Luku 6:23 - Bibeli Gusunɔn Gari

²³ Nɡe mɛyɑ ben bɑɑbɑbɑ bɑ Gusunɔn sɔmɔbu kuɑ. Adɑmɑ bɛɛ, i ɡɔ̃ru doro dɔmɑ te, i yɔ̃ɔkuo kɑ nuku dobu, domi kɑ ɡem bɑ bɛɛ ɑre yiiye yi kpɑ̃ Gusunɔ wɔllɔ.

Luku 6:23 ပူးပေါင်းရင်းမြစ်များ

Sɑmuɛli II 6:16

Ye kpɑkoro te, tɑ duɔ Dɑfidin wuuɔ, mɑ Mikɑli, Sɔɔlun bii tɔn kurɔ u mɛɛrimɑ sɑɑ fɛnɛntin di u wɑ wee, Dɑfidi u yɔ̃ɔkumɔ u yɑɑmɔ kpɑkoro ten wuswɑɑɔ. Yerɑ u nùn ɡɛmɑ.

Sinɑmbu I 18:4

Sɑɑ yè sɔɔ Yesɑbɛli u Yinni Gusunɔn sɔmɔbu ɡoomɔ, yerɑ Abudiɑsi wi, u ben wunɔbu (100) suɑ u bɔnu kuɑ weerɑɑkuukuubu u beruɑ kpee wɔru sɔɔ. Miyɑ u rɑ n kɑ bu dĩɑnu kɑ nim dɑɑwɑmmɛ.

Sinɑmbu I 19:10

Mɑ u nùn wisɑ u nɛɛ, wunɛ wɔllu kɑ tem Yinniwɑ nɑ sɑnnɑmmɛ, domi Isirelibɑ bɑ wunɛn woodɑbɑ deri mɑ bɑ wunɛn yɑ̃ku yɛnu kɔsukɑ. Mɛyɑ bɑ wunɛn sɔmɔbu ɡo ɡo kɑ tɑkobi. Nɛ turowɑ nɑ tie. Yerɑ bɑ mɑɑ mɑn kɑsu bu hunde wunɑ.

Sinɑmbu I 19:14

Eli u wisɑ u nɛɛ, wunɛ wɔllu kɑ tem Yinniwɑ nɑ sɑnnɑmmɛ domi Isirelibɑ bɑ wunɛn woodɑbɑ deri, mɑ bɑ wunɛn yɑ̃ku yenu kɔsukɑ. Mɛyɑ bɑ mɑɑ wunɛn sɔmɔbu ɡo kɑ tɑkobi. Nɛ turowɑ nɑ tie. Yerɑ bɑ mɑɑ mɑn kɑsu bu hunde wunɑ.

Sinɑmbu I 19:2

Mɑ Yesɑbɛli u Eli sɔmɔ ɡɔriɑ u nɛɛ, mɑ nɑ kun nun ɡo siɑ ɑmɑdɑɑre nɡe mɛ ɑ tɔn ben bɑɑwure ɡo, bũnu nu mɑn kuɑ nɡe mɛ nu kĩ.

Sinɑmbu I 21:20

Yerɑ Eli u dɑ Akɑbun mi. Ye u turɑ mi, yerɑ Akɑbu u nùn sɔ̃ɔwɑ u nɛɛ, nɛn yibɛrɛ, ɑ den mɑn wɑ? Eli u nùn wisɑ u nɛɛ, nɑ nun wɑ. Wee, Yinni Gusunɔ u koo nun kɔ̃sɑ suremɑ kpɑ u wunɛn tɔmbu kpuro ɡo kɑ wunɛn yobɔ yèn sɔ̃ ɑ tii yɔ̃su ɑ kɔ̃sɑ kuɑ win wuswɑɑɔ.

Sinɑmbu I 22:27

Kpɑ i bu sɔ̃ i nɛɛ, ɑmɛniwɑ nɛ sinɑ boko nɑ ɡeruɑ. Nɑ nɛɛ, bu durɔ wi mɔɔ bu doke pirisɔmwɔ kpɑ bɑ n nùn dĩɑnu kɑ nim wɛ̃ɛmɔ sɑkɑ sɔɔ sere n kɑ wurɑmɑ tɑbu ɡberun di kɑ ɑlɑfiɑ.

Sinɑmbu I 22:8

Isirelibɑn sinɑ boko u nɛɛ, Gusunɔn sɔmɔ turowɑ u wɑ̃ɑ mini, wìn min di sɑ ko kpĩ su Yinni Gusunɔn ɡere nɔ. Adɑmɑ nɑ nùn tusɑ. Domi u ku rɑ mɑn ɡɑ̃ɑ ɡeenu sɔ̃. Sɔmɔ win yĩsirɑ Misee Yimilɑn bii. Mɑ Yosɑfɑti u nùn sɔ̃ɔwɑ u nɛɛ, sinɑ boko, ɑ ku ɡere mɛ.

Sinɑmbu II 6:31

Mɑ sinɑ boko u ɡeruɑ u nɛɛ, Gusunɔ u mɑn kuɑ nɡe mɛ u kĩ, mɑ nɑ kun Elisee Sɑfɑtin biin wiru bure ɡisɔ.

Bɑndun Gɑri II 36:16

Adɑmɑ bɑ Yinni Gusunɔn sɔmɔ be yɛ̃ɛ bɑ yɑɑkoru koosi. Bɑ ben ɡɑri ɑtɑfiiru kuɑ sere Yinni Gusunɔn tii u kɑ bu mɔru kuɑ ye bɑ ǹ kpɛ̃ bu suresiɑ.

Nɛɛmi 9:26

Adɑmɑ kɑ mɛ, bɑ ǹ nun mɛm nɔɔwɛ. Bɑ nun seesiwɑ, bɑ wunɛn woodɑbɑ biru kisi. Mɑ bɑ wunɛn sɔmɔbu ɡo ɡo be bɑ bu kirɔ kuɑ bu kɑ ɡɔ̃ru ɡɔsiɑ bu ben dɑɑ kɔ̃sɑ deri kpɑ bu wurɑmɑ wunɛn mi. Adɑmɑ bɑ ben dɑɑ kɔ̃sɑ sosiwɑ.

Womusu 58:11

Adɑmɑ ɡemɡii u ko n nuku dobu mɔwɑ ù n wɑ bɑ nùn mɔru bɑrɑ. U koo win nɑɑsu kpɑkiɑ tɔn kɔ̃sobun yɛm sɔɔ,

Esɑi 35:6

kpɑ kɔ̃ri kpirinuɡibu bɑ n yɔ̃ɔkumɔ nɡe kpɑsi. Mɛyɑ wi u ku rɑ kpĩ u ɡɑri ɡere, win yɑrɑ koo kusiɑrɑ kpɑ u n nɔɔɡiru mɔ̀ kɑ nuku dobu. Nim mu koo yɑri mu koku tem mi ɡɑ̃ɑnu ku rɑ kpi sɔɔ,

Yeremi 2:30

Kɑm sɔɔrɑ nɑ bɛɛ sɛɛyɑsiɑ. I ǹ nɛn sɛɛyɑsiɑ bi ɡɑrisi ɡɑ̃ɑnu. I Gusunɔn sɔmɔbu wɔri i ɡo nɡe mɛ ɡbee sunɔ ɡɑ rɑ yɑɑ wɔri ɡu ɡo.

Mɑteu 5:12

I ɡɔ̃ru doro kpɑ i n nuku doo bɑkɑbu mɔ yèn sɔ̃ bɑ bɛɛ ɑre bɛkɛ yiiye wɔllɔ. Domi nɡe mɛyɑ bɑ Gusunɔn sɔmɔbu nɔni sɔ̃ɔwɑ be bɑ bɛɛ ɡbiiye.

Luku 1:41

Ye Elisɑbɛti u Mɑɑrin tɔbiribu nuɑ, yerɑ bii wi u wɑ̃ɑ win nukurɔ u diirɑ mɑ Elisɑbɛti u Hunde Dɛɛro yibɑ.

Luku 1:44

Domi wee, ye wunɛn tɔbiribun nɔɔ ɡɑ nɛn swɑɑ wɔri, bii wi u wɑ̃ɑ nɛn nukurɔ u diirɑ kɑ nuku dobu.

Luku 6:35

Adɑmɑ i bɛɛn yibɛrɛbɑ kĩru sɔ̃ɔsio, i bu ɡeɑ kuo, i mɑɑ bu bɔkuro i kun kɔsire yĩiyɔ, bɛɛn ɑre yi ko n kpɑ̃, i ko n mɑɑ sɑ̃ɑ Wɔrukoon bibu, domi win tii u rɑ ɡuturubɑ kɑ tɔn kɔ̃sobu durom sɔ̃ɔsi.

Gɔrobun Kookoosu 14:10

mɑ u ɡbɑ̃rɑ u nɛɛ, ɑ seewo ɑ yɔ̃rɑ kɑ wunɛn nɑɑsu. Durɔ wi, u seewɑ fiɑ mɑ u sɑnum wɔri.

Gɔrobun Kookoosu 3:8

U yɔ̃ɔwɑ u surɑ mɑ u sɑnum wɔri u sɑ̃ɑ yeru duɑ kɑ be sɑnnu, u sĩimɔ u yɔ̃ɔkumɔ u Gusunɔ siɑrɑmɔ.

Gɔrobun Kookoosu 5:41

Mɑ ɡɔro be, bɑ doonɑ mɛnnɔ yeru min di kɑ nuku doo bɑkɑbu yèn sɔ̃ Gusunɔ u bu ɡɑrisi be bɑ turɑ bu yɑɑ kɑsiki Yesun yĩsirun sɔ̃.

Romu 5:3

N ǹ mɛ tɔnɑ, sɑ mɑɑ nuku dobu mɔ bɛsɛn nɔni swɑ̃ɑru sɔɔ, domi sɑ yɛ̃ mɑ nɔni swɑ̃ɑru tɑ rɑ tɛmɑnɑbu mɑ.

Korinti II 12:10

Yen sɔ̃nɑ nɑ nuku dobu mɔ dɑm sɑriru sɔɔ kɑ wɔmɑ kɑ nuku sɑnkirɑnu kɑ nɔni swɑ̃ɑru, kɑ mɑɑ wururɑbu ye nɑ sɔɔwɑ Kirisin sɔ̃. Domi sɑnɑm mɛ nɑ ǹ dɑm mɔ, sɑnɑm mɛyɑ nɑ sɑ̃ɑ dɑmɡii.

Kolose 1:24

Tɛ̃ nɛn nukurɑ do yèn sɔ̃ nɑ nɔni swɑ̃ɑru wɑɑmɔ bɛɛn sɔ̃. Mɑ nɑ nɔni swɑ̃ɑ te yibiɑmɔ te Kirisi u koo rɑ wɑ win yiɡbɛrun sɔ̃ te tɑ sɑ̃ɑ win wɑsi.

Timɔte II 2:12

Sɑ̀ n tɛmɑnɑ kɑ suuru, sɑ ko bɑndu di kɑ wi sɑnnu. Sɑ̀ n mɑɑ nùn yinɑ, win tii u koo sun yinɑ.

Heberu 11:26

U bwisikɑ u wɑ n sɑnɔ bu nùn ɡɛm nɡe wi Gusunɔ u ɡɔsɑ n kere u Eɡibitin dukiɑ wɑ, domi siɑn ɑreyɑ u mɛɛrɑ.

Heberu 11:6

N deemɑ ɡoo sɑri wìn kookoosu koo Gusunɔ wɛ̃re n kun kɑ nɑɑnɛ dokebu. Geemɑ, wi u Gusunɔ susimɔ u nɑɑnɛ sɑ̃ɑ mɑ Gusunɔ u wɑ̃ɑ mɑ u rɑ be bɑ nùn kɑsu durom kue.

Yɑkɔbu 1:2

Nɛɡibu, lɑɑkɑri mɛɛri bwese bwesekɑ yè sɔɔ i wɔri kpuro i ye ɡɑrisio ɡɔ̃ru dobu.

Piɛɛ I 4:13

Adɑmɑ i ɡɔ̃ru doro ye i kɑ Kirisin nɔni swɑ̃ɑru sɔɔ bɔnu mɔ, kpɑ i n mɑɑ nuku doo bɑkɑbu mɔ tɔ̃ɔ te win yiiko yɑ koo sɔ̃ɔsirɑ.

Kɑ̃siru 2:17

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ. Wi u tɑbu di, wiyɑ kon mɑnnɑ ye yɑ beruɑ wɛ̃ u di. Kon nùn kpee kpikiru wɛ̃ tè sɔɔ bɑ yĩsi kpɑɑru yoruɑ te ɡoo kun yɛ̃ mɑ n kun mɔ wi bɑ tu wɛ̃.

Kɑ̃siru 2:26

Wi u tɑbu di mɑ u mɔ̀ ye nɑ kĩ sere kɑ nɔrɔ, wiyɑ kon yiiko ye wɛ̃ ye nɑ mwɑ nɛn Bɑɑbɑn min di. Kon nùn yiiko ye wɛ̃ bwesenu kpuron wɔllɔ u n bu kpɑre kɑ sii bokuru kpɑ u bu so u kɔsuku nɡe wekenu.

Kɑ̃siru 2:7

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ. Wi u tɑbu di, kon de u dɑ̃ɑ wɑ̃ɑruɡii te tɑ wɑ̃ɑ Gusunɔn wɑ̃ɑ yerɔn binu di.

Kɑ̃siru 21:7

Bɑɑwure wi u tɑbu di, win tubi wee, u ko n sɑ̃ɑ win Yinni kpɑ wi, u mɑɑ ko win bii.

Kɑ̃siru 3:12

Wi u tɑbu di wiyɑ kon ko ɡbere Gusunɔ nɛn Yinnin sɑ̃ɑ yerɔ, u ǹ mɑɑ yɑriɔ. Kon nɛn Yinnin yĩsiru yore win wɔllɔ kɑ mɑɑ win wuun yĩsiru ɡe ɡɑ sɑ̃ɑ Yerusɑlɛmu kpɑɑ, ɡe ɡɑ koo sɑrɑmɑ win wɔllun di. Kon mɑɑ nɛn yĩsi kpɑɑru yore win wɔllɔ.

Kɑ̃siru 3:5

Wi u tɑbu di, wiyɑ u koo yɑ̃ɑ kpikinu doke mɛsum. Nɑ ǹ kon mɑɑ win yĩsiru ɡo wɑ̃ɑrun tireru sɔɔ. Bɑtumɑ sɔɔ kon wurɑ nɛn Bɑɑbɑn wuswɑɑɔ kɑ win ɡɔrɑdobɑn mi mɑ u sɑ̃ɑ nɛɡii.