Luku 6:39 - Bibeli Gusunɔn Gari

³⁹ U mɑɑ bu mɔndu ɡɑru kuɑ u nɛɛ, wɔ̃ko u koo kpĩ u wɔ̃kosi swɑɑ ɡbiiyɑ? Be yiru sɑnnu bɑ ǹ koo wɔru wɔri?

Luku 6:39 ပူးပေါင်းရင်းမြစ်များ

Esɑi 56:10

Domi be bɑ sɑ̃ɑ Isirelibɑn kɔ̃sobu, bɑ sɑ̃ɑwɑ wɔ̃kobu, bɑ ǹ bwisi mɔ. Be kpuro bɑ sɑ̃ɑwɑ nɡe bɔ̃ɔ ni nu kun kpɛ̃ nu wori. Bɑ rɑ kɑ̃wɑ bɑ n kpĩ bɑ n do kpɑ bɑ n dosimɔ.

Esɑi 9:16

Yen sɔ̃nɑ Yinni Gusunɔ u ǹ nuku dobu mɔ, ben ɑluwɑɑsibɑn sɔ̃. U ǹ mɑɑ ben ɡobekubɑ kɑ ɡɔminibu wɔnwɔndu kuɑmmɛ. Domi be kpuro bɑ sɑ̃ɑwɑ nuku kɔ̃suruɡibu. Bɑ ǹ Gusunɔn bɛɛrɛ yɛ̃. Sekuru sɑri ɡɑriyɑ yi rɑ yɑri sɑɑ ben nɔsun di. Yen sɔ̃, Yinni Gusunɔn mɔru kun suremɔ. U koo bu nɔmu dokewɑ u sɛɛyɑsiɑ.

Yeremi 6:15

N weenɛwɑ sekuru tɑ n bu mɔ̀, kɔ̃sɑ ye bɑ mɔ̀n sɔ̃, ɑdɑmɑ bɑ ǹ sekuru mɔ. Bɑ ǹ mɑm wure mɑ bɑ tore. Yen sɔ̃nɑ bɑ koo wɔrumɑ bu ɡbi. Bɑ koo fukurɑ bu wɔruku dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni kpuro ɡeruɑ.

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Mɑteu 13:3

U bu ɡɑ̃ɑ dɑbinu sɔ̃ɔwɑ kɑ mɔnnu u nɛɛ, durɔ ɡoowɑ yɑrɑ u dĩɑ bweseru yɛ̃kɑm dɔɔ.

Mɑteu 15:14

I bu derio. Swɑɑ ɡbio wɔ̃kobɑ. Wɔ̃ko ù n mɑɑ win wɔ̃kosi swɑɑ ɡbiiye be yiru kpurowɑ bɑ koo tokoro wɔri.

Mɑteu 23:33

Wɑɑ ɡɔsɔ wuuru bɛɛ! Amɔnɑ i ko kɑ dɔ̃ɔ wi u ku rɑ ɡbin tɑɑrɛ suuri.

Romu 2:19

A yĩiyɔ mɑ kɑɑ kpĩ ɑ wɔ̃kobu swɑɑ ɡbiiyɑ, kpɑ ɑ tɔmbu yɑm dɛɛrɑsiɑ be bɑ wɑ̃ɑ wɔ̃kuru sɔɔ.

Timɔte II 3:13

Adɑmɑ tɔn kɔ̃sobu kɑ wee kowobu ben kɔ̃suru tɑ ko tɑ n sosimɔwɑ. Nɡe mɛ bɑ ɡɑbu nɔni wɔ̃kumɔ, mɛyɑ bɑ mɑɑ tii nɔni wɔ̃kumɔ.