Mɑlɑsi 1:11 - Bibeli Gusunɔn Gari

¹¹ Domi hɑnduniɑn ɡoonu nnɛ sɔɔ tɔmbɑ nɛn kpɑ̃ɑru yɛ̃. Bɑɑmɑ bɑ mɑn turɑre dɔ̃ɔ dokeɑmmɛ mɑ bɑ mɑn yɑ̃ku ɡeenu kuɑmmɛ bu kɑ mɑn bɛɛrɛ wɛ̃. Kɑ ɡem tɔmbu kpurowɑ bɑ nɛn kpɑ̃ɑru yɛ̃.

Mɑlɑsi 1:11 ပူးပေါင်းရင်းမြစ်များ

Bɑndun Gɑri I 16:25

Domi Yinni Gusunɔ u kpɑ̃. Wiyɑ n weenɛ bu siɑrɑ. U bũnu kpuro nɑnum kere.

Womusu 111:9

U derɑ bɑ win tɔmbu yɑkiɑ. Mɑ u kɑ bu ɑrukɑwɑni bɔkuɑ sere kɑ bɑɑdommɑɔ. Win yĩsiru tɑ dɛɛre, tɑ mɑɑ nɑnum mɔ.

Womusu 113:3

Su nùn siɑrɑ sɑɑ bururun di sere kɑ yokɑɔ.

Womusu 138:5

Bɑ koo wunɛn kookoosu siɑrɑ. Domi wunɛn bɛɛrɛ yɑ kpɑ̃.

Womusu 141:2

A de nɛn kɑnɑru tu nun ɡirɑri nɡe turɑre nubu duroruɡiɑn wiisu. Kpɑ nɔmɑ ye nɑ yiiye yɑ n sɑ̃ɑ nɡe kɛ̃ru te bɑ rɑ kɑ nun nɑɑwɛ wunɛn sɑ̃ɑ yerɔ yokɑ.

Womusu 45:17

Sinɑ boko, wunɛn bibɑ koo wunɛn bɑɑbɑbɑn tubi di, kpɑ bu bɑndu di tem kpuro sɔɔ.

Womusu 48:10

Gusunɔ, sɑ wunɛn durom bwisikunu mɔ̀ wunɛn sɑ̃ɑ yee ten mi.

Womusu 48:11

Nɡe mɛ ɑ yĩsiru yɑrɑ, nɡe mɛyɑ bɑ koo nun tɔmɑ hɑnduniɑn ɡoonu nnɛ sɔɔ. Domi ɑ rɑ tɔmbu kpɑre ɡem sɔɔ.

Womusu 50:1

Asɑfun womu. Ge wee. Yinni Gusunɔ u ɡɑri mɔ̀, u hɑnduniɑɡibu soku be bɑ wɑ̃ɑ sɔ̃ɔ yɑri yerɔ n kɑ dɑ sɔ̃ɔ duu yerɔ.

Womusu 65:9

Hɑnduniɑn ɡoonu nnɛ sɔɔ, tɔmbu kpuro bɑ wunɛn sɔm mɑɑmɑɑkiɡinu nɑsie. Wunɛ wi ɑ rɑ sɔ̃ɔ yɑri yeruɡibu kɑ sɔ̃ɔ duu yeruɡibu nuku dobu wɛ̃.

Womusu 67:2

Gusunɔ, ɑ bɛsɛn wɔnwɔndu wɑɑwo, kpɑ ɑ sun domɑru kuɑ. A de ɑ kɑ sun nɔnu ɡeu mɛɛri,

Womusu 86:9

Bwese ni ɑ tɑkɑ kuɑ kpuro nu koo nɑ nu yiirɑ wunɛn wuswɑɑɔ, kpɑ nu wunɛn yĩsiru bɛɛrɛ wɛ̃.

Womusu 96:8

I Yinni Gusunɔn yĩsiru bɛɛrɛ wɛ̃ɛyɔ. I duo win sɑ̃ɑ yerɔ kɑ kɛ̃nu.

Esɑi 12:4

kpɑ tɔ̃ɔ te sɔɔ, bu ɡere bu nɛɛ, i Yinni Gusunɔ siɑro, i win yĩsiru wɔlle suo. I win sɔm bɑkɑ ni u kuɑ kpɑro bwesenu kpuro sɔɔ. I tɔmbu yɑɑyɑsio mɑ win yĩsirɑ kpɑ̃.

Esɑi 12:5

I Yinni Gusunɔ tɔmɔ, domi ɡɑ̃ɑ bɛɛrɛɡinɑ u kuɑ. I nin ɡɑri kpɑro hɑnduniɑ kpuro sɔɔ.

Esɑi 19:21

Sɑɑ ye sɔɔ, u koo bu tii sɔ̃ɔsi kpɑ bu nùn ɡiɑ. Bɑ koo nùn yɑ̃kunu kuɑ kpɑ bu kɑ nùn kɛ̃nu nɑɑwɑ. Bɑ̀ n nùn nɔɔ mwɛɛnu kuɑ, kpɑ bu nu yibiɑ.

Esɑi 30:27

Wee Yinni Gusunɔn yĩsirɑ nɔɔrɑmɔ sɑɑ tontonden di. Win mɔru yɑ kpɑ̃ yɑ sɑ̃ɑ nɡe dɔ̃ɔ wii bɑkɑru. Win nɔɔ ɡɑ mɔru yibɑ. Mɑ win yɑrɑ yɑ sɑ̃ɑ nɡe dɔ̃ɔ yɑri bɑkɑru.

Esɑi 45:6

Kpɑ tɔmbu bu ɡiɑ sɑɑ sɔ̃ɔ yɑri yerun di sere sɔ̃ɔ duu yerɔ mɑ nɛnɑ Yinni Gusunɔ. Goo mɑɑ sɑri nɡe nɛ.

Esɑi 54:5

Domi nɛ, wunɛn tɑkɑ kowo nɑ sɑ̃ɑwɑ nɡe wunɛn durɔ. Nɛn yĩsirɑ Gusunɔ, wɔllu kɑ tem Yinni, kɑ Isirelibɑn Yinni Dɛɛro, kɑ hɑnduniɑ kpuron Yinni. Nɛnɑ nɑ nun yɑkiɑ.

Esɑi 59:19

kpɑ bu win yĩsiru nɑsiɑ kpɑ win yiiko yu sɔ̃ɔsirɑ sɑɑ sɔ̃ɔ yɑri yerun di n kɑ dɑ sɔ̃ɔ duu yerɔ. Sɑnɑm mɛ yibɛrɛbɑ bɑ koo nɑ nɡe dɑɑ bɑkɑrun nim, Yinni Gusunɔn Hunde u koo bu ɡirɑ bu doonɑ.

Yeremi 10:6

Mɑ Yeremi u Gusunɔ siɑrɑ u nɛɛ, Yinni Gusunɔ, ɑ kpɑ̃. Goo sɑri wi u kɑ nun weenɛ. Mɑ ɑ yĩsiru yɑrɑ wunɛn dɑm sɑɑbu.

Yeremi 10:7

Wunɑ ɑ sɑ̃ɑ bwesenu kpuron sinɑ boko. Wɑrɑ u ǹ koo nun nɑsiɑ. Wunɑ ɑ yiiko kpuro mɔ. Bwesenu kpuron bwisiɡibu sɔɔ, ɡoo sɑri wi u kɑ nun weenɛ.

Yeremi 4:2

ì n dɑ bɔ̃re ɡem sɔɔ kɑ ɡɔ̃ru dɛɛrɔ, i nɛɛ, kɑ Yinni Gusunɔn wɑ̃ɑru, sɑɑ yerɑ bwese tukunu nu koo domɑru wɑ nɛn min di, kpɑ bu woo kɑnɑ nɛn sɔ̃.

Amɔsu 9:12

Kpɑ bu wɑ bu Edɔmubɑn tem kɑ bwese tuku ni nu rɑɑ mɑn sɑ̃ɑmɔn tem mwɑ. Nɛ, Yinni Gusunɔwɑ kon yeni ko.

Misee 5:4

Wiyɑ u koo kɑ bɔri yɛndu nɑ. Asiriɡibu bɑ̀ n nɑ, bɑ bɛsɛn tem wɔri bɑ duɑ sere bɛsɛn sinɑ kpɑɑrɔ, sɑ ko bɛsɛn kpɑro be bɑ dɑm bo seeyɑ bu bu wɔri.

Sofoni 2:11

Wi, Yinni Gusunɔ, u ǹ kɑ bu wɔnwɔndu mɔ̀. U koo hɑnduniɑ kpuron bũnu kɑm koosiɑ. Bɑɑ bwese ni nu wɑ̃ɑ tem burenɔ, nu koo yiirɑ win wuswɑɑɔ nin wusɔ.

Sofoni 3:9

Sɑɑ ye sɔɔ, Yinni Gusunɔ u koo tɔmbun yɑri dɛɛrɑsiɑ kpɑ bu win yĩsiru soku bu nùn sɑ̃ sɑnnu.

Sɑkɑri 8:7

Wee nɑ nɛn tɔmbu fɑɑbɑ mɔ̀ be bɑ wɑ̃ɑ sɔ̃ɔ yɑri yerɔ kɑ sɔ̃ɔ duu yerɔ.

Mɑlɑsi 1:14

Bɔ̃rurowɑ wi u win sɑbenu sɔɔ kinɛ ɡeeru mɔ, mɑ u dɑ u te tɑ ɑlebu mɔ suɑ u kɑ mɑn yɑ̃kuru kuɑ, u kɑ mɑn nɔni wɔ̃ke. Domi nɑ sɑ̃ɑwɑ sinɑ boko. Tɔmbu kpurowɑ bɑ nɛn dɑm nɑsie. Nɛ Gusunɔ wɔllu kɑ tem Yinniwɑ nɑ yeni ɡeruɑ.

Mɑlɑsi 3:3

U koo sinɑ u sun dɛɛrɑsiɑ nɡe mɛ bɑ rɑ sii ɡeesu yɑniɛ bu dɛɛrɑsie. U koo yɑ̃ku kowobun bweseru Lefibɑ dɛɛrɑsiɑ nɡe mɛ bɑ rɑ wurɑ kɑ sii ɡeesu dɛɛrɑsie. Kpɑ bu Yinni Gusunɔ yɑ̃kunu kuɑ nɡe mɛ woodɑ yɑ ɡeruɑ.

Mɑteu 28:19

Yen sɔ̃, i doo bwesenu kpuron mi, kpɑ i bu ko nɛn bwɑ̃ɑbu. I bu bɑtɛmu koowo kɑ Bɑɑn yĩsiru kɑ Biiɡiru kɑ Hunde Dɛɛroɡiru.

Mɑteu 8:11

Nɑ bɛɛ sɔ̃ɔmɔ mɑ tɔn dɑbirɑ koo nɑ sɑɑ sɔ̃ɔ yɑri yeru kɑ duu yerun di kpɑ bu sinɑ bu di mi Gusunɔ u bɑndu swĩi kɑ Aburɑhɑmu kɑ Isɑki kɑ Yɑkɔbu sɑnnu.

Luku 1:10

Tɔn wɔru kpuro ɡɑ kɑnɑru mɔ̀ tɔɔwɔ sɑnɑm mɛ u turɑre dɔ̃ɔ dokemɔ.

Romu 12:1

Yen sɔ̃, nɛɡibu nɑ bɛɛ kɑnɑmɔ wɔnwɔn te Gusunɔ u bɛɛ kuɑn sɑɑbu, i bɛɛn wɑsi nùn yiiyo nɡe yɑ̃ku wɑsiru te tɑ kun serere ɡɑɑ mɔ, te tɑ koo nùn wɛ̃re. Yeyɑ yɑ sɑ̃ɑ bɛɛn sɑ̃ɑ ɡeeru.

Romu 15:16

nɑ kɑ sɑ̃ɑ Kirisi Yesun sɔm kowo tɔn tukobun sɔ̃. Nɑ Gusunɔn Lɑbɑɑri ɡeɑn wɑɑsu mɔ̀ nɡe yɑ̃ku kowo, kpɑ tɔn tukobu bɑ n kɑ sɑ̃ɑ yɑ̃ku te tɑ koo nùn wɛ̃re, te Hunde Dɛɛro u dɛɛrɑsiɑ u yi.

Filipi 4:18

Nɑ ye kpuro wɑ ye i mɑn mɔrisiɑmɑ. Yɑ mɑɑ turɑ yɑ tiɑ. Tɛ̃ ye Epɑfoditi kɑ mɑn bɛɛn kɛ̃nu nɑɑwɑ nu kɑ mɑn sɑkɑ kuɑ, nu sɑ̃ɑwɑ nɡe yɑ̃ku nubu duroruɡiru te tɑ Gusunɔ wɛ̃re mɑ u tu mwɑ.

Tɛsɑlonikɑ II 1:12

Nɡe mɛyɑ bɛsɛn Yinni Yesun yĩsirɑ koo kɑ bɛɛrɛ wɑ bɛɛn min di, kpɑ bɛɛ i mɑɑ bɛɛrɛ wɑ win min di Gusunɔ kɑ Yinni Yesu Kirisin durom sɑɑbu.

Timɔte I 2:8

Yen sɔ̃nɑ nɑ kĩ bɑɑmɑ mi bɑ kɑnɑru mɔ̀ tɔn durɔbu bu tu ko bɑ n nɔmɑ ye yɑ dɛɛre sue wɔllɔ n kun kɑ mɔru n kun kɑ sikirinɔ.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kɑ̃siru 15:4

Yinni, wɑrɑ kun wunɛn bɛrum mɔ. Wɑrɑ koo yinɑ u wunɛn yĩsiru bɛɛrɛ wɛ̃. Domi wunɛ turowɑ ɑ sɑ̃ɑ dɛɛro. Tem bɑɑmɛren tɔmbɑ koo nɑ wunɛn mi, bu nun sɑ̃. Domi bɑɑwure u wunɛn sɔm ɡeenu wɑ.”

Kɑ̃siru 5:8

Ye tɑ kuɑ mɛ, yerɑ hunde koni nnɛ ye kɑ ɡuro ɡurobu yɛndɑ nnɛ ye, bɑ kpunɑ Yɑ̃ɑ kinɛ kpɛm ten wuswɑɑɔ. Ben bɑɑwure u mɔrɔku mɔ kɑ wurɑn bweebu mì sɔɔ turɑre wɑ̃ɑ ye yɑ sɑ̃ɑ nɑɑnɛ dokeobun kɑnɑnu.