Yerɑ Aburɑhɑmu u Gusunɔ yiirɑ mii mii u siriru tem ɡirɑri u yɛ̃ɛ mɑ u ɡeruɑ win tii sɔɔ u nɛɛ, bɑ koo mɑɑ tɔnu wɔ̃ɔ wunɔbuɡii bii mɑruɑ? Sɑɑrɑɑ wi u kuɑ wɔ̃ɔ wɛnɛ kɑ wɔkuru mini, u koo bii mɑ?
Bɛɛ Yerusɑlɛmuɡibu, bɛɛ be i wɑ̃ɑ Siɔnin ɡuurɔ, bɛɛn ɡoo kun mɑɑ sumɔ. Yinni Gusunɔ u koo bɛɛn wɔnwɔndu wɑ sɑnɑm mɛ i nùn sokɑ. Ù n bɛɛn nɔɔ nuɑ, u koo bɛɛ wurɑri.
Ì kun ɡɑri yi swɑɑ dɑki, kon dɑ n swĩ bɔkuɔ bɛɛn tii suɑ bin sɔ̃. Kon nɔni yĩresu yɑri n bɑndɑ. Domi bɑ koo bɛɛ Yinni Gusunɔn tɔmbu yoru mwɛɛri bu kɑ dɑ tem tukumɔ.
Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.
Yesu u bu sɔ̃ɔwɑ u nɛɛ, nɛnɑ dĩɑ wɑ̃ɑruɡinu. Bɑɑwure wi u nɑ nɛn mi, ɡɔ̃ɔrɑ kun mɑɑ nùn ɡoomɔ. Wi u mɑɑ mɑn nɑɑnɛ doke, nim nɔru ɡɑ ǹ nùn ɡoomɔ kɑ bɑɑdommɑɔ.
Nɑ mɑɑ nɔɔɡiru nuɑ sinɑ kitɑrun di tɑ nɛɛ, wee tɛ̃, Gusunɔn wɑ̃ɑ yerɑ wɑ̃ɑ tɔmbun suunu sɔɔ, u ko n wɑ̃ɑ kɑ be, bɑ koo mɑɑ ko wiɡibu. Gusunɔn tii u ko n wɑ̃ɑ ben suunu sɔɔ.