Luku 8:32 - Bibeli Gusunɔn Gari

³² N deemɑ kurusɔ wuu bɑkɑru ɡɑrɑ wɑ̃ɑ tɑ dimɔ ɡuuru wɔllɔ. Mɑ wɛrɛku ni, nu Yesu suuru kɑnɑ nu nɛɛ, u de nu dɑ kurusɔ ni sɔɔ. Mɑ u nu yɔllɑɑ kuɑ.

Luku 8:32 ပူးပေါင်းရင်းမြစ်များ

Sinɑmbu I 22:22

Hunde ye, yɑ nɛɛ, kon yɑri kpɑ n du sɔmɔ be sɔɔ, kpɑ n de bu weesu ko bu kɑ sinɑ boko nɔni wɔ̃ke. Mɑ Yinni Gusunɔ u ye wisɑ u nɛɛ, yɑ wɑ̃, swɑɑ ɡeɑ. Kɑɑ mɑɑ kpĩ ɑ nùn nɔni wɔ̃ke. Ǹ n mɛn nɑ, ɑ yɑrio ɑ dɑ ɑ ko mɛ.

Yoobu 1:10

N ǹ wunɑ ɑ nùn kɔ̃su wi kɑ win yɛnuɡibu kɑ sere win ye u mɔ ro? Mɑ ɑ win sɔmɑ kpuro domɑru kuɑ. A derɑ win yɑɑ sɑbenu nu tɛrie tem mɛ sɔɔ.

Yoobu 1:12

Mɑ Yinni Gusunɔ u Setɑm wisɑ u nɛɛ, ye Yoobu u mɔ kpuro, nɑ nun ye nɔmu bɛriɑ. Adɑmɑ ɑ ku win tii bɑbɑ. Yen biru Setɑm u doonɑ Yinni Gusunɔn wuswɑɑn di.

Yoobu 2:6

Mɑ Yinni Gusunɔ u Setɑm sɔ̃ɔwɑ u nɛɛ, wee nɑ nun nùn nɔmu bɛriɑ, ɑdɑmɑ ɑ ku nùn ɡo.

Womusu 62:11

I ku bɛɛn nɑɑnɛ doke dɑɑ bɔɔbɔyɑ sɔɔ. I ku mɑɑ bɛɛn yĩiyɔbu doke wɔbiɑ sɔɔ. Bɛɛn dukiɑ yɑ̀ n kuurɑmɔ, i ku bɛɛn bwɛ̃rɑ kpuro doke ye sɔɔ.

Esɑi 65:4

Kpɑ bɑ n bikiɑru dɑɑmɔ sikɑɔ, bɑ n wɑ̃ɑ mi wɔ̃kuru kpuro. Bɑ rɑ n kurusɔ yɑɑ dimɔ kɑ mɑɑ dĩɑ sesenuɡinu ɡɑnu,

Esɑi 66:3

Adɑmɑ nɛn tɔmbun sɑ̃ɑru tɑ ǹ ɑrufɑɑni ɡɑɑ mɔ. Nɛn nɔni sɔɔ, wi u kɑ kɛtɛ yɑ̃kuru kuɑ kɑ wi u koo rɑɑ kɑ tɔnu yɑ̃kuru ko, bɑ sɑ̃ɑwɑ tiɑ. Wi u mɑɑ kɑ yɑ̃ɑru yɑ̃kuru mɔ̀ kɑ wi u koo rɑɑ kɑ bɔ̃ɔ yɑ̃kuru ko, bɑ sɑ̃ɑwɑ tiɑ. Wi u kɑ kɛ̃ru nɑɑmɔ te tɑ sɑ̃ɑ som, kɑ wi u koo rɑɑ kɑ kurusɔn yɛm nɑ, bɑ sɑ̃ɑwɑ tiɑ. Wi u turɑre dɔ̃ɔ dokemɔ nɛn yɑ̃ku yerɔ, kɑ wi u bũu sɑ̃ɑmɔ, bɑ sɑ̃ɑwɑ tiɑ. Tɔn ben bɑɑwure u nɛn swɑɑ deri u swɑɑ tukɑ mwɑ ye u kĩ, mɑ ben ɡɔ̃ru ɡɑ ǹ bu tɑɑrɛ wɛ̃ɛmɔ.

Sɑ̃ɑrun Woodɑ 11:7

Mɛyɑ bɑ ǹ koo mɑɑ kurusɔ di. Gɑ nɑɑ kɑburosu mɔ ɑdɑmɑ ɡɑ ku rɑ tukɑ ko. Bɑ koo ɡu ɡɑrisiwɑ yɑɑ disiɡiɑ.

Mɑteu 7:6

I ku ɡɑ̃ɑ dɛɛrɑnu bɔ̃nu wɛ̃ nu ku kɑ ɡɔsirɑ nu bɛɛ mɔnsimɑ. I ku mɑɑ bɛɛn ɡoo ɡobiɡinu kɔ̃ kurusɔnun suunu sɔɔ. Su koo nu tɑɑku.

Luku 8:31

Mɑ wɛrɛku ni, nu Yesu suuru kɑnɑ nu nɛɛ, u ku de nu dɑ wɔru bɔkɔ sɔɔ.

Luku 8:33

Mɑ nu durɔ wi doonɑri, nu dɑ kurusɔ nin mi. Mɑ kurusɔ wuu te, tɑ duki sure dɑɑ bureru sɔɔ tɑ nim diirɑ.

Yohɑnu 19:11

Mɑ Yesu u nùn wisɑ u nɛɛ, ɑ ǹ dɑm ɡɑm mɔ nɛ sɔɔ bɑ̀ kun nun mɛ wɛ̃ wɔllun di. Yen sɔ̃nɑ wi u mɑn nun nɔmu sɔndiɑ, win tɑɑrɛ yɑ wunɛɡiɑ kere.

Yohɑnu I 4:4

Bɛɛ nɛn bibu, i sɑ̃ɑ Gusunɔɡibu i mɑɑ sɔmɔ weesuɡii be kɑmiɑ kɔ. Domi wi u wɑ̃ɑ bɛɛ sɔɔ u dɑm mɔ u kere wi u wɑ̃ɑ hɑnduniɑ ye sɔɔ.

Kɑ̃siru 20:7

Wɔ̃ɔ nɔrɔbu yɑ̀ n yibɑ bɑ koo Setɑm yɔ̃su yen pirisɔm di,