Mɑɑku 4:5 - Bibeli Gusunɔn Gari

⁵ Sukum ɡɑm mɑɑ wɔri kpee sɑɑrɑ wɔllɔ mi tem kun duku. Mɑ mu kpiɑ yɑnde yèn sɔ̃ tem kun duku.

Mɑɑku 4:5 ပူးပေါင်းရင်းမြစ်များ

Esekiɛli 11:19

Kon bu ɡɔ̃ru teu wɛ̃ kpɑ n bu bwisiku kpɑɑnu wɛ̃. Kon ben ɡɔ̃ru ɡe ɡɑ rɑɑ bɔɔbu nɡe kperu mi wunɑ, kpɑ n bu ɡɔ̃ru kpɔɔ wɛ̃ ɡe ɡɑ du.

Esekiɛli 36:26

Kon bu bwisiku kpɑɑnu kɑ ɡɔ̃ru kpɑɑsu wɛ̃. Kon ben ɡɔ̃ru si su bɔɔbu nɡe kperu wunɑ kpɑ n bu ɡɔ̃rusu wɛ̃ si su du nɡe wɑsi.

Osee 10:12

Yen sɔ̃ tɛ̃, bɛɛ Isirelibɑ i ɡbee kpɑɑru koowo i ɡem duure. Kpɑ i durom ɡɛ̃. Domi sɑɑ yɑ turɑ i kɑ ɡɔsirɑmɑ nɛ, Yinni Gusunɔn mi, kpɑ n bɛɛ susi n bɛɛ ɡeɑ kuɑ.

Amɔsu 6:12

Bɑ rɑ dumi yɑkie kpee sɑɑrɑ wɔllɔ? Bɑ rɑ kɑ nɛɛ wuku mi? Adɑmɑ wee bɛɛ i ɡem ɡɔsiɑ dɛ̃ɛ. Mɑ i ɡeɑ ɡɔsiɑ ɡɑ̃ɑ sosurɑnu.

Mɑteu 13:20

Gɑbɑ mɑɑ kɑ kpee sɑɑrɑn tem mɛ weenɛ mi bwese ten ɡɑrɑ wɔri. Bɑ ɡɑri yi nɔɔmɔ, mii mii bɑ yi mwɑɑmɔ kɑ nuku dobu.

Mɑɑku 4:4

Sɑnɑm mɛ u yɛ̃kɑmɔ, sukum wɔrumɑ swɑɑ sɔɔ. Gunɔsu nɑ su di.

Mɑɑku 4:6

Adɑmɑ ye sɔ̃ɔ u bɔbiɑ mu dɔ̃ɔ mwɑɑrɑ mɑ mu ɡberɑ yèn sɔ̃ mu ǹ ɡbini mɔ.

Luku 8:13

Kpee sɑɑrɑ yɑ sɑ̃ɑwɑ nɡe tɔn be bɑ rɑ ɡɑri yi mwɛ kɑ nuku dobu sɑnɑm mɛ bɑ yi nɔɔmɔ, ɑdɑmɑ bɑ ǹ ɡbini mɔ. Bɑ rɑ nɑɑnɛ dokewɑ sɑɑ fiiko sɔɔ, kpɑ bu biru wurɑ lɑɑkɑri mɛɛribun sɑnɑm.

Luku 8:6

Sukum ɡɑm mɑɑ wɔri kpee sɑɑrɑ wɔllɔ. Sɑnɑm mɛ mu kpiimɑ, mu ɡberɑ yèn sɔ̃ tem yɛndu sɑri mi.