Luku 4:18 - Bibeli Gusunɔn Gari

¹⁸ “Yinni Gusunɔn Hunde kɑ mɑn wɑ̃ɑ. U mɑn ɡɔsɑ n kɑ dɑm sɑriruɡibu Lɑbɑɑri ɡeɑ nɔɔsiɑ. U mɑn ɡɔrimɑ n kɑ yobu sɔ̃ mɑ bɑ koo yɑkiɑrɑ, n kɑ wɔ̃kobu sɔ̃ mɑ bɑ koo yɑm wɑ, n kɑ mɑɑ tɑkɑsiɡibu yɔ̃su bu doonɑ,

Luku 4:18 ပူးပေါင်းရင်းမြစ်များ

Torubu 3:15

Nɑ kon mɑɑ yibɛrɛ tɛɛru doke wunɛ kɑ kurɔ win bɑɑ sɔɔ, kɑ mɑɑ wunɛn bweseru kɑ win bweserun bɑɑ sɔɔ. Win bweserun ɡoo u koo nun wiru kɔrɑ, kɑɑ mɑɑ win nɑɑ tokuru mɛɛrɑ ko.

Womusu 102:20

Domi wɔllun diyɑ Yinni Gusunɔ u tem mɛɛrɑ. U mɛɛrimɔ sɑɑ win wɑ̃ɑ yee dɛɛrɑrun di

Womusu 147:3

U be bɑ nuki sɑnkire nukuru yɛmiɑsiɑmɔ. U ben mɛɛrɑn bosu bɔkumɔ.

Womusu 34:18

Yinni Gusunɔ u rɑ ɡemɡibun sokuru wure, kpɑ u bu wunɑ ben wɑhɑlɑ kpuron di.

Womusu 45:7

Gusunɔ, bɑ wunɛn bɑndu swĩi sere kɑ bɑɑdommɑɔ. Gemɑ ɑ kɑ wunɛn bɑndu nɛni.

Womusu 51:17

Yinni Gusunɔ, ɑ nɛn nɔɔ wukio kpɑ ɡu nun siɑrɑ bu nɔ yɑm kpuro.

Esɑi 32:3

Be n weenɛ bu yɑm wɑ, ben nɔni koo wukiɑrɑ. Be n weenɛ bu ɡɑri swɑɑ dɑki, bɑ koo nɔ sɑ̃ɑ sɑ̃ɑ.

Esɑi 35:5

Sɑɑ yerɑ wɔ̃kobun nɔni koo wukiɑrɑ, kpɑ sosobu bu ɡɑri nɔ,

Esɑi 42:7

Kɑɑ wɔ̃kobu nɔni wukiɑ, kpɑ ɑ be bɑ sɔ̃ yɑm wɔ̃kuru sɔɔ pirisɔm dirɔ yɑrɑ.

Esɑi 45:13

Nɛ, Yinni Gusunɔ Dɑm kpuroɡii, nɛnɑ nɑ Sirusi seeyɑ u kɑ ɡeɑ ko ye nɑ ɡɔ̃ru doke. Kon win swɛɛ kpuro nɔɔ nɛrɑsiɑ. U koo nɛn wuu Yerusɑlɛmun bɑnsu seeyɑ, kpɑ u nɛn tɔn be bɑ rɑɑ yoru mwɛɛrɑ yɑrɑ yorun di n kun kɑ kɔsiɑru ɡɑru.

Esɑi 49:9

Kon de ɑ dɛsobu yɑkiɑ bu doonɑ, kpɑ ɑ be bɑ mɑɑ wɑ̃ɑ yɑm wɔ̃kurɔ sɔ̃ ɑ nɛɛ, bu yɑrimɑ bu dɑ yɑm bururɑm sɔɔ, kpɑ bɑ n sɑ̃ɑ nɡe yɑ̃ɑ ni nu dĩɑnu wɑɑmɔ swɛɛn bɔkuɔ kɑ ɡuunɔ.

Esɑi 50:4

Yinni Gusunɔ u mɑn keu kuɑ kpɑ n kɑ kpĩ n wi u wɑsire dɑm kɛ̃. U rɑ nɛn lɑɑkɑri yɑmiɛ bururu bɑɑtere n kɑ kpĩ n nùn swɑɑ dɑki, nɡe keu bii.

Esɑi 57:15

Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

Esɑi 59:21

U mɑɑ nɛɛ, win ɑrukɑwɑni wee, ye u kɑ bu bɔkumɔ. Win Hunde u ko n wɑ̃ɑwɑ be sɔɔ, kpɑ u win ɡɑri doke ben nɔsɔ. Yin ɡɛɛ kun doonɔ ben nɔsun di, sere n kɑ dɑ ben bibun bibun nɔsɔ, sɑɑ tɛ̃n di sere kɑ bɑɑdommɑɔ. Wi, Yinni Gusunɔwɑ u yeni ɡeruɑ.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Esɑi 66:2

Ye kpuro nɛɡiɑ. Nɛnɑ nɑ ye tɑkɑ kuɑ kɑ nɛn nɔmɑ. Wi u tii kɑwe, u nuki sɑnkire win durum sɔ̃, mɑ u nɛn ɡɑri nɑsie, wiyɑ nɑ kɑ nɔnu ɡeu mɛɛrɑ.

Esekiɛli 9:4

U nùn sɔ̃ɔwɑ u nɛɛ, ɑ doo wuu suunu sɔɔ ɑ tɔmbu yĩreru koosi sirikɑnɑɔ be bɑ weeweenu mɔ̀ kɔ̃sɑ ye tɔmbɑ mɔ̀ Yerusɑlɛmuɔn sɔ̃.

Dɑniɛli 9:24

Sɑɑ nɔɔbɑ yirun nɔn wɑtɑ kɑ wɔkurɑ Gusunɔ u himbɑ kuɑ yu doonɑ u sere wunɛn tɔmbu kɑ wunɛn wuu dɛɛrɔ yɑkiɑ torɑnu kɑ kɔ̃sɑ kpuron di. Yen biru, u koo bu ben torɑnu suuru kuɑ kpɑ u bu ɡem wɛ̃ sere kɑ bɑɑdommɑɔ. Gusunɔn sɔmɔbun ɡɑri kɑ kɑ̃sinun bɑɑ yɑ koo doonɑ kpɑ tɔn dɛɛro ɡoo u ko sunɔ.

Sofoni 3:12

U koo de tɔmbu fiiko bɑ n wɑ̃ɑ bɛɛn suunu sɔɔ be bɑ ǹ tii sue. Bɑ koo win yĩsiru soku u kɑ bu kɔ̃su.

Sɑkɑri 11:11

Yen tɔ̃ɔ terɑ u ɑrukɑwɑni ye kusiɑ. Mɑ yɑ̃ɑ kɔ̃su ni nu nùn mɛɛrɑ mi, nu ɡiɑ mɑ Yinni Gusunɔn ɡɑriyɑ yi koorɑmɔ.

Mɑteu 11:5

Wɔ̃kobɑ yɑm wɑɑmɔ, yɛmɔbɑ sĩimɔ, bɑ be bɑ bɑrɑ disiɡiru mɔ bɛkiɑmɔ bu kɑ dɛɛrɑ, sosobɑ ɡɑri nɔɔmɔ, bɑ ɡɔribu seeyɑmɔ ɡɔrin di, mɑ bɑ sɑ̃ɑrobu Lɑbɑɑri ɡeɑ wɑɑsu kuɑmmɛ.

Mɑteu 12:18

Gɑri yi sɔɔ, Gusunɔ u nɛɛ, “Nɛn sɔm kowo wi nɑ ɡɔsɑ wee, nɛn kĩnɑsi wì sɔɔ nɛn ɡɔ̃ru dobu kpuro wɑ̃ɑ. Nɑ kon nùn nɛn hunde wɛ̃, kpɑ u nɛn ɡem kpɑrɑ bwesenu kpuron mi.

Mɑteu 12:20

U ǹ koo tɔn be bɑ sunkure nɡe kɑbɑ dɑkurɑ. U ǹ koo mɑɑ bu ɡo bɑɑ bɑ̀ n sɑ̃ɑ nɡe fitilɑ ɡe ɡɑ ɡɔɔ dɔɔ, sere u kɑ de ɡem mu tɑbu di,

Mɑteu 4:16

Be bɑ sɔ̃ yɑm wɔ̃kuru sɔɔ mi, bɑ koo yɑm bururɑm bɑkɑm wɑ. Be, be ɡɔɔn bɛrum wukiri nɡe yɑm wɔ̃kuru, berɑ yɑm bururɑm koo kuremɑ.”

Mɑteu 5:3

Yesu u nɛɛ, doo nɔɔruɡibɑ bèn hunde yɑ Gusunɔn bɛkɛ bɑrɔ. Beyɑ bɑ ko n wɑ̃ɑ mi Gusunɔ u bɑndu swĩi.

Luku 4:17

Bɑ nùn Gusunɔn sɔmɔ Esɑin tireru wɛ̃. Ye u tu wukiɑ u wɑ mi bɑ yoruɑ bɑ nɛɛ,

Luku 6:20

Yerɑ Yesu u win nɔni suɑ u win bwɑ̃ɑbu mɛɛrɑ u nɛɛ, Doo nɔɔruɡibɑ bɛɛ sɑ̃ɑrobu domi bɛɛyɑ i ko n wɑ̃ɑ mi Gusunɔ u bɑndu swĩi.

Luku 7:22

Mɑ u bu wisɑ u nɛɛ, i doo i Yohɑnu tusiɑ ye i wɑ kɑ ye i nuɑ. Wɔ̃kobɑ yɑm wɑɑmɔ, yɛmɔbɑ sĩimɔ, be bɑ bɑrɑ disiɡiru bɑrɔ bɑ bɛkurɑmɔ bɑ dɛɛrɑmɔ, sosobu bɑ ɡɑri nɔɔmɔ, bɑ ɡɔribu seeyɑmɔ, mɑ bɑ sɑ̃ɑrobu Lɑbɑɑri ɡeɑn wɑɑsu mɔ̀.

Yohɑnu 1:41

U ɡinɑ ɡbiɑ u dɑ u win mɔɔ Simɔɔ sokumɑ mɑ u nùn sɔ̃ɔwɑ u nɛɛ, sɑ Mɛsi wɑ, wi bɑ sokumɔ Kirisi kɑ Gɛrɛkim.

Yohɑnu 12:46

Nɛ nɑ nɑ hɑnduniɑɔ nɡe yɑm bururɑm, kpɑ bɑɑwure wi u mɑn nɑɑnɛ doke u kun kɑ wɑ̃ɑ yɑm wɔ̃kuru sɔɔ.

Yohɑnu 3:34

Wi Gusunɔ u ɡɔrimɑ, wiyɑ u Gusunɔn ɡɑri ɡerumɔ, domi Gusunɔn Hunde yibɑwɑ wi sɔɔ.

Gɔrobun Kookoosu 10:38

I Yesu Nɑsɑrɛtiɡiin bɑɑru yɛ̃ nɡe mɛ Gusunɔ u nùn Hunde Dɛɛro kɑ dɑm wɛ̃. U dɑ bɑɑmɑ kpuro u sɔm ɡeenu kuɑ u tɔmbu bɛkiɑ be Setɑm u dɑm dɔre, domi Gusunɔ wɑ̃ɑ kɑ wi.

Gɔrobun Kookoosu 26:18

ɑ kɑ ben nɔni wukiɑ bu kɑ ɡɔsirɑ yɑm wɔ̃kurun di bu du yɑm bururɑm sɔɔ, kpɑ bu ɡɔsirɑ Setɑm dɑm di bu nɑ Gusunɔn mi, kpɑ bu ben torɑnun suuru wɑ bu ɑyeru tubi di kɑ be sɑnnu be Gusunɔ u ɡɔsɑ u kuɑ wiɡibu yèn sɔ̃ bɑ mɑn nɑɑnɛ doke.

Gɔrobun Kookoosu 4:26

Hɑnduniɑn sinɑmbɑ seewɑ. Mɑ wiruɡibɑ mɛnnɑ bu kɑ Yinni Gusunɔ kɑ win Kirisi tɑbu ko.”

Gɔrobun Kookoosu 4:27

Geemɑ, wuu ɡeni sɔɔrɑ Herodu kɑ Pɔnsu Pilɑti kɑ tɔn tukobu kɑ mɑɑ Isirelibɑ, be kpuro bɑ mɛnnɑ bɑ kɑ Yesu wunɛn sɔmɔ dɛɛro wi ɑ kuɑ Kirisi tɑbu kuɑ.

Kolose 1:13

Geemɑ u sun wɔrɑ sɑɑ yɑm wɔ̃kurun dɑm di mɑ u sun sinɑsiɑ mi win Bii kĩnɑsi u bɑndu dii.

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.

Piɛɛ I 2:9

Adɑmɑ bɛɛ i sɑ̃ɑwɑ bwese te bɑ ɡɔsɑ, i mɑɑ sɑ̃ɑ sinɑ bokon yɑ̃ku kowobu, i sɑ̃ɑ bwese te Gusunɔ u yɑkiɑ u yii nɛnɛm, kpɑ i kɑ win tɔn ɡeeru kpɑrɑ wi, wi u bɛɛ sokɑ yɑm wɔ̃kurun di i kɑ du win yɑm bururɑm mɑɑmɑɑkiɡim sɔɔ.