Luku 7:14 - Bibeli Gusunɔn Gari

¹⁴ Yerɑ u susi u ɡoo ten kpɑkororu bɑbɑ. Be bɑ tu sɔɔwɑ bɑ yɔ̃rɑ. Mɑ u nɛɛ, ɑluwɑɑsi wunɛ, nɑ nun sɔ̃ɔmɔ, ɑ seewo.

Luku 7:14 ပူးပေါင်းရင်းမြစ်များ

Sinɑmbu I 17:21

Yerɑ u bii wi kibɑrisi nɔn itɑ u Gusunɔ kɑnɑ u nɛɛ, Gusunɔ nɛn Yinni, ɑ de bii wi, u se.

Sinɑmbu I 17:22

Mɑ Yinni Gusunɔ u Elin kɑnɑ te mwɑ, bii win wɛ̃siɑrɑ wurɑmɑ u kuɑ wɑso.

Yoobu 14:12

Nɡe mɛyɑ tɔnu u rɑ kpunɛ u kun mɑɑ seewe. U ǹ mɑɑ dom yɑndɑmɔ sere wɔllu tu kɑ kpe.

Yoobu 14:14

Tɔnu ù n koo rɑɑ se sɑnɑm mɛ u ɡu, nɑ kon yĩiyɔbu mɔ nɛn wɑhɑlɑ yeni sɔɔ sere nɛn wɑ̃ɑru tu kɑ kɔsi.

Womusu 33:9

Domi ye u ɡeruɑ kpuro, yerɑ yɑ rɑ koore. Ù n woodɑ wɛ̃ kpɑ yu koorɑ.

Esɑi 26:19

Nɛɡibu, bɛɛn tɔn be bɑ rɑɑ ɡu bɑ koo se ɡɔrin di bu wɑ̃ɑru di. Bɛɛ be i kpĩ tem sɔɔwɔ, i dom yɑndo, kpɑ i nuku dobun kuuki ko. Domi tem mu koo bɛɛ seeyɑ ɡɔrin di nɡe mɛ bururun kɑkoru tɑ rɑ yɑkɑsu seeye.

Mɑɑku 5:41

U wɔndiɑ win nɔmu nɛnuɑ, mɑ u nùn sɔ̃ɔwɑ u nɛɛ, tɑlitɑ kum. Yen tubusiɑnɑ, wɔndiɑ wunɛ, nɑ nun sɔ̃ɔmɔ, ɑ seewo.

Luku 7:13

Ye Yinni u kurɔ wi wɑ win wɔnwɔndɑ nùn mwɑ, mɑ u nùn sɔ̃ɔwɑ u nɛɛ, ɑ ku swĩ.

Luku 7:15

Mɑ ɡoo te, tɑ seewɑ tɑ sinɑ tɑ ɡɑri ɡerumɔ. Mɑ Yesu nùn win mɛro wesiɑ.

Luku 7:17

Yesun lɑbɑɑri ye, yɑ yɑbi Yudeɑ kpuro sɔɔ kɑ mɑɑ yen beri kpuro.

Yohɑnu 11:25

Mɑ Yesu u nùn sɔ̃ɔwɑ u nɛɛ, nɛnɑ nɑ rɑ ɡɔribu seeye, nɛnɑ nɑ rɑ wɑ̃ɑru wɛ̃. Bɑɑwure wi u mɑn nɑɑnɛ doke u ko n wɑ̃ɑwɑ wɑ̃ɑru sɔɔ bɑɑ ù n ɡu.

Yohɑnu 5:21

Nɡe mɛ Bɑɑbɑ u rɑ ɡɔribu seeye kpɑ u bu ko wɑsobu, nɡe mɛyɑ mɑɑ, be Bii u kĩ u wɑ̃ɑru wɛ̃, u bu tu wɛ̃ɛmɔ.

Yohɑnu 5:25

Kɑ ɡeemɑ nɑ bɛɛ sɔ̃ɔmɔ, sɑɑ yɑ sisi yɑ mɑm tunumɑ kɔ, ye ɡɔribu bɑ koo Gusunɔn Biin nɔɔ nɔ. Be bɑ koo mɑɑ ɡu nɔ bɑ ko n wɑ̃ɑru mɔ.

Romu 4:17

Nɡe mɛ Gusunɔn ɡɑri ɡerumɔ, “Nɑ nun kuɑ bwese dɑbinun bɑɑbɑ.” U sɑ̃ɑ bɛsɛn bɑɑbɑ, Gusunɔ wi u nɑɑnɛ doken wuswɑɑɔ. Gusunɔ wiyɑ u rɑ ɡɔribu seeye, u rɑ mɑɑ tɑkɑ ko ye yɑ ǹ dɑɑ wɑ̃ɑ.

Efesu 5:12

Seku bɑkɑrɑ ì n nuɑ ye tɔn be, bɑ mɔ̀ ɑsiri sɔɔ.