Mɑlɑsi 1:13 - Bibeli Gusunɔn Gari

¹³ I mɑm ɡerumɔ i mɔ̀, ɑnnɑ ɑ wɑhɑlɑ bɑkɑ wɑ ye i tii mɔ̀. Mɑ i ǹ mɑɑ yɑ̃ku ni mɛɛrɑ ɡɑ̃ɑnu. Adɑmɑ i nɑɑmɔ i mɑn yɑ̃kuru kuɑmmɛ kɑ yɑɑ sɑbe ni i ɡbɛnɑ, ǹ kun mɛ ni nu kɔ̃ri bɑrɔ, ǹ kun mɛ ni nu ɡesi bɑrɔ. I tɑmɑɑ kon yɑ̃ku nin bweseru mwɑ?

Mɑlɑsi 1:13 ပူးပေါင်းရင်းမြစ်များ

Sɑmuɛli II 24:24

Adɑmɑ sinɑ boko u nɛɛ, ɑɑwo, kon bɑtumɑ ye dwewɑ kɑ nɛn ɡobi. Nɑ ǹ Gusunɔ nɛn Yinni yɑ̃ku dɔ̃ɔ mwɑɑrɑruɡiru kuɑmmɛ kɑ ɡɑ̃ɑ ni nu ǹ mɑn ɡɑ̃ɑnu diiri. Mɑ Dɑfidi u bɑtumɑ ye kɑ kɛtɛ be dwɑ kɑ sii ɡeesun ɡobi weerɑɑkuru.

Esɑi 1:12

Ye i rɑ nɛ nɛn sɑ̃ɑ yerɔ kɑ wɔrubu, yeyɑ nɑ bɛɛ bikiɑ?

Esɑi 57:6

Bɛɛ Isirelibɑ, dɑɑ torin kpee ɡoriyɑ yi sɑ̃ɑ bɛɛn bũnu. I rɑ yi yɑ̃kunu koosi kpɑ i yi tɑm wisi. I tɑmɑɑ nɛ, Yinni Gusunɔ, kon ye tii mɑrisiwɑ?

Esɑi 61:8

Wi, Yinni Gusunɔ, ɡemɑ u rɑ kɑ̃. U dɑm dɔrebu kɑ kom kɔ̃sum tusɑ. U koo win tɔmbu ben ɑre wɛ̃ dee dee, kpɑ u kɑ bu ɑrukɑwɑni bɔke ye yɑ ko n wɑ̃ɑ sere kɑ bɑɑdommɑɔ.

Esekiɛli 4:14

Esekiɛli u Yinni Gusunɔ wisɑ u nɛɛ, nɑ tii nɛnuɑ disi kpuron di. Nɑ ǹ yɑɑ ɡoru ɡɑru diire sɑɑ nɛn piiburun di. Nɑ ǹ mɑɑ yɑɑ disiɡiɑ ɡɑɑ tende.

Esekiɛli 44:31

Adɑmɑ yɑ̃ku kowobu bɑ ǹ yɑɑ ɡoru ǹ kun mɛ ɡunɔ ɡoru dimɔ ǹ kun mɛ ye ɡɑ̃ɑnu kɑsukɑ nu ɡo.

Osee 13:9

Isirelibɑ, wee i kɑm kuɑ yèn sɔ̃ i mɑn seesi nɛ wi kon kpĩ n bɛɛ somi.

Sɑ̃ɑrun Woodɑ 22:8

Mɛyɑ yɑ̃ku kowo ɡoo kun yɑɑ ɡoru temmɔ ǹ kun mɛ yɑɑ ye ɡbeeku yɑɑ ɡɑɑ yɑ ɡo u ku rɑɑ kɑ tii disi doken sɔ̃. Nɛ, Yinni Gusunɔwɑ nɑ yeni ɡeruɑ.

Sɑ̃ɑrun Woodɑ 6:4

Yen biruwɑ u koo win yɑ̃ɑ ni potɑ kpɑ u kpɑɑnu doke u sere torom mɛ suɑ u kɑ yɑri sɑnsɑnin di. Kpɑ u kɑ mu dɑ yɑm mi bɑ ɡɔsɑ mɛn sɔ̃ u yi mi.

Amɔsu 8:5

I mɔ̀, dommɑ suru kpɑon tɔ̃ɔ bɑkɑrɑ koo kpe. Kpɑ su wɑ su bɛsɛn ɑlikɑmɑ dɔrɑ. Dommɑ tɔ̃ɔ wɛ̃rɑruɡirɑ koo kpe, kpɑ su wɑ su bɛsɛn birɑnu wukiɑ. Sɑ ko sɑkɑku kɑwɑ, kpɑ su yen ɡobi sosi. Sɑ ko kilo ɡɔsiɑ su kɑ tɔmbu ɡbɛni. Kpɑ su doo sĩinu dɔrɑ.

Misee 6:3

Bɛɛ Isirelibɑ, bɛɛ nɛn tɔmbu, kɔ̃sɑ mbɑ nɑ bɛɛ kuɑ. Mɑ sɔɔrɑ nɑ derɑ i wɑsirɑ. I mɑn wisio.

Mɑlɑsi 1:10

N burɑm bo bɛɛn turo u dɑ u nɛn sɑ̃ɑ yerun ɡɑmbobɑ kɛnɛ. Kpɑ i ku kɑ dɔ̃ɔ sɔ̃re kɑm sɔɔ nɛn yɑ̃ku yerɔ. Nɑ ǹ nuku dobu mɔ bɛɛ sɔɔ. Mɛyɑ yɑ̃ku ni i mɑɑ mɑn kuɑmmɛ nu ǹ mɑn wɛ̃remɔ.

Mɑlɑsi 2:12

Wi u yenin bweseru mɔ̀, Gusunɔ wɔllu kɑ tem Yinni u koo yɛ̃ro wunɑ Yɑkɔbun bweserun di, bɑɑ yɛ̃ro ù n kɑ kɛ̃nu dɑɑmɔ yɑ̃ku yerɔ.

Mɑlɑsi 2:13

Wee ye i kpɑm mɔ̀. I sumɔ, i weeweenu mɔ̀, mɑ i Yinni Gusunɔn yɑ̃ku yeru nɔni yĩresu wisimɔ yèn sɔ̃ u ǹ mɑɑ bɛɛn yɑ̃kunu mwɑɑmɔ, u ǹ mɑɑ kĩ u kɛ̃ru ɡɑru mwɑ bɛɛn nɔmɑn di.

Mɑteu 6:16

Mɑ Yesu nɛɛ, ì n mɑɑ nɔɔ bɔkuɑ i ku de bɛɛn wuswɑɑ yu bɛɛn wɑhɑlɑ sɔ̃ɔsi nɡe be bɑ yɛ̃ɛru kɑsu. Bɑ rɑ ben wuswɛɛ kɔsi kpɑ ɡɑbu bu wɑ mɑ bɑ nɔɔ bɔkuɑ. Nɑ bɛɛ sɔ̃ɔmɔ kɑ ɡem bɑ ben ɑre kpuro wɑ kɔ.

Mɑteu 6:5

Yesu mɑɑ nɛɛ, ì n mɑɑ kɑnɑru mɔ̀, i ku ko nɡe be bɑ yɛ̃ɛru kɑsu. Bɑ rɑ kɑ̃ bu kɑnɑru ko bɑ n yɔ̃ mɛnnɔ yenɔ kɑ wuu suunun swɑɑ kɛɛnɑnu sɔɔ kpɑ tɔmbu kpuro bu kɑ bu wɑ. Nɑ bɛɛ sɔ̃ɔmɔ kɑ ɡem, bɑ ben ɑre kpuro wɑ kɔ.

Sɔ̃ɔsiru 15:21

Yɑɑ sɑbe nin ɡɑru tɑ̀ n nɑɑsu bɑrɔ ǹ kun mɛ tɑ̀ n wɔ̃ko sɑ̃ɑ ǹ kun mɛ tɑ̀ n ɑlebu ɡɑɑ mɔ, i ku rɑ kɑ tu Gusunɔ bɛɛn Yinni yɑ̃kuru kuɑ.

Sɑmuɛli I 2:29

Mbɑ n kuɑ i kɑ win yɑ̃kunu kɑm mɛɛrɑ mɛ, kɑ kɛ̃ɛ ni u yiire bu kɑ nɑ win sɑ̃ɑ yerɔ. Mbɑn sɔ̃nɑ i win tɔmbu Isirelibɑn yɑ̃kunun yɑɑ ɡumɡiɑ dimɔ i bɔriɑmɔ. Amɔnɑ ɑ kɑ wunɛn bibu bɛɛrɛ wɛ̃ɛmɔ n kere wi.