛɛ, Yinni Gusunɔ kɑ sunɔ wi u ɡɔsɑ bɑ sɑ̃ɑ seedɑ ɡisɔ mɑ i ǹ kɔ̃sɑ ɡɑɑ wɑ nɛ sɔɔ. Bɑ nɛɛ, mɛyɑ.