Luku 24:50 - Bibeli Gusunɔn Gari

⁵⁰ U kɑ bu dɑ sere Betɑni ɡiɑ, mɑ u win nɔmɑ suɑ wɔllɔ u bu domɑru kuɑ.

Luku 24:50 ပူးပေါင်းရင်းမြစ်များ

Torubu 27:4

Kpɑ ɑ kɑ mɑn ye yɑɑ dibu kuɑ nɡe mɛ nɑ rɑ kɑ̃ ɑ kɑ mɑn nɑɑwɑ n di kpɑ n nun domɑru kuɑ n sere ɡbi.

Torubu 48:9

Yosɛfu u win tundo wisɑ u nɛɛ, nɛn bibɑ mi, be Gusunɔ u mɑn kɑ̃. Mɑ Isireli u nɛɛ, ɑ de bu susimɑ nɛn bɔkuɔ kpɑ n bu domɑru kuɑ.

Torubu 49:28

Nɡe mɛyɑ Isireli u kɑ win bibu domɑru kuɑ nɛnnɛnkɑ. Ye u mɑɑ bu sɔ̃ɔwɑ, yerɑ mi. Bii beyɑ bɑ kuɑ win bwese kɛri wɔkurɑ yiru ye.

Sɑ̃ɑrun Woodɑ 9:22

Sɑnɑm mɛ Aroni u torɑnun yɑ̃kunu kɑ yɑ̃ku dɔ̃ɔ mwɑɑrɑruɡinu kɑ siɑrɑbun yɑ̃kunu kuɑ u kpɑ, yerɑ u nɔmɑ suɑ wɔllɔ u Isirelibɑ domɑru kuɑ. Yen biru u sɑrɑ yɑ̃ku yerun di.

Mɑteu 21:17

Yen biru u bu deri u doonɑ wuu min di u dɑ Betɑniɔ u kpunɑ mi.

Mɑɑku 10:16

Yerɑ u bibu suɑ, u ben bɑɑwure nɔmɑ sɔndi, mɑ u bu domɑru kuɑ.

Mɑɑku 11:1

Sɑnɑm mɛ bɑ Yerusɑlɛmu turuku kuɑ Bɛtefɑɡi kɑ Betɑnin bɔkuɔ, bɑ turɑ Olifin ɡuurɔ. Yerɑ Yesu u win bwɑ̃ɑbu yiru ɡɔrɑ.

Luku 24:51

Sɑnɑm mɛ u bu domɑ te kuɑmmɛ, u dɛsirɑ ben bɔkun di [mɑ u suɑrɑ wɔllɔ].

Gɔrobun Kookoosu 1:12

Sɑnɑm mɛyɑ ɡɔro be, bɑ ɡɔsirɑmɑ Yerusɑlɛmuɔ sɑɑ ɡuu ten wɔllun di te bɑ rɑ soku Olifi, te tɑ wɑ̃ɑ kilo tiɑn sɑkɑ wuu bɔkɔ ɡen min di.

Gɔrobun Kookoosu 1:9

Ye Yesu u ɡɑri yi ɡeruɑ u kpɑ, bɑ nùn mɛɛrɑ u suɑrɑ wɔllɔ, mɑ ɡuru wirɑ nùn beruɑ ben wuswɑɑɔ.

Timɔte I 2:8

Yen sɔ̃nɑ nɑ kĩ bɑɑmɑ mi bɑ kɑnɑru mɔ̀ tɔn durɔbu bu tu ko bɑ n nɔmɑ ye yɑ dɛɛre sue wɔllɔ n kun kɑ mɔru n kun kɑ sikirinɔ.

Yosue 22:6

Yen biru u bu domɑru kuɑ mɑ u nɛɛ, i ɡɔsiro bɛɛn temɔ kɑ bɛɛn yɑɑ sɑbenu kɑ sii ɡeesu kɑ wurɑ kɑ sii ɡɑndu kɑ sii wɔ̃kusu. Arumɑni ye i ɡurɑ bɛɛn yibɛrɛbɑn min di ɡesi kpuro, i ye bɔnu koowo kɑ bɛɛn tɔn be i rɑɑ deri mi. I n mɑɑ yɛ̃ mɑ Mɔwisi u Mɑnɑsen bwese kɛrɑn sukum tem wɛ̃ Bɑsɑniɔ Yuudɛnin sɔ̃ɔ yɑri yeru ɡiɑ. Nɑ mɑɑ ben sukum bɔnu wɛ̃ sɔ̃ɔ duu yeru ɡee nɡe mɛ nɑ Isirelibɑn bwese kɛri yi yi tie kuɑ.