Luku 8:43 - Bibeli Gusunɔn Gari

⁴³ N wee, kurɔ ɡoo u wɑ̃ɑ mi, wi u yɛm wĩibu bɑrɔ sɑɑ wɔ̃ɔ wɔkurɑ yirun di. [U win ɡobi di kpuro tim nɛmɔbun mi,] ben ɡoo kun mɑɑ kpĩɑ u nùn bɛkie.

Luku 8:43 ပူးပေါင်းရင်းမြစ်များ

Bɑndun Gɑri II 16:12

Asɑn bɑndun wɔ̃ɔ weeru tiɑ sɑrise sɔɔ, u nɑɑsu bɑrɑ sere u nɔni sɔ̃ɔrɑ. Bɑɑ mɛ u bɑrɔ, kɑ mɛ, u ǹ Yinni Gusunɔ kɑsu. Timɡibɑ u kɑsu.

Yoobu 13:4

Domi bɛɛ, weesɑ i rɑ n sekumɔ. I sɑ̃ɑwɑ tim nɛmɔ weesuɡibu.

Womusu 108:12

Yinni Gusunɔ, wunɑ kɑɑ kɑ mɑn dɑ, wunɛ wi ɑ rɑɑ sun yinɑ, mɑ ɑ ku rɑ mɑɑ kɑ bɛsɛn tɑbu kowobu yɑri.

Esɑi 2:22

Ǹ n mɛn nɑ, i ku bɛɛn nɑɑnɛ doke tɔnu sɔɔ. U sɑ̃ɑwɑ nɡe woo. U ǹ sɑ̃ɑ ɡɑ̃ɑnu.

Mɑɑku 12:44

Domi be kpuro, ye n sɔndi ben mɔɔ bɑkɑru sɔɔ, yerɑ bɑ wunɑ bɑ doke, ɑdɑmɑ kurɔ wi, win yɑ̃ɑru sɔɔrɑ u kpuro kpɛ̃ɛ ye u kɑ tii kɔ̃su.

Mɑɑku 9:18

Bɑɑmɑ mi ɡɑ nùn seeri ɡɑ rɑ nùn surewɑ temɔ, kpɑ u yɑ̃ɑtɑm pɔkeru yɑri u n donnu temmɔ kpɑ u bemi. Nɑ mɑɑ wunɛn bwɑ̃ɑbu kɑnɑ bu ɡu ɡirɑ ɑdɑmɑ bɑ kpɑnɑ.

Luku 13:11

N wee kurɔ ɡoo mɑɑ wɑ̃ɑ mi, wi wɛrɛkunu nu kuɑ bɑrɔ sɑɑ wɔ̃ɔ wɔkurɑ nɔɔbu kɑ itɑn di. U rɑ n yɑ̃ɑrewɑ, u ku rɑ kpĩ u tii dɛmiɑ bɑɑ fiiko.

Luku 13:16

Kurɔ wi mɑɑ Aburɑhɑmun bweserɑ. Wee, Setɑm nùn bɔkuɑ sɑɑ wɔ̃ɔ wɔkurɑ nɔɔbu kɑ itɑn di. N ǹ weenɛ bu nùn kusiɑ tɔ̃ɔ wɛ̃rɑruɡiru sɔ̃ɔ?

Luku 8:27

Ye u sɑrɑ temɔ u durɔ ɡoo wɑ u wee wuu ɡiɑn di u kɑ nùn yinnɑ. Durɔ wi, u wɛrɛkunu mɔ. Nɔn dɑbirɑ nu rɑ nùn seeri. Bɑ rɑ nùn bɔke kɑ yɔni nɔmɑ kɑ nɑɑsɔ kpɑ bɑ n nùn kɔ̃su. Adɑmɑ u rɑ bɔkubu kpuro kɑsuku kpɑ wɛrɛku ni, nu kɑ nùn dɑ ɡbɑburɔ. Tererɑ u rɑ n wɑ̃ɑ sɑɑ tɛɛbun di, u ku rɑ sinɛ yɛnuɔ, mɑ n kun sikɑɔ. Yerɑ Yesu u wɛrɛku ni woodɑ wɛ̃ nu doonɑ durɔ win min di. Ye durɔ wi, u Yesu wɑ u wurɑ tɑkɑnɑ u wɔrumɑ win wuswɑɑɔ mɑ u nɔɔɡiru suɑ wɔllɔ u nɛɛ, mbɑ n sun mɛnnɛ nɛ kɑ wunɛ Yesu Wɔrukoon Bii. Nɑ nun kɑnɑmɔ ɑ ku mɑn tɔ̃yɑ ko.

Luku 8:42

Domi win bii teere te u mɑrɑ, tɑ wɑsikirɑmɔ. Bii wi, u sɑ̃ɑwɑ wɔndiɑ wi u wɔ̃ɔ wɔkurɑ yiru mɔ. Ye u dɔɔ mi, tɔn wɔru ɡɑ nùn mɔnsi.

Luku 8:44

U Yesu susi biruɔ mɑ u win yɑberun swɑɑ buɑ bɑbɑ. Yɑnde win yɛm wĩi bi, bu yɔ̃rɑ.

Yohɑnu 9:1

Nɡe mɛ Yesu u bɔsu, u durɔ ɡoo wɑ wi bɑ mɑrɑ kɑ wɔ̃koru.

Yohɑnu 9:21

Adɑmɑ mɛ u kuɑ u kɑ yɑm wɑ, bɛsɛ sɑ ǹ yɛ̃, wi u mɑɑ nùn yɑm wɑɑsiɑ, sɑ ǹ yɛ̃ro yɛ̃. U bwisi mɔ win tii, i nùn bikio, u koo bɛɛ sɔ̃.

Gɔrobun Kookoosu 3:2

N deemɑ bɑ mɑɑ kɑ durɔ ɡoo dɔɔ mi, wi bɑ mɑrɑ kɑ yɛmɔru. Bɑ rɑ nùn yiwɑ sɑ̃ɑ yerun kɔnnɔwɔ ɡe bɑ mɔ̀ Burɔ, u n kɑ bɑrɑ mɔ̀ sɑnɑm mɛ tɔmbɑ duɔ.

Gɔrobun Kookoosu 4:22

Domi durɔ wi bɑ bɛkiɑ kɑ mɑɑmɑɑki mi, u wɔ̃ɔ weeru kere.